Main Parmeshwar ke saath theek prakaar se kaise reh sakta hoon?



Sawaal: Main Parmeshwar ke saath theek prakaar se kaise reh sakta hoon?

Jawaab:
Parmeshwar ke saath “theek” prakaar se rehne ke liye, humein pehle yeh samajhna hoga ki “ghalat” kya hai. Uttar hai ‘paap’. “Koi bhi achchha karya karne wala vyakti nahi hai, ek vyakti bhi nahin” (Bhajan Sanhita 14:3). Humne Ishwar ke aadarshon ke khilaaf vidroh kiya hai, hum bherhon ki tarah raasta bhatak gaye hain.” (Yashayah 53:6)

Buri khabar yeh hai ki paap ka dand mrityu hai. “Jo praani paap kare wahi mar jayega” (Yahejkel 18:4). Achchha samachar yeh hai ki humare liye uddhaar lane ke liye ek prempoorn Parmeshwar ne humara peecha kiya hai. Yeeshu ne kaha tha ki uska uddesh “khoye huon ko dhoondne tatha unka uddhaar karna” hai (Luka 19:20), tatha usne spasht kiya, in shabdon ke saath jab Cross par usne praan tyaage, “poora hua” (Yohanna 19:30)

Parmeshwar ke saath theek prakaar ke sambandh apne paapon ko sweekaar karne ke saath hi shuroo hote hain. Agla charan Parmeshwar ke sammukh ek vinamr khed prakat karna (Yashayah 57:15) tatha paap ka parityaag karne ka dhridh sankalp hai. “Uddhaar ke liye munh se kaha jata hai” (Romeo 10:10)

Yeh paschataap vishwas ke saath hona chahiye. Vishesh roop se yeh vishwas ki Yeeshu ki balidaani mrityu tatha chumatkaarpoorn punrutthaan usey humare uddhaarkarta banne ke yogya banata hai. “Ki yadi tu apne munh se Yeeshu ko prabhu jaankar angeekaar kare aur apne mann se vishwas kare, ki Parmeshwar ne usey mare huon mein se jilaya, to tu nischay uddhaar payega.” (Romeo 10:9). Kai anya anuched vishwas ki avashyakta ki baat karte hain, jaise (Yohanna 20:27; Preriton ke kaam 16:31; Ghaltiyon 2:16; 3:11; 26; tatha Ifisiyon 2:8)

Parmeshwar ke saath theek prakaar se rehna apki us pratikriya ka vishay hai jo ki apke liye Parmeshwar dwaara kiye gaye kaaryon ke prati hoti hai. Usne uddhaarkarta bheja, usne humare paap ko samaapt karne ke liye balidaan uplabdh karaaya (Yohanna 1:29) tatha wo apko yeh vachan deta hai: “aur jo koi prabhu ka naam lega, wahi uddhaar payega” (Preriton ke kaam 2:21).

Udhaau putr ka drishtant (Luka 15:11-32) paschataap tatha kshuma ka ek sunder udaahran hai. Chote putr ne apne pita dwaara bhent mein di gayi sampatti ko kukarmon mein udhaa di (Pad 13). Jab usne apne ghalat kaaryon ko pehchaana, usne wapas ghar lautne ka nirnay liya (Pad 18). Usne yeh maana ki woh ab putr kehlaane layak nahin raha (Pad 19) parantu woh ghalti par tha. Ishwar virdeenhirday tatha antaraatma mein dabey hue logon ke sadaiv kareeb vidyamaan rehte hain. Parmeshwar apne vachanon par rehne ke liye bhala hai, jismein ki kshuma ka vachan bhi sammilit hai. “yahova tutey mann waalon ke sameep rehta , aur shoshiton ka uddhaar karta hai” (Bhajan Sanhita 34-18)

Agar aap Parmeshwar ke saath theek rehna chahte hain, iske liye ek praarthna hai. Smaran rakhen, yeh praarthna ya koi anya praarthnaka ka kehna apko uddhaar nahin dila sakta. Keval Yeeshu mein vishwas hi hai jo apko paap se bachaa sakta hai. Yeh praarthna to Parmeshwar mein keval apna vishwas vyakt karna tatha apke liye uddhaar uplabdh karaane ke liye usko dhanyawaad karne ke liye hai. “Parmeshwar, main janta hoon ki maine apke virudh paap kiya hai, tatha main dandit hone ka uttaradhikaari hoon. Parantu Yeeshu Maseeh ne wo dand uthaya jiske yogya main tha, jisse ki usme vishwas karke main kshuma kiya ja sakoon. Main apne paapon se munh morhta hoon tatha uddhaar ke liye aap mein apna vishwas rakhta hoon. Apke aascharyajanak anugrah tatha kshuma ke- liye anant jeewan ke vardaan ke liye apka dhanyawaad astu!”

Idhar padne ke baad, Christ ke bare main kohi sidhaantt liya? Accha laaga to kripa karke niche ka button press kare " Aaj maine Christ ko grahan kiya".



Hindustani key home page main bapas aye



Main Parmeshwar ke saath theek prakaar se kaise reh sakta hoon?