Paapi ki prarthna kya hai?



Sawaal: Paapi ki prarthna kya hai?

Jawaab:
Paapi ki prarthna ek prarthna hai jo ek vyakti Parmeshwar se karta hai jab wo yeh samajh jata hai ki wo ek paapi hai tatha usey ek uddhaarkarta ki aavashyakta hai. Keval paapi ki prarthna kehna swem mein kuch praapt nahin kar sakta. Paapi ki prarthna keval tabhi prabhaavi ho sakti hai jab wo nishkapat bhaau se yeh varnan karti hai ki vyakti kya jaanta hai, samajhta hai, tatha apni adharmta ke vishay mein maanta hai tatha usey uddhaar ki aavashyakta hai.

Paapi ki prarthna ka prathum paksh yeh samajhna hai ki hum sab paapi hain. (Romeo 3:10) daawa karta hai, “jaisa likha hai, ki koi dhaarmik nahin, ek bhi nahin. Bible yeh spasht karti hai ki hum sabne paap kiya hai. Hum sab paapi hain tatha humein Parmeshwar ki or se daya tatha chhuma ki aavashyakta hai (Titus 3:5-7). Apne paapon ke kaaran, hum anant dand ke yogya hain (Matti 25:46). Paapi ki prarthna nyay ki jagah anugrah ki yaachna hai. Yeh krodh ki jagah daya ka nivedan hai.

Paapi ki prarthna ka dvitiya paksh yeh jaana hai ki Parmeshwar ne humari paappoorna tatha khoii hui sthiti ke upchaar ke liye kya kiya hai. Parmeshwar ne deh dhaaran kar Yeeshu Maseeh ke vyaktitva mein (Yohanna 1:1; 14) manushya ka roop dhaaran kiya. Yeeshu ne Parmeshwar ke baare mein humein satya ki shiksha di tatha poorna roop se dharmi tatha paap rahit jeewan vyateet kiya (Yohanna 8:46; 2 Corinthion 5:21). Phir Yeeshu humari jagah cross pe mara, wo dand uthatey hue jiske uttaraadhikaari hum hain (Romeo 5:8). Paap, mrityu tatha narak ke upar vijay ko pramaanit karte hue Yeeshu mudron mein se jee utha (Kulussiyon 2:15; 1 Corinthion adhyaay 15). Is sab ke kaaran hum apne saare paapon ki chhuma praapt kar sakte hain tatha swarg mein ek anant nivaas ka aashvasan le sakte hain- agar hum keval apna vishwas Yeeshu Maseeh mein rakhte hain. Humko keval yeh karna hai ki hum vishwas karein ki wo humari jagah mara tatha mudron mein se jee utha (Romeo 10:9-10) . Hum keval apna vishwas Yeeshu Maseeh mein rakhte hain. Humko keval yeh karna hai ki hum vishwas karein ki wo humari jagah mara tatha mudron mein se jee utha (Romeo 10:9-10).

Hum keval anugrah se, keval vishwas dwaara, keval Yeeshu Maseeh mein uddhaar praapt kar sakte hain. (Ifisiyon 2:8) ghoshna karta hai, “kyunki vishwas dwaara anugrah hi se tumhara uddhaar hua hai aur yeh tumhari or se nahin, varan Parmeshwar ka daan hai.

Paapi ki prarthna ko kehna Parmeshwar se yeh kehne ka ek saadharan tareeka hai ki aap Yeeshu Maseeh par apne uddhaarkarta ke roop mein bharosa kar rahein hain. Kahin par koi “chumatkaarik” shabd nahin hai jinka parinaam uddhaar hai. Keval Yeeshu ki mrityu tatha punrootthaan mein vishwas hi humko uddhaar dila sakta hai. Agar aap yeh samajhte hai ki aap ek paapi hain tatha apko Yeeshu Maseeh ke dwaara uddhaar ki aavashyakta hai, to yahan par ek paapi ki prarthna hai jo aap Parmeshwar se kar sakte hain: “Parmeshwar, main jaanta hoon ki main ek paapi hun. Main jaanta hoon ki main apne paap ke parinaam bhogne ka paatr hoon. Phir bhi, main apne uddhaarkarta ke roop mein Yeeshu Maseeh par bharosa rakhta hoon. Main vishwas karta hoon ki uski mrityu tatha punrootthaan meri chhuma uplabdh karane ke liye tha. Main Yeeshu, tatha keval Yeeshu mein apna vyaktigat prabhu tatha uddhaarkarta ke roop mein manta hoon. Apko dhanyawaad hai Prabhu, mera uddhaar karne tatha mujhe chhuma karne ke liye astu!

Idhar padne ke baad, Christ ke bare main kohi sidhaantt liya? Accha laaga to kripa karke niche ka button press kare " Aaj maine Christ ko grahan kiya".



Hindustani key home page main bapas aye



Paapi ki prarthna kya hai?