Naye Christian ke punarjanm ka kya arth hai?



Sawaal: Naye Christian ke punarjanm ka kya arth hai?

Jawaab:
Christian punarjanm ka kya arth hai? Bible mein Yohanna 3:1-21 ek aadarsh anuchchhed hai jo is prashn ka uttar deta hai. Prabhu Yeeshu Maseeh Nikudemus naam ke ek pramukh farsi se jo ki yahudiyon ke shasak ki ek sanstha ka sadasya bhi tha, ki baat karta hai. Nikudemus raat ke samay Yeeshu ke paas aaya tha. Nikudemus ke paas Yeeshu se poochhne ke liye prashn the.

Jab Yeeshu Nikudemus se baatein kar raha tha, usne kaha “… Main tujhse sach kehta hoon, yadi koi naye sirey se na janmey to Parmeshwar ka rajya nahin dekh sakta.” Nikudemus ne usse kaha “Manushya jab boorha ho gaya to kyunkar janm le sakta hai? Kya woh apni maata ke garbh mein doosri baar pravesh karke janm le sakta hai?” Yeeshu ne uttar diya, “Main tujhse sach-sach kehta hoon; jab tak koi manushya jal aur aatma se na janmey to woh Parmeshwar ke rajya mein pravesh nahin kar sakta. Kyunki jo shareer se janmaa hai wo shareer hai; aur jo aatma se janmaa hai, wo aatma hai. Achumbha na kar, ki maine tujhse kaha, ki tumhein phir se janm lena hai…” (Yohanna 3:3-7)

Is ukti “Naye sirey se janm lena” ka akshrash : arth hai “swarg se janmaa.” Nikudemus ke saath ek vaastvik samasya thi. Usko apne hirday ko parivartit karne ki avashyakta thi – aatmik roopaantaran ki. Naya janm, naye sirey se janm lena, Parmeshwar ka ek karya hai jahan us vyakti ko anant jeewan pradaan kiya jata hai jo vishwas rakhta hai (2 Corinthion 5:17; Titus 3:5; 1 Patras 1:3 ; 1 Yohanna 2:29; 3:9; 4:7; 5:1-4, 18 ) 1 Yohanna 1:12, 13 yeh sanket deta hai phir se janm lena ka taatparya Christ ke naam mein vishwas ke maadhyam se Ishwar ke santaan ke roop mein janm lene se hai.

Tarksangat roop se ek prashn uthta hai, “Ek vyakti ko naye sirey se janm lene ki kya avashyakta hai?” Ifisiyon 2:1 mein prerit Paulus kehta hai,”Aur usne tumhein bhi jilaya, jo apne apraadhon aur paapon ke kaaran mare hue the…” Rome nivaasiyon ke liye Romeo 3:23, mein prerit ne likha,”isliye ki sab ne paap kiya hai aur Parmeshwar ki mahima se rahit hai.” Isliye ek vyakti ko naye sirey se janm lene ki avashyakta hai jisse ki wo apne paapon ki kshuma praapt kar sakey tatha Parmeshwar ke sath ek sambandh bana sakey?

Aisa kaise ho sakta hai? Ifisiyon 2:8, 9 vyakt karta hai, “kyunki vishwas ke dwaara anugrah hi se tumhara uddhaar hua hai, aur yeh tumhari owr se nahin, varan Parmeshwar ka daan hai, aur na karmon ke kaaran, aisa na ho ki koi ghumand kare.” Jab koi ‘mukt’ kiya jata hai, to woh naye sirey se janm leta hai, aatmik roop se navikaran ho kar, tatha ab naye janm ke adhikaar se Parmeshwar ki santaan hai. Yeeshu par vishwas rakhna, jisne paap ke dand ki keemat chukaai, jab wo Cross par mara, ka hi matlab hai aatmik taur par phir se janm lena. “So, yadi koi Maseeh mein hai to woh nai srishti hai…” (2 Corinthion 5:17)

Agar apne prabhu Yeeshu Maseeh mein apne muktidaata ke roop mein kabhi vishwas nahin kiya hai, to kya aap pavitra aatma ki aawaaz par vichaar kar sakenge jab wo aapke hirday se baatein karta hai? Aapko naye sirey se janm lene ki avashyakta hai. Kya aaj aap paschataap ki yaachna karenge tatha Yeeshu mein ek nayi srishti banega? “parantu jitnon ne use grahan kiya, us ne unhein Parmeshwar ke santaan hone ka adhikaar diya, arthaat unhein jo uske naam par vishwas rakte hain. Vey na to lahu se, na shareer ki ichchha se, na manushya ki ichchha se, parantu Parmeshwar se utpann hue hain. (Yohanna 1:12-13)

Agar aap Yeeshu Maseeh ko apne muktidaata ke roop mein grahan karne ki ichchha rakte hain tatha naye sirey se janm lena chahte hain, yahaan ek prarthna hai. Smaran rakhein, is prarthna ya koi aur prarthna karne se apko mukti nahin mil sakti. Keval Maseeh par vishwas rakne se hi apko paap se mukti mil sakti hai. Yeh prarthna to keval Parmeshwar mein apna vishwas vyakt karne tatha apke liye mukti uplabdh karaane ke liye usko dhanyawaad karne ke liye hai. “Parmeshwar, main janta hoon ki maine apke virudh paap kiya hai, tatha main dandit hone ka uttaradhikaari hoon. Parantu Yeeshu Maseeh ne wo dand uthaya, jiske yogya main tha, jisse ki usmein vishwas karke main kshuma kiya ja sakoon. Main apne paapon se munh morhta hoon, tatha mukti ke liye aapmein apna vishwas rakhta hoon. Apke aascharya janak anugrah tatha kshuma ke liye anant jeewan vardaan ke liye apka dhanyawaad astu!

Idhar padne ke baad, Christ ke bare main kohi sidhaantt liya? Accha laaga to kripa karke niche ka button press kare " Aaj maine Christ ko grahan kiya".



Hindustani key home page main bapas aye



Naye Christian ke punarjanm ka kya arth hai?