Chaar adhyaatmik niyam kya hain?



Sawaal: Chaar adhyaatmik niyam kya hain?

Jawaab:
Chaar adyaatmik niyam mukti ke sanwaad ko vitrit karne ka tareeka hai jo ki Yeeshu mein vishwas ke dwaara uplabdh hai. Wo susamachar mein mahatvapoorn jaankaariyon ko chaar binduon mein vyavasthit karne ka ek saral tareeka hai.

Chaar adhyaatmik niyamon mein se pehla yeh hai,”Parmeshwar apse prem rakhta hai tatha apke jeewan ke liye uske paas adbhut yojnaen hain.” Yohanna 3:16 humein batata hai, “kyunki Parmeshwar ne jagat se aisa prem rakha ki usne apna eklauta putra de diya, taki jo koi us par vishwas kare, woh naash na ho, parantu anant jeewan paaye.” Yohanna 10:10 humein Yeeshu ke aane ka kaaran bataya hai, “main isliye aaya ki vey jeewan payen aur bahutaayat se payen.” Humein Parmeshwar ke prem se kya baat rok rahi hai? Kya cheez humein anant jeewan paane se door rakh rahi hai?

Chaar adhyaatmik niyamon mein se doosra hai, “Maanavta paap ke dwaara kalankit hai isliye Parmeshwar se prithak hai. Parinaamswaroop hum apne jeewan ke prati Parmeshwar ki aascharyajanak yojna ko samajh nahi sakte.” Romeo 3:23 is jankaari ki abhipushti karta hai, “Isliye ki sabne paap kiya hai aur Parmeshwar ki mahima se rahit hai. Romeo 6:23 humein paap ka parinaam batata hai, “paap ki mazdoori mrityu hai.” Parmeshwar ne humari rachna ki taki hum uske sath sehbhagita rakhen. Jabki maanav jaati sansaar mein paap lai, tatha isliye wo Parmeshwar se prithak hai. Humne uske sath un sambandhon ko barbaad kar diya hai jinki Parmeshwar ne humse apeksha ki thi. Iska samadhaan kya hai?

Chaar adhyaatmik niyamon mein se teesra hai, “Yeeshu Maseeh hi humare paap ke liye Parmeshwar ki or se praudhaan hain. Yeeshu Maseeh ke dwaara hum apne paapon ki kshuma praapt kar sakte hain tatha Parmeshwar ke sath theek sambandh kaayam rakh sakte hain.” (Romeo 5:8) humein batata hai, “parantu Parmeshwar apne prem ki bhalaai is reeti se prakat karta hai, ki jab hum paapi hi the tabhi Maseeh humare liye mara.” (1 Corinthion 15:3-4) humein yeh batata hai ki mukti paane ke liye humein kis baat ko jaanne tatha vishwas karne ki avashyakta hai, “… ki pavitra shastra ke vachan ke anusaar Yeeshu Maseeh humare paapon ke liye mar gaya. Aur gaarhaa gaya aur pavitra shastra ke anusaar teesre din jee bhi utha…” Yeeshu swem is baat ki ghoshna karta hai ki mukti ka ekmaatra path wo hi hai, Yohanna 14:6 mein wo kehta hai, “marg aur sachchhai aur jeewan main hi hoon, bina mere dwaara koi pita ke paas nahin pahunch sakta.” Uddhaar ka yeh aascharyajanak vardaan main kaise praapt kar sakta hoon?

Chaar adhyaatmik niyamon mein se chautha hai, “uddhaar ka vardaan praapt karne ke liye humein Yeeshu Maseeh mein apne muktidaata ke roop mein vishwas rakhna chahiye tatha apne jeewan ke bare mein Parmeshwar ki aascharyajanak yojna ko jannaa chahiye.” Yohanna 1:12 humare liye is baat ka varnan karta hai, “parantu jitnon ne use grahan kiya, usne use Parmeshwar ke santaan hone ka adhikaar diya, arthaat unhein jo uske naam par vishwas rakhte hain.” Preriton ke kaam 16:31 yeh spasht roop se kehta hai, “Prabhu Yeeshu Maseeh par vishwas kar, to tu aur tumhara gharana uddhaar payega.” Humara uddhaar keval anugrah se, keval vishwas ke dwaara, keval Yeeshu Maseeh mein ho sakta hai (Ifisiyon 2:8-9).

Agar aap apne uddhaarkarta ke roop mein Yeeshu Maseeh mein vishwas karna chahte hain to nimnlikhit shabdon ko Parmeshwar se kahen. In shabdon ka kehna apka uddhaar nahin kar sakta, parantu Maseeh mein vishwas kar sakta hai. Parmeshwar, main janta hoon ki maine apke virudh paap kiya hai, tatha main dandit hone ka uttaradhikaari hoon. Parantu Yeeshu Maseeh ne wo dand diya jiske yogya main tha, jisse ki usme vishwas karke main kshuma kiya ja sakoon. Main apne paapon se munh morhta hoon, tatha mukti ke liye, tatha mukti ke liye aap mein apna vishwas rakhta hoon. Apke aascharyajanak anugrah tatha kshuma ke liye anant jeewan ke vardaan ke liye apka dhanyawaad astu!

Idhar padne ke baad, Christ ke bare main kohi sidhaantt liya? Accha laaga to kripa karke niche ka button press kare " Aaj maine Christ ko grahan kiya".



Hindustani key home page main bapas aye



Chaar adhyaatmik niyam kya hain?