Romeo marg uddhaar kya hai?



Sawaal: Romeo marg uddhaar kya hai?

Jawaab:
Romeo ke marg se uddhaar ek tareeka hai jis mein uddhaar ke susamachar ko Romeo ki Bible pustak mein se anuchedon ka upyog karke baata jata hai. Yeh ek saral phir bhi shaktishaali tareeka hai yeh samajhne ke liye ki humein uddhaar ki kyun aavashyakta hai, kaise Parmeshwar ne uddhaar uplabdh karaya, kaise hum uddhaar praapt kar sakte hain tatha uddhaar ke kya parinaam hain.

Romeo ke marg se uddhaar ka pehla pad hai (Romeo 3:23), “Isliye ki sabne paap kiya hai aur Parmeshwar ki mahima se rahit hain. “Hum sabne paap kiya hai. Hum sabne aise kaarya kiye hain jisse Parmeshwar aprasan hota hai. Aisa koi bhi nahin hai jo nirdosh ho. (Romeo 3:10-18) ek vistrtit chitran deta hai ki humare jeewan mein paap kis prakaar dikhta hai. Romeo ke marg se uddhaar ka dooosra lekh, (Romeo 6:23), humein paap ke parinaamon ke vishay mein shiksha deta hai, “kyunki paap ki mazdoori to mrityu hai, parantu Parmeshwar ka vardaan humare prabhu Yeeshu Maseeh mein anant jeewan hai.” Apne paapon ke liye jo dand humne arjit kiya hai wo mrityu hai. Keval shareerik mrityu hi nahin, parantu shaashvat mrityu hai!

Romeo ke marg se uddhaar ka teesra pad wahan se aarambh hota hai jahan par (Romeo 6:23) samaapt hota hai, “parantu Parmeshwar ka vardaan humare Prabhu Yeeshu Maseeh mein anant jeewan hai.” (Romeo 5:8) Udghoshna karta hai, “Parantu Parmeshwar hum par apne prem ki bhalaai is reeti se prakat karta hai, ki jab hum paapi hi the tabhi Maseeh humare liye maraa. “Yeeshu Maseeh humare liye maraa! Yeeshu ki mrityu ne humare paapon ki keemat chukai. Yeeshu ka punrootthaan yeh pramaanit karta hai ki Parmeshwar ne Yeeshu ki mrityu ko humare paapon ki keemat ke roop mein sweekaar kiya.

Romeo ke marg se uddhaar ka chautha parhaw (Romeo 10:9) hai, “ ki yadi tu Yeeshu ko apne munh se Prabhu jaankar angikaar kare aur apne mann se vishwas kare , ki Parmeshwar ne usey mare huon mein se jilaya, to tu nischay uddhaar payega.” Humare hit mein Yeeshu ki mrityu ke kaaran, jo sab kuch humko karna hai wo hai us par vishwas karna, humare paapon ke kaaran uski mrityu par bharosa karna- tatha hum uddhaar payenge! (Romeo 10:13) isey phir se kehta hai, “kyunki jo koi Prabhu ka naam lega, woh uddhaar payega.” Yeeshu humare paapon ke dand ki keemat chukaane ke liye maraa tatha humko anant mrityu se bachaane ke liye.

Uddhaar, paapon ki kshuma, har kisi ko uplabdh hai jo Yeeshu Maseeh mein apne Prabhu tatha uddhaarkarta ke roop mein bharosa rakhega.

Romeo ke marg se uddhaar ka nirnaayak pehlu uddhaar ke parinaam hain. (Romeo 5:1) mein yeh aascharyajanak sandesh hai, “So jab hum vishwas se dhaarmik thehrey, to apne Prabhu Yeeshu Maseeh ke dwaara Parmeshwar ke saath mail rakhein.” (Romeo 8:1) humeinin shiksha deti hai, “so ab jo Maseeh Yeeshu mein hai, un par dand ki aagya nahin.” Humare hit mein Yeeshu ki mrityu ke kaaran, humeinin humare paapon ke liye kabhi bhi doshi nahin thehraaya jayega. Ant mein humare paas Parmeshwar ka poowrvakathan (Romeo 8:38-39) hai, “Kyunki main nischay janta hoon, ki na mrityu, na jeewan, na swargdoot, na pradhaantaaein, na vartmaan, na bhavishya, na saamarth, na oochaai, na gehraai aur na koi aur srishti humeinin Parmeshwar ke prem se, jo humare Prabhu Yeeshu Maseeh mein hai, alag kar sakegi.”

Kya aap Romeo ke marg se uddhaar ka anusaran karna chahenge? Agar aisa hai,to yahan par ek saral praarthna hai jo aap Parmeshwar se kar sakte hain. Is praarthna ko karna Parmeshwar ko yeh batane ka tareeka hai ki aap apne uddhaarke liye Yeeshu Maseeh par bharosa kar rahe hain. Shabd swem apka uddhaar nahin kar sakte. Keval Yeeshu par vishwas uddhaar dila sakta hai. “Parmeshwar, main janta hoon ki maine apke virudh paap kiya hai, tatha main dandit hone ka uttaradhikaari hoon. Parantu Yeeshu Maseeh ne wo dand uthaya, jiske yogya main tha, jisse ki usmein vishwas karke main kshuma kiya ja sakoon. Main apne paapon se munh mowrhta hoon, tatha mukti ke liye aap mein apna vishwas rakhta hoon. Apke aascharyajanak anugrah tatha kshuma ke liye anant jeewan ke vardaan ke liye apka dhanyawaad astu!”

Idhar padne ke baad, Christ ke bare main kohi sidhaantt liya? Accha laaga to kripa karke niche ka button press kare " Aaj maine Christ ko grahan kiya".



Hindustani key home page main bapas aye



Romeo marg uddhaar kya hai?