Praśn
Sampannatā ke Susmāchār ke bāre men Bāibal kyā kahtī hai?
Uttar
Sampannatā ke Susmāchār men, jise "Viśvās ke Vachan" ke nām se bhī jān jātā hai, viśvāsī se kahā gayā hai ki vah Parmeśvar kā upayog karen, jabki Bāibal ādhārit Masīhat kī sacchāī ṭhīk iske viparīt hai – Parmeśvar viśvāsī kā upayog kartā hai. Viśvās kā Vachan yā Sampannatā kā Dharm Vigyan Pavitr Atmā ko ek aisī sāmarthy ke rūp men dekhatā hai jise jo kuch bhī viśvās ko chāhie uske lie upayog kiyā jā sakatā hai. Bāibal śikṣā detī hai ki Pavitr Atmā ek vyakti hai jo viśvās ko Parmeśvar kī icchā ko pūrā karne ke lie sakṣam kartā hai. Sampannatā ke Susmāchār kā andolan baḍī nikaṭatā ke sāth un vināśkārī lālchī saṃpradāyon ke sadṛis hai jo ki ārambh kī Kalīsiyā men ghuspaiṭh kar chuke the. Paulus aur any Preriton un jhūṭhe śikṣakon ke sāth kisī bhī tarah kā koī samajhutā yā mel milāap nahīn kar rahe the jo is tarah kī jhūṭhī śikṣā ko de rahe the. Ve unakī pahachān khataranāk jhūṭhe śikṣakon ke rūp men karte hain aur Masīhiyon ke unase bache rahane ke lie āgrah karte hain.
Paulus ne Timuthiyus ko 1 Timuthiyus 6:5, 9-11 men is tarah ke purūṣon ke bāre men kahā hai. Ye "bhraṣṭ man" ke log jinake lie dharm kamāī kā ek sādhan hai aur unake dhanī banane kī icchā ek aisā phandā thī jo unake ūpar "barbādī aur vināś" ko le āī thī (vachan 9). Dhanī hone kī chāhat Masīhiyon ke lie ek khataranāk mārg hai aur yah ek aisī bāat hai jiske lie Parmeśvar chetāvanī detā hai ki, "Rūpye kā lobha sab prakār kī burāiyon kī jaḍ hai, jise prāpt karne kā prayatn karte hue bahuto ne viśvās bhaṭakkar apane āap ko nānā prakār ke dukhon se chalanī banā liyā hai" (vachan 10). Yadi dhanī honā dharmī ke lie ek tarksangt lakṣy hotā, to Yīśu ne iskā pīchā kiyā hotā. Parntu usne aisā nahīn kiyā, iskī apekṣā usne is bāat ko prāthamiktā dī ki uske pāas sir rakhane ke lie bhī jagah na thī (Mattī 8:20) aur usne apane chelon ko bhī aisā hī karne kī śikṣā dī. Yah bhī smaraṇ rakhanā chāhie ki Yūhadā hī keval ek aisā chelā thā jise dhan ke lie chintā thī.
Paulus ne lālcha ko mūrtipūjā kahā hai (Iphisiyon 5:5) aur Iphisiyon ko nirdeś ki ve aise pratyek vyakti se bachen jo lālch yā anaitiktā ke sandeś ko lekr ātā hai (Iphisiyon 5:6-7). Sampannatā kī śikṣā Parmeśvar ko svayaṃ kāry karne ke lie rokatī hai, arthāt Parmeśvar sab bāton kā Prabhu nahīn hai kyonki vah apane āap tab tak kāry nahīn kar sakatā hai jab tak use kāry karne ke lie choḍā nahīn jātā. Viśvās, viśvās ke vachan ke dharm siddhānt ke anusār, Parmeśvar men adhīnatā vālā bharosā nahīn hai; viśvās ek aisā sūtr hai jiske dvārā ham us ātmik vyavasthā men herapher kar sakate hain jise Sampannatā kī śikṣā dene vāle śikṣak viśvās karte hain ki bramhāṇḍ ke ūpar śāsan kartī hai. Jaisā kī "Viśvās ke Vachan" nām se hī arth kā patā chalatā hai, ye andolan yah śikṣā detā hai ki viśvās jo kuch ham kahte hain iskī apekṣā ki jismen ham bharosā karte hain yā jin satyon ko ham apanāte hain aur jinhen hamārā hiṛday puṣṭi kartā hai, se mukhy hai.
Viśvās ke Vachan andolan men ek pansadīdā śabd "Sakārātmak Angīkār" karnā hai. Yah us śikṣā kī or sanket hai ki svayaṃ śabdo men sṛjanātmaka sāmarthy hai. Jo kuch āap kahte hain, Viśvās kā Vachan śikṣā dene vāle śikṣak dāvā karte hain ki, us sab ke ghaṭit hone kā nirdhārṇ kartā hai jo āapke sāth ghaṭit honā chāhie. Aapke angīkār, viśeṣkar vo kṛpā jiskī āap Parmeśvar se māng karte hain, sabhon ko sakārātmak aur binā hicakacāte hue kahā jān chāhie. Tab Parmeśvar ko uttar āvaśyak denā hogā (māno ki jaise manuṣy Parmeśvar se pratyek bāat kā javāb māng sakatā hai!) is tarah se Parmeśvar kī hame āśīṣit karne kī yogytā hamāre viśvās ke ūpar ṭikī huī hai. Yākūb 4:13-14 spaṣṭ rūp se is śikṣā ke virodh men hai: "Tum jo yah kahte ho, 'āj yā kal ham kisī aur nagar men jākar vahāan ek varṣ bitāenge, aur vyāpāra karke lābh kamāenge.' aur tum nahīn jānte ki kal kyā hogā. suna to lo, tumhārā jīvan hai hī kyā? Tum to bhāap ke samān ho, jo thoḍī der dikhāī detī hai phir lop ho jātī hai." Bhaviṣy men astitv men hone vālī bāton ko bahut dūr se bolanā, ham to yah bhī nahīn jānte ki kal kyā hone vālā hai yā yahān tak ki ham jīvit bhī honge yā nahīn.
Dhan kī mahatvpūrṇtā ke ūpar jor dene kī apekṣā, Bāibal hame iskā pīche karne ke virūddh chetāvanī detī hai. Viśvāsiyon, viśeṣkar Kalīsiyā ke aguvo (1 Timuthiyus 3:3), ko dhan ke lobh se svatantar rahanā chāhie (Ibrāniyon 13:5). Paisā kā prem kaī tarah kī burāīyon kī or le chalatā hai (1 Timuthiyus 6:10). Yīśu chetāvanī detā hai ki, "Chaukas raho aur har prakār ke lobh se apane āap ko bachāe rakho; kyonki kisī kā jīvan uskī sampatti kī bahutāyat se nahīn hotā" (Lūkā 12:15). Viśvās ke Vachan kī śikṣā ke sāth tīkhī tulanā men is jīvan men dhan aur sampatti ko prāpt karne ke ūpar Yīśu ne kahā, "Apane lie pṛthvī par dhan ikṭṭhā na karo, jahāan kīḍaā aur kāī bigāḍate hain, aur jahāan chor sendh lagāte aur churāte hain" (Mattī 6:19). Sampannatā kī śikṣā aur hamāre Prabhu Yīśu Masīh ke Susmāchār ke madhy men asangt virodhābhās hai jise Yīśu ne Mattī 6:24 men apane śabdo men baḍae acche tarīke se sāranśit kiyā hai, "Tum Parmeśvar aur dhan dono kī sevā nahīn kar sakate."
English
Sampannatā ke Susmāchār ke bāre men Bāibal kyā kahtī hai?
