settings icon
share icon
Praśn

Pavitr Atmā kaun hai?

Uttar


Pavitr Atmā kī pahachān ke bāre men kaī galat dhārṇāyen hain. Kuch log Pavitr Atmā ko ek rahasyātmak śakti ke rūp men dekhate hain. Any Pavitr Atmā ko vyaktitvhīn arthāt vyaktitv śūny yā avyaktik śakti ke rūp men dekhate hain jise Parmeśvar Masīh ke anuyāyiyo ko upalabdh karātā hai. Pavitr Atmā kī pahachān ke bāre men Bāibal kyā kahtī hai? Sādhārṇ rūp men kahnā, Bāibal ghoṣaṇā kartī hai ki Pavitr Atmā Parmeśvar hai. Bāibal hame yah bhī batātī hai ki Pavitr Atmā ek īśvarīya vyakti hai, ek aisā astitv jismen buddhi, bhāvnāe tathā icchā hai.

Sacchāī to yah hai ki Pavitr Atmā Parmeśvar hai Pavitr Sāstr ke kaī sandarbhon men spaṣṭ rūp se dikhāī detā hai, jismen Preriton ke kām 5:3-4 bhī sammilit hai. Is āyat men Pataras Hananyāh kā sāmanā kartā hai ki usne Pavitr Atmā se jhūṭh kyon bolā aur use batātā hai ki usne "Manuṣyon se nahīn parntu Parmeśvar se jhūṭh bolā." Yah ek spaṣṭ ghoṣaṇā hai ki Pavitr Atmā se jhūṭh bolanā Parmeśvar se jhūṭh bolanā hai. Ham yah bhī jān sakate hain ki Pavitr Atmā Parmeśvar hai kyonki usmen Parmeśvar ke chāritrik guṇ hai. Udāharṇ ke lie, uskī sarvavyāapktā Bhajan Sanhitā 139:7-8, men dekhane ko milatā hai, "Main tere Atmā se bhāagkar kidhar jāūn? Yā tere sāmane se kidhar bhāgū? Yadi main ākāś par chaḍhūn, to tū vahāan hai! Yadi main apanā bichaunā adholok men bichāūn to vahāan bhī tū hai!" Phir 1Kurinthiyon 2:10-11 men ham Pavitr Atmā ke sarvagyāni hone ke guṇ ko dekhate hain. "Parntu Parmeśvar ne unako apane Atmā ke dvārā ham par pragaṭ kiyā; kyonki Atmā sab bāten, varan Parmeśvar kī gūd bāten bhī jānchatā hai. Manuṣy men se kaun kisī manuṣy kī bāten jāntā hai, keval manuṣy kī Atmā jo us men hai? Vaisā hī Parmeśvar kī bāten bhī koī nahīn jāntā, keval Parmeśvar kā Atmā."

Ham yah jān sakate hain ki Pavitr Atmā niśchay hī ek īśvarīya vyakti hai kyonki usmen buddhi, bhāvnāe tathā icchā hai. Pavitr Atmā sochtā aur jāntā hai (1Kurinthiyon 2:10). Pavitr Atmā dukhit bhī ho sakatā hai (Iphisiyon 4:30). Atmā hamāre lie madhysthatā kartā hai (Romiyon 8:26-27). Pavitr Atmā apanī icchānusār nirṇay letā hai (1Kurinthiyon 12:7-11). Pavitr Atmā Parmeśvar hai, triektv kā tīsarā "vyakti" hai. Parmeśvar hone ke nāte, Pavitr Atmā ek sahāyak aur salāhakār ke rūp men sahī kāry kar sakatā hai jaisā ki Yīśu ne vachan diyā thā ki vah karegā (Yūhannā 14:16, 26, 15:26).

English



Hindī ya Roman-Nagari ke mukhya pṛṣṭha par vāpsa jāie

Pavitr Atmā kaun hai?
Facebook icon Twitter icon Pinterest icon Email icon
© Copyright Got Questions Ministries