settings icon
share icon
Praśn

Kyā Parmeśvar ne burāī kī sṛṣṭi kī hai?

Uttar


Sabse pahale aisā jān paḍtā hai ki yadi Parmeśvar ne har ek vastu kī sṛṣṭi kī, to phir burāī kī sṛṣṭi bhī Parmeśvar ne hī kī hogī. Parntu phir bhī, burāī koī patthar yā bijalī jaisī ṭhos vastu nahīn hai. Aap burāī ko ghaḍae men nahīn rakh sakate hain. Burāī kā apane āap men koī astitv nahīn hai; yah vāstav men bhalāī kī anupasthiti hai. Udāharṇ ke lie, chidr vāstavik hote hain parntu ve kisī any chīj men hote hain. Ham kisī jagah miṭṭī na hone ko chidr kahte hain, parntu ise miṭṭī se alag nahīn kiyā jā sakatā. Islie jab Parmeśvar ne sṛṣṭi kī, tab yah saty hai ki jo kuch usne banāyā, vah acchā thā. Parmeśvar kī banāī huī vastuon men manuṣy hī aisā prāṇī thā jiske pāas bhalāī chunāv karne kī svatantrtā thī. Ek vāstavik nirṇay lie jāne ke lie, Parmeśvar ko aisā hone denā thā ki bhalāī chunne ke lie kuch vikalp ho. Islie, Parmeśvar ne ina svargdūto aur manuṣyon ko bhalāī ko chunne aur bhalāī ko nakārane (arthāt burāī) kī svatantrtā dī. Jab do bhalī vastuon ke bīch men kharāb sambandh hote hain to ham use burā kahte hain, parntu yah aisī ‘‘vastu’’ nahīn ban jātī jiskī sṛṣṭi kie jāne ke lie Parmeśvar kī āvaśyaktā ho.

Sāyad ek aur atirikt udāharṇ hamārī sahāyatā kare. Yadi kisī vyakti se pūchā jāe, ‘‘kyā ṭhaṇḍ kā astitv hai?" to śāyad uskā uttar ‘‘hāan’’ men hogā. Parntu, yah galat hai. Thaṇḍ kā astitv nahīn hai. Thaṇḍā garamī kī anupasthiti hai. Kuch isī tarah se, andhakār kā astitv nahīn hai; yah prakāśa kī anupasthiti hai. Burāī bhalāī kī anupasthiti hai, yā aur acche se kahā jāe to, burāī Parmeśvar kī anupasthiti hai. Parmeśvar ko burāī kī sṛṣṭi kī āvaśyaktā nahīn thī, varan keval bhalāī kī anupasthiti ko hone denā thā.

Parmeśvar ne burāī kī sṛṣṭi nahīn kī, parntu vah burāī ko hone detā hai. Yadi Parmeśvar ne burāī kī sambhāvanā ko hone nahīn diyā hotā, to dono arthāt manuṣy aur Svargdūt svecchā se nahīn varan majabūrī se Parmeśvar kī sevā kar rahe hote. Vah "roboṭ" nahīn cāhatā thā jo apanī nirdhārit "yāntrik praṇālī" ke anusār jaisā vah cāhatā thā bas vahī karte. Parmeśvar ne burāī kī sambhāvanā ko islie hone diyā tāki vāstav men hamāre pāas svatantr icchā ho aur yah chunen ki ham uskī sevā karnā cāhate hain yā nahīn.

Ek sīmit prāṇī hone ke nāte, ham kabhī bhī ek asīmit Parmeśvar ko pūrī tarah se nahīn samajh sakate (Romiyon 11:33-34). Kaī bār ham yah sochte hain ham samajh gaye hain ki Parmeśvar aisā kyon kar rahā hai, parntu keval bād men hame patā chalatā hai ki yah us uddeśy se bhinn thā jise hamne pahale sochā thā. Parmeśvar bāton ko ek Pavitr aur anant dṛṣṭikoṇ se dekhatā hai. Ham pāappūrṇ, sānsārik aur asthāī dṛṣṭikoṇ se dekhate hain. Kyon Parmeśvar ne yah jānte hue Adam aur Havā ko pṛthvī par rakhā ki ve pāap karenge aur islie sārī manuṣy jāti par burāī, mṛtyu aur dukhon ko lāenge? kyon usne ham sab kī bas yon hī sṛṣṭi nahīn kiyā aur svarg men rakh diyā jahāan par ham sidh aur binā dukhon ke hote? Is praśn kā uttar ham pūrī tarah se tab tak nahīn samajh sakate jab tak ham svarg men nahīn pahunchagen. Ham keval yahī jān sakate hain ki Parmeśvar jo kuch bhī kartā hai vah Pavitr aur siddh hotā hai aur ākhir men in sabse uskī mahimā hogī. Parmeśvar ne burāī kī sambhāvanā ko islie hone diyā tāki hame aisā sacchā nirṇay lene kā avasar de ki ham uskī ārādhanā karte hai yā nahīn. Parmeśvar ne burāī kī sṛṣṭi nahīn kī parntu usne ise hone diyā. Yadi vah aisī sambhāvanā ko nahīn hone detā to ham uskī apanī icchā se nahīn varana majabūrī ke kāraṇ ārādhanā karte.

English



Hindī ya Roman-Nagari ke mukhya pṛṣṭha par vāpsa jāie

Kyā Parmeśvar ne burāī kī sṛṣṭi kī hai?
Facebook icon Twitter icon Pinterest icon Email icon
© Copyright Got Questions Ministries