Kya swarg ke liye Yeeshu hi ekmaatra marg hai?



Sawaal: Kya swarg ke liye Yeeshu hi ekmaatra marg hai?

Jawaab:
“Main mooltah ek achchha vyakti hoon, isiliye main swarg jaunga.” “Theek hai, main kuch bure kaarya karta hoon, parantu main achche kaarya adhik karta hoon, isliye main swarg jaunga.” “Parmeshwar mujhe isliye narak mein nahin bhejega kyunki main Bible ke tareekon se nahin jeeta hoon. Samay badal gaya hai.” “Keval vaastvik bure log jaise ki baalakon ka utpeerhan karne wale ya hatyaare hi narak mein jaate hain.”

Adhiktar logon mein is prakaar ke tark aam baat hai, paruntu satya yeh hai, ki yeh sab jhoote hain. Shaitaan, is sansaar ka shaasak, humare dimaagon mein yeh vichaar dalta hai. Woh, tatha koi bhi jo uske marg ka anusaran karta hai, Parmeshwar ka shatru hai (1 Patras 5:8) shaitaan humesha apne apko achche roop ke bhesh mein rakhta hai (2 Corinthion 11:14) parantu uska un saare dimaaghon par niyantran hai jo ki Parmeshwar ke nahin hai. “Shaitaan, is bure sansaar ke Ishwar ne, un sabhi ki buddhi ko andhaa kar diya hai jo vishwas nahin karte, isliye wo susamachar ke tejomay prakash ko nahin dekh sakte jo unpar chumak raha hai. Woh Maseeh ki mahima ke sandesh ko nahin samajhte, jo ki Parmeshwar ka pratiroop hai” (2 Corinthion 4:4).

Yeh vishwas karna ek jhooth hai ki Parmeshwar chote paapon ki owr dhyaan nahin deta; tatha narak “bure logon ke liye hi surakshit hai. Saare paap humeinn Parmeshwar se prithak kar dete hain, yahan tak ki ek ‘chota sa safed jhooth’. Sabne paap kiya hai, tatha koi bhi itna sakshum nahin hai jo apne balboote par hi swarg jaa sakey (Romeo 3:23). Swarg jaane ka aadhaar yeh nahin hai ki humari achchhaaiyan humari buraaiyon ki apeksha bhaari hai, agar aisa maamla hai to hum sab haar jayenge. “Yadi wo Parmeshwar ke anugrah se hua hai, to phir unke karmon se nahin. Kyunki aise vishay mein, Parmeshwar ka aascharyajanak anugrah waisa nahin rahega jaisa ki wo vaastvik roop mein hai- bina koi keemat chukaae.” (Romeo 11:16). Hum swarg mein apna marg arjit karne ke liye kuch bhi achchha nahin kar sakte (Titus 3:5)

Aap Parmeshwar ke rajya mein sankare dwaar se hi pravesh kar sakte hain. Narak ka raajmarg chaakal hai tatha uska dwaar chaurha hai, un saare logon ke liye jo aasaan raasta apnaate hain” (Matti 7:13) Yahaan tak ki agar har ek paap ka jeewan jee raha hai, tatha Parmeshwar mein vishwas rakhna lokpriya nahin hai, to Parmeshwar usey kshuma nahin karega. “Tum baaki ke sansaar ke riti se reh rahe the, paap se bhare hue, shaitaan ke aagyaaon ka paalan karte hue, jo aakash ke adhikaar ka shaktishaali raajkumar hai. Wo un logon ke manon mein karya karta hai, jo Parmeshwar ki aagyaaon ko maanne se mana kar dete hain” (Ifisiyon 2:2).

Jab Parmeshwar ne srishti ki rachna ki, wo nirdosh thi. Har ek vastu achchi thi. Phir usne Adam aur hawwa ko banaya, tatha unhein unki apni marzi di, jisse ki unke paas Parmeshwar ki aagyaaon ka paalan karne ya na karne ka vikalp tha. Parantu Adam aur Hawwa, wo pehle manushya jinhein Parmeshwar ne banaya tha, Parmeshwar ki awagya karne ke liye shaitaan ke dwaara lalchaaey gaye, tatha unhone paap kiya. Is baat ne unhein (tatha har ek jo unke baad aaya, jismein hum bhi sammilit hain) Parmeshwar ke sath ek nikat sambandh banane ki yogyata se prithak kar diya. Wo sidhya hai tatha paap ke madhya nahin reh sakta. Paapiyon ke roop mein hum swem ke balboote par wahan nahin pahunch sakte. Isliye Parmeshwar ne ek marg banaya jisse ki swarg mein hum uske saath jurhein.“Kyunki Parmeshwar ne jagat se aisa prem rakha ki usne apna eklauta putra de diya, taki jo koi us par vishwas kare, woh naash na ho, parantu anant jeewan paayen.” (Yohanna 3:16 ). “Kyunki paap ki mazdoowri to mrityu hai, parantu Parmeshwar ka vardaan humare prabhu Maseeh Yeeshu mein anant jeewan hai” (Romeo 6:23). Yeeshu isliye janmaa ki wo humein marg dikha sakey tatha humare liye mrityu praapt karen jisse ki hum na maare jayen. Apni mrityu ke teen din baad, wo marey huon mein se jee utha (Romeo 4:25) apne apko mrityu par vijayi pramaanit karte hue. Usne Parmeshwar tatha manushya ke madhya ka antar samaapt kiya, jisse ki hum uske sath ek vyaktigat sambandh bana saken, keval agar hum vishwas karen to.

“Aur anant jeewan yeh hai, ki tujh advait sachche Parmeshwar ko aur Yeeshu Maseeh ko, jisey tu ne bheja hai, jaanein” (Yohanna 17:3) adhiktar log Parmeshwar mein vishwas rekhtein hain, yahan tak ki shaitaan bhi. Parantu uddhaar paane ke liye, humein Parmeshwar ki owr jaana chahiye, vyaktigat sambandh sthaapit karne chahiye, apne paapon se mudh kar uska anusaran karna chahiye. Jo kuch bhi humare paas hai tatha jo kuch bhi hum karte hain, uske saath humein Yeeshu mein bharosa rakhna chahiye. “Jab hum apne paapon ke samarpan ke liye Yeeshu Maseeh mein bharosa rakhten hain to hum Parmeshwar ke drishti mein sahi maane jaate hain. Tatha is prakaar se hum sab ka uddhaar ho sakta hai, chahe hum koi bhi hon ya humne kuch bhi kiya ho” (Romeo 3:22) Bible yeh shiksha deti hai ki Maseeh ke atirikt uddhaar paane ka koi anya marg nahin hai. Yohanna 14:6 mein Yeeshu kehta hai, “marg aur sachchhai aur jeewan main hi hoon, bina mere dwaara koi pita ke paas nahin pahunch sakta.”

Yeeshu hi uddhaar ka ek matra marg hai kyunki ek wo hi hai jo ki humare paap ke jurmaane ki keemat adaa kar sakta hai (Romeo 6:23). Koi anya dharm paap tatha uske parinaamon ki gehraai ya gambheerta ki shiksha nahin deta. Koi anya dharm paap ki antheen keemat nahin prastut karta jo ki keval Yeeshu uplabdh kara sakta hai koi anya “dhaarmik sansthapak” aisa nahin hua jo Parmeshwar se manushya bana ho (Yohanna 1:1,14)- ekmaatra tareeka jisse ki antheen shran chukaya ja sakey. Yeeshu ko Parmeshwar hona tha, jisse ki wo humara shran chuka sakey. Yeeshu ko manushya hona tha jisse ki wo mrityu ko praapt ho sakey. Keval Yeeshu Maseeh mein vishwas se hi uddhaar uplabdh hai! “Aur kisi doosre ke dwaara udwaar nahin, kyunki swarg ke neeche manushyon mein aur koi doosra naam nahin diya gaya, jiske dwaara hum uddhaar paa sakein.”(Preriton ke kaam 4:12)

Idhar padne ke baad, Christ ke bare main kohi sidhaantt liya? Accha laaga to kripa karke niche ka button press kare " Aaj maine Christ ko grahan kiya".



Hindustani key home page main bapas aye



Kya swarg ke liye Yeeshu hi ekmaatra marg hai?