settings icon
share icon
ৱাহং

ঈপূরোয়দা য়াওরিবা মতিক ময়ায়শিং অসি করি করিনো?

পাওখুম


ঐখোয়না ৱাহং অসিগী পাওখুম পীননবা হোৎনবদা, লাকলিবা শেংলবা পাওখুমদি, ঈপূরোয়গী মরমদা খঙবা য়াব ময়াম অমা লৈরিবসিনি! শন্দোক্না তাকলিবশিং অসিবু খঙবা পামবশিংনা অহানবমক্তদা মসিবু লোয়না পাথোকপা মথৌ তাই; অদুদগী মখা তান ময়েক শেংনা খঙনবগীদমক মকোক্তগী অমুক হৌরক্লগা খনগৎখ্রবা পূয়া (স্ক্রীপচর) ৱারোলশিং (পেসেজ) অদু নৈনবা তাই। পূয়া য়াওফম তাকপশিং তশেংনমক মথৌ তাই, মরমদি বাইবলদগী লৌথোরকপনি হায়দ্রবদি, শীজিন্নরিবা ৱাহৈশিং অসি মীওইবগী মচিন্দগী থোরকপা ৱাহৈ ঙাক্তনি হায়বা নত্তনা থোইদোকপা হায়নীঙাই করিসু লৈতে; নত্রবদি ঈপূরোয় মশক খঙবদি লায়রদুনা লান্দুনতা অদুম্মক লৈগনি (যোব ৪২:৭)। ঈপূরোয় করি মানবগে চুম্না হায়বা ঙমনবা হোৎনবদা ঐখোয়না তৌগদবা মরুওইবসি করিনো হায়বা তারবদি মসি অদুক্কী মতিক ৱাৎতুনতা লৈরগদবা ৱাফম অমনি! অসুমনা তৌবগী অৱাৎপা অসিনা ঈপূরোয়না য়াদবা অতোপ্পা লাই ময়াম অমা ঐখোয়না লিংখৎতুনা, চেন চোংদুনা অমদি ঈরাৎতুনা লৈনরিবা অসিনি (খোঙশানবা ২০:৩-৫)।

ঈপূরোয়না মশামক ঈনখৎচদুনা ফোংদোকপীরবা মতম অদুখক্তদা খঙবা ঙমগনি। “মঙাল” হায়রিবসিমক ঈপূরোয়গী মতিক ময়ায় নত্রগা মগুনশিংগী মনুংদা অমা ওইরিবনি, মসিগী ৱাহনথোকতি ঈপূরোয় মশামক্কী ঈ পাও অসি মহাক মশামকনা ফোঙদোকচবনি (য়িশাইয়া ৬০:১৯,জেমস ১:১৭)। ঈপূরোয় মশামকনা মশামক্কী লৌশিং ফোঙদোকচৈ হায়বগী অচুম্বা অসিবু থৌওইদবা তৌরোইদবনি, নত্রবদি ঐখোয়গী মরক্তগী কনাগুম্বনা তুমিন্না লৈগনবা ইবুংঙো মঙোন্দা চঙশিল্লুবা ঙমদে (ইব্রিয়া ৪:১)। লৈশেমলোন, বাইবল, অমসুং ঈপূরোইগী ৱাহৈ অদুমক্না হকচাং তোংশা (যীশু খৃষ্ট) শেমখিবা ওইবনা ঈপূরোয় করি মানবগে হংলকপদা চুম্না খুম্বা ঙমহনগনি।

ঈপূরোয় ঐখোয়গী শেম্বীবা মপূনি হায়বসি খঙজিনবগা লোয়ননা ঐখোয় হৌজিক পাওখুম পীবা হৌরসি হায়বদি ঐখোয় মহাক্কী লৈশেমনুংশেমগী মনুং চনবা শরুক অমনি (মৈহৌরোল ১:১ লাইশোল ঈশৈ ২৪:১) হায়বসিদা য়ারসি। ঈপূরোয়না ঐখোয় তাইবং মীওইবা অসি মহাক্কী মমিদা মিতমলগা শেম্বনি হায়বীরমই। মীওইবনা অতৈ খুৎশেম পূম্নমক্কী মথক্তা লৈবনা মখোয় পূম্নমক্কী মথক্তা পালহল্লমই (মৈহৌরোল ১:২৬-২৮)। “লৈখা তারকপা” ওইখিবা মতৌ অদুমকনা লৈশেমনুংশেমবু মাংথোকখিবা মরমনা ঈবূংঙো মহাক্কী থবকশিংবু মমিসামি উহললে (মৈহৌরোন ৩:১৭-১৮); রোমিয়ো ১:১৯-২০)। লৈশেমনুংশেমগী পাকচাওবা, চমমনবা, ফজবা, অমসুং মথংমনাও নাইবা মখোয়শিং অসি লৌখৎতুনা য়েংলুরগদি ঈপূরোয়গী ৱাখলদা লুপশিননিংবা ফাওহল্লি।

ঈপূরোয়গী মমিং খর লৌখৎলগা থিজিন্দুনা য়েংবদা ঈপূরোয় করি মানবগে খঙবা ঙমগনি। মমিংশিং অদু মখাদা লৈরে:

এলোহিম - অকনবা অমা, লাইওইবা (মৈহৌরোল ১:১)
অ্যাডোনাই - মপূ ইবুঙো, মপূগা মনাইগা লৈনবা মরী তাকপা (খোঙশানবা ৪:১০,১৩)
এল এলিওন - ইৱাংৱাংবা, খ্বাইদগী কনবা অমা (মৈহৌরোন ১৪:২০)
এল রোই - ইউ উবা অকনবা অমা (মৈহৌরোন ১৬:১৩)
এল শাদাই – পূম্নমক্তা কনবা ঈপূরোয় (মৈহৌরোন ১৭:১)
এল ওলাম – মতম পূম্নমক্তা লৈবা ঈপূরোয় (য়িশাইয়া ৪০:২৮)
য়াহুয়া – মপূ ইবুঙো “ঐহাকনি”, ৱাহনদি লোমনাইদনা মথন্নতা হিংজবা ঙম্বা ঈপূরোয় (খোঙশানবা ৩:১৩,১৪)।

ঈপূরোয়গী মতিক ময়ায়শিং পাক শন্না য়েংদুনা ঐখোয় হৌজিক মখা চৎথসি; ঈপূরোয় লোমনাইদবনি, ৱাহন্দি মহাক্কী অহৌবা লৈতে অরোয়বসু লৈতে। মহাক শিবা নাইদে, ঙমখৈ লৈতে (অনিৱা ৩৩:২৭; লাইশোল ঈশৈ ৯০:২; ১ টিমোদি ১:১৭)। ঈপূরোয় হোংবা নাইদে, ৱাহন্দি মহাক হোংদোক হোংজিল য়াদে; মসিনা তাকলিবদি ঈপূরোয় পূংলৌলৌখৎপা অমদি পূংথাথাজবা য়াবনি (মালাখি ৩:৬; মশীং ২৩:১৯; লাইশোল ঈশৈ ১০২:২৬,২৭)। ঈপূরোয়গা চাংদমনবা য়াব লৈতে, ৱাহন্থোক্তি থবক্তা নত্রগা পূন্সি খু্ৎহিংদা মহাক্কা মান্নবা ঙম্বা কনামত্তা লৈতে; মহাক্কা মান্নবা ঙমলোই অমদি মপূং ফাদুনতা লৈরবনি (২সামুয়েল ৭:২২; লাইশোল ঈশৈ ৮৬:৮; য়িশাইয়া ৪০:২৫; মাথিয়ু ৫:৪৮)। ঈপূরোয় খঙ্ঙমদবনি, ৱাহনথোকতি মহাক অসি লোমনাইদনা লুবা, থিবদা ফংলরোইদবা, মহাকপু মপূং ফান খঙননবা হোৎনবদা মতম হৌখিদুনতা তোক্কদবা অদুগুম্বা অমনি (য়িশাইয়া ৪০:২৮;লাইশোল ঈশৈ ১৪৫:৩; রোমিয়ো ১১:৩৩,৩৪)

ঈপূরোয় অচুম্বনি, ৱাহনথোকতি মহাক অচান মীরাই নাইবা শাজৎতা মীতা য়েংনা চৎপা মীগুম্বা নত্তে (অনিৱা ৩২:৪; লাইশোল ঈশৈ ১৮:৩০)। ঈপূরোয় পূংঙমঙম্বনি, ৱাহনথোকতি মহাক পূম্নমক্তা কনবনি; মহাক অপাম্বা তৌবা ঙম্বনি, অদুবু মহাকনা তৌবা থবকশিং মহাক্কী লমচৎকা মতম পূম্নমক্তা ঈচান চান্নগনি (ফোংদোকপিবা ১৯:৬; জেরেমিয়া ৩২:১৭,২৭;)। ঈপূরোয় শিনথুংবনি, ৱাহনথোকতি মহাক মতম পূম্নমকতা মফম পূম্নমকতা লৈবনি; মসিনা খুদিংমক অসি ঈপূরোয়গী মশকনি হায়বদি য়াদে (লাইশোল ঈশৈ ১৩৯:৭-১৩; জেরেমিয়া ২৩:২৩)। ঈপূরোয় পুমখঙখঙবনি, ৱাহনথোকতি মহাক হৌখিবা, ওইরিবা, অমসুং লাক্কদবা খঙবা ঙমই, মতম অমগী মনুংদা ঐখোয়না করি খল্লিবগে ফাওবা মহাকনা খঙই; মহাক খুদিংমকপু খঙবনিনা মহাক্কী ৱায়েল মতম পূম্নমকতা চুমনা তৌই (লাইশোল ঈশৈ ১৩৯:১-৫; পাওরৌ ৫:২১)।

ঈপূরোয় অমখকনি, ৱাহনথোকতি মহাক মথনতা নত্তবা অতৈ লৈতে, অসিতসু নত্তনা ঐখোয়গী থম্মোয়গী খ্বায়দগী মথৌ তাব অমদি অপাম্বশিং ফংহনবা ঙম্বসু মহাক মথন্তনি, অদুনা মহাকখক্তবু ঐখোয়না ঈরাৎপা অমদি মহাকখক্তদা পুকনিং লুপশিনবা মতিক চাবনি (অনিৱা ৬:৪)। ঈপূরোয় অচুম্বা চৎপনি, ৱাহনথোকতি ঈপূরোয় পাপ চেনদে অদুগা পাপসু তৌহনদে; মসিগী মরমদি মহাক্কী অচুম্বা থবক অমসুং অচুম্বা ৱায়েল ঐখোয়না মশক খঙবা মথৌ তাবনা, ঐখোয়গী পাপশিং কোকপীনবগীদমক, যীশুগী কোকথক্তা থোংগৎপা তাখি (খোঙশানবা ৯:২৭; মাথি ২৭:৪৫-৪৬; রোমিয়ো ৩:২১-২৬)।

ঈপূরোয় ইৱাং ৱাংবনি, ৱাহনথোকতি মহাক ইঙমঙম্বনি; মহাকনা শেম্বা পূম্নমক পুল্লপ পূনশিল্লগা খঙনা নত্রগা খঙদনা মহাকনা তৌবশিং মহৈ চাহন্দবা তৌদে (লাইশোল ঈশৈ ৯৩:১; জেরেমিয়া ২৩:২০)। ঈপূরোয় থৱায়মিনি, ৱাহনথোকতি মহাক মশক উবা ঙমদে (যোহান ১:১৮; ৪:২৪)। ঈপূরোয় ট্রিনিতি অমনি, ৱাহনথোকতি মহাক অমখকনা অহুম ওইবনি, মচাক মান্নৈ, পাঙ্গল অমসুং মতিক মান্নৈ। অহানবা পূয়াগী ৱারেংদা “মপা, মচানিপা, থৱায় অশেংবা” অহুমবু খঙনরিবা তোঙান তোঙানবা মীশক অহুম থিনদুনা তাকলবসু মসিদা পল্লিবা ‘মিং’ অসি অমখকপুনি হায়বসি খঙজিনসি (মাথি ২৮:১৯; মার্ক্ ১:৯-১১)। ঈপূরোয় অচুম্বনি, ৱাহনথোকতি মহাক মফম পূম্নমক্তা পূম্নমক্কা য়ানৈ, মহাক ইতেক তেকতুনা লৈবনি অদুগা ওইদবা ঙাংদবনি (লাইশোল ঈশৈ ১১৭:২; সামুয়েল ১৫:২৯)।

ঈপূরোয় পূমশেং শেংবনি, ৱাহনথোকতি মহাক লমচৎ লূদবশিংদগী তোঙান্না লৈ অদুনা মখোয়গা য়েকনৈ। ঈপূরোয়না তৌনরিবা ফত্তবা থবক পূম্নমক অসিবু উই অদুনা মখোয়শিং অসিনা মঙোন্দা শাওই; মৈ অসি মহৌশানা পূয়াদা অশেঙবা পোৎশক অমনি লৌনৈ। ঈপূরোয় অসি অচাকপা মৈ অমগুমনা লৌনৈ (য়িসাইয়া ৬:৩; হাবাকুক ১:১৩; খোঙশানবা ৩:২,৪,৫; ইব্রিয়া ১২:২৯)। ঈপূরোয় থৌজাল হৈ – মসিদা অফবা মতৌ, থৌজাল হৈবা, ঙাকপীবা, অমসুং নুংশিবা য়াওরি – মখোয়শিং অসি মহাক্কী অফবা মতৌগী ৱাহনথোক্তা মমি তাব ৱাহৈশিংনি। ফূম্নমক অসিনা ঈপূরোয়গী থৌজালদগী ওইরমদ্রগদি লৈহৌরিবা মহাক্কী মতিক ময়ায়শিংনা ঐখোয়বু মঙোন্দগী খাইদোক্তুনা থমলমগনি। নুংঙায়রিবদি মসিমক্তি থোক্ত্রে, মরমদি মহাকনা ঐখোয় অমমমবু হকথেংননা মশক খঙবিরিবা অসিনি (খোঙশানবা ৩৪:৬; লাইশোল ঈশৈ ৩১:১৯; পিতর ১:৩; যোহান ৩:১৬; যোহান ১৭:৩)

মসি ঈপূরোয়মুক পাকচাওবা ৱাহং অমগী পাওখুম পীননবা হোৎনবদা থোরকপা ইচমচম্বা ৱারেং অমখকনি। মহাকপু থিবদা মখা চৎথবা ঙমনবা য়াম্না কন্না পূকনিং থৌগৎনসি (জেরেমিয়া ২৯:১৩)৷

English



মৈতৈলোনগী হোম পেজদা হনবীরকউ

ঈপূরোয়দা য়াওরিবা মতিক ময়ায়শিং অসি করি করিনো?
© Copyright Got Questions Ministries