settings icon
share icon
Praśn

Kyā Parmeśvar aur Vigyan men viśvās karnā virodhābhāsī hai?

Uttar


Vigyan kī paribhāṣā "avalokan, pahachān, varṇan, prayogātmak jānch aur ghaṭanāon ke saiddhāntik spaṣṭīkarṇ" ke rūp men dī gaī hai. Vigyan vah paddhati hai jise manuṣy prākṛtik bramhāṇḍ kī baḍī samajh ko prāpt karne ke lie upayog kar sakatā hai. Yah avalokan ke dvārā gyan kī khoj karnā hai. Vigyan men tarakkī manuṣy kī tark aur kalpanā tak kī pahunch ko pradarśit kartī hai. Phir bhī, ek Masīhī viśvāsī kā jis tarah kā viśvās Vigyan men hotā hai vaisā hī hamārā viśvās Parmeśvar men nahīn honā chāhie. Ek Masīhī viśvāsī kā Parmeśvar men viśvās aur Vigyan ke prati sammān ho sakatā hai, jab tak ham yah smaraṇ rakhen ki kaun sī bāat pūrṇ hai aur kaun sī nahīn.

Hamārā Parmeśvar men viśvās viśvās kī mānyatā hai. Hamārā viśvās uddhār ke lie uske putr men, nirdeśo ke lie uske vachan men, aur mārgdarśan ke lie uske Pavitr Atmā men hai. Parmeśvar men hamārā viśvās pūrṇ honā chāhie, kyonki jab ham hamāre viśvās ko Parmeśvar men rakhate hain, tab se ham ek pūrṇ, sarvasāmarthī, sarvagyāni Parmeśvar ke ūpar nirbhar hote hain. Vigyan ke ūpar hamārā bharosā bauddhik honā chāhie aur isse adhik kuch nahīn. Ham Vigyan ke ūpar kaī baḍī bāton ke lie nirbhar hone ke lie dāva lagā sakate hain, parntu sāth hī ham Vigyan ke dvārā galatiyon ke kie jāne ke ūpar bhī dāva lagā sakate hain. Yadi ham hamāre viśvās ko Vigyan ke ūpar rakhate hain, to ham ek apūrṇ, pāap se bhare hue, sīmit, nāśvān manuṣy ke ūpar nirbhar hain. Abhī tak ke itihās men kaī bāton men Vigyan galat sābita huī hai, jaise ki Pṛthvī kā ākār, prakāś kī śākti, ṭīkā davāīyon ke bāre men, khūn kā raktādhān karnā aur yahān tak ki prajanan ke lie. Parmeśvar kabhī bhī galat nahīn sābita huā hai.

Sacchāī yah hai ki ḍarne jaisī koī bāat nahīn hai, islie aisā koī bhī kāraṇ nahīn hai jisse ek Masīhī viśvāsī ko acche Vigyan ke lie ḍarnā chāhie. Jis tarah se Parmeśvar ne hamāre bramhāṇḍ kī rachanā kī hai ke tarīke ke bāre men aur adhik sīkhanā sāre manuṣy jāti ko sṛṣṭi ke āśchāry kī sarāhanā karne men sahāyatā kartā hai. Hamāre gyan men vistār bimārī, agyantā aur galatphahamiyon se laḍane men sahāyatā milatī hai. Phir bhī, yahān par khatarā hai jab vaigñānik apane viśvās ko hamāre Sṛṣṭikartā men viśvās rakhane se ūpar mānavīy tark men viśvās karne ko thāmate hain. Aise log un logon se bilkul bhī bhinn nahīn hai jo ek dharm ke prati samarpit hain; unhonne manuṣyon ke ek dharm ko chun liyā hai aur is viśvās kī rakṣā karne ke lie tathyo ko prāpt kar legen.

Parntu phir bhī, sabse adhik tārkik vaigñānik, yahān tak ve bhī jo Parmeśvar men viśvās karne se inkār karte hain, bramhāṇḍ ke prati hamārī samajh kī pūrṇtā men kamī hone ko svīkār karte hain. Ve ye svīkār karte hain ki na to Parmeśvar aur na hī Bāibal ko Vigyan ke dvārā pramāṇit aur apramāṇit kiyā jā sakatā hai, ṭhīk vaise hī jaise unake bahut se pasadīdā siddhānto ko anttah na to pramāṇit aur na hī apramāṇit kiyā jā sakatā hai. Vigyan vāstav men taṭasth avadhārṇā kā arth rakhatī huī, keval sacchāī kī khoj kar rahī hai, na ki kisī kārysūchī men tarakkī kar rahī hai.

Vigyan kā adhikānś hissā Parmeśvar ke kāry aur astitv kā samarthn kartā hai. Bhajan Sanhitā 19:1 kahtā hai "Aakāś Parmeśvar kī mahimā kā varṇan kar rahā hai; aur ākāśmaṇḍal uskī hastaklā ko pragaṭ kar rahā hai." Jaisā ki ādhunik Vigyan bramhāṇḍ ke bāre men aur adhik khojon ko kartā hai, ham sṛṣṭi ke aur adhik pramāṇo ko pāte jāte hain. Anuvanśikī yā DNA kī pratikṛti aur adbhut jaṭiltā, bhautikī ke āaps men guthe hue aur pecīhde niyam, aur is Pṛthvī par paristhitiyon kā pūrṇ sāmajasy aur rasāyan sabhī Bāibal ke sandeś kā samarthn kar rahe hain. Ek Masīhī viśvāsī us Vigyan kā upayog karnā chāhie jo saty kī khoj kartā ho, parntu "Vigyan ke paṇḍito" kā inkār kartā ho jo mānavīy gyan ko Parmeśvar se ūnchā rakhate hain.

English



Hindī ya Roman-Nagari ke mukhya pṛṣṭha par vāpsa jāie

Kyā Parmeśvar aur Vigyan men viśvās karnā virodhābhāsī hai?
Facebook icon Twitter icon Pinterest icon Email icon
© Copyright Got Questions Ministries