settings icon
share icon
Praśn

Kyā Masīh kā īśvartv Bāibal ādhārit hai?

Uttar


Yīśu ke apane bāre men viśeṣ dāvo ke sāth-sāth, uske chelon ne bhī Masīh ke īśvartv kī pahachān kī thī. Unhonne dāvā kiyā ki Yīśu ke pāas pāpon ko chhamā karne kā adhikār thā - vaisā jaisā ki keval Parmeśvar hī kar sakatā hai - kyonki yah Parmeśvar hī hai jise pāap se ṭhes pahuncīthī (Preriton ke kām 5:31; Kulussiyon 3:13; Bhajan Sanhitā 130:4; Yirmayāha 31:34). is antim dāve ke sāth nikaṭ sambandh men, Yīśu ke lie yah bhī kahā jātā hai ki "Jo jīvato aur mṛtako ke sāth nyāy karegā" (2Tīmuthiyus 4:1). Thomā ne Yīśu se kahā, "He mere Prabhu, He mere Parmeśvar!" (Yūhannā 20:28). Paulus Yīśu ko "Mahān Parmeśvar aur uddhārkartā" kahtā hai (Tītus 2:13), aur ingit kartā hai ki dehdhārṇ se pahale Yīśu "Parmeśvar ke rūp" men (philippiyon 2:5-8) astitv men thā. Pitā Parmeśvar Yīśu ke sambandh men aise kahtā hai ki, "He Parmeśvar, terā sihāsan yugānuyug rahegā" (Ibrāniyon 1:8).

Yūhannā vyakt kartā hai ki, "Adi men vachan thā, aur vachan Parmeśvar ke sāth thā, aur vachan [Yīśu] Parmeśvar thā" (Yūhannā 1:1). Pavitr Sāstr ke ve udāharṇ jo Masīh ke īśvartv ke bāre men śikṣā dete hain bahut se hain (dekhen Prakāśitvāky1:17; 2:8; 22:13; 1Kurinthiyon 10:4; 1Pataras 2:6-8; Bhajan Sanhitā 18:2; 95:1; 1Pataras 5:4; Ibrāniyon 13:20), parntu inamen se ek hī yah batāne ke lie paryāpt hai ki Masīh uske anuyāyiyo ke dvārā Parmeśvar samajhā jātā thā.

Yīśu ko ve bhī nām diye gae hain jo Purāne Niyam men viśeṣkar Yahovā (Parmeśvar kā aupachārik nām) ko diye gae hain. Purāne Niyam kā nām "chuṭakārā dene vālā" (Bhajan Sanhitā 130:7; hośe 13:14) ko Nae Niyam men Yīśu ke lie prayoga kiyā gayā hai (Tītus 2:13; Prakāśitvāky 5:9). Yīśu ko Mattī 1 men Immānuel arthāt - "Parmeśvar hamāre sāth" kahā gayā hai. Jakaryāh 12:10 men, yah Yahovā hī hai jo yah kahtā hai ki, "Tab ve mujhe tākeṃge, arthāta jise unhonne bedhā hai." parntu Nayā Niyam ise Yīśu ke krūs par chadāye jāne par lāgū kartā hai. (Yūhannā 19:37; Prakāśitvāky 1:7). Agar vah Yahovā hai, jise bedhā gayā aur tākā gayā, aur Yīśu bhī aisā thā jise bedhā gayā thā aur tākā gayā thā, tab to Yīśu Yahovā hai. Paulus Yaśāyāha 45:22-23 ke anuvād ko Yīśu par philippiyon 2:10-11 men lāgū kartā hai. Iske atirikt, Yīśu kā nām Yahovā ke sāth prārthanā men bhī liyā jātā hai "Parmeśvar pitā, aur hamāre prabhu Yīśu Masīh kī or se tumhe anugrah aur śānti milatī rahe" (Galātiyon 1:3; Iphisiyon 1:2). Yadi Masīh men īśvartv nahīn thā to yah Parmeśvar kī nindā karnā hogā. Yīśu kā nām Yahovā ke sāth Yīśu ke dvārā bapatisme ke sanskār kī āgyā men prakaṭ hotā hai "Pitā aur putr aur Pavitr Atmā ke nām se" (Mattī 28:19; 2 Kurinthiyon 13:14 ko bhī dekhen )

Jo kāry keval Parmeśvar ke dvārā kie jā sakate hain unhen Yīśu ko bhī diyā gayā hai. Yīśu ne na keval murdo ko hī jilāyā (Yūhannā 5:21; 11:38-44), aur pāap chhamā kiye (Preriton ke kām 5:31, 13:38), apitu usne brahymāṇḍ kī sṛṣṭi kī tathā use saṃbhāle hue hai (Yūhannā 1:2; Kulussiyon 1:16-17)! Yah bāat us samay aur bhī jyādā sāmarthī ban jātī hai jab ham yah vichār karte hain ki Yahovā ne kahā thā ki sṛṣṭi ko banāte samay Yahovā akelā thā (Yaśāyāha 44:24). Iske atirikt, Yīśu men ve guṇ the jo keval īśvar men hī ho sakate hain: ananttā (Yūhannā 8:58), sarvavyāapktā (Mattī 18:20; 28:20), sarvagyani (Mattī 16:21), sarvasāmarthī (Yūhannā 11:38-44).

Ab, Parmeśvar hone kā dāvā karnā ek bāat hai yā kisī ko mūrkh banānā ek alag bāat hai ki vah yah viśvās kare ki vah sacchāī hai, aur aisā hone kā pramāṇ denā kuch aur hī bāat hai. Masīh ne apane īśvartv ke dāve ko pramāṇit karne ke lie kaī āścharykarm pragaṭ kie. Yīśu ke kuch āścharykarmo men, pānī ko dākhars banānā (Yūhannā 2:7), pānī par chalanā (Mattī 14:25), bhautik vastuon men vṛddhi karnā (Yūhannā 6:11), andhon ko (Yūhannā 9:7), langdo ko (Marakus 2:3), aur bīmāro ko changā karnā (Mattī 9:35; Marakus 1:40-42), aur yahān tak ki murdo ko jindā karnā (Yūhannā 11:43-44; Lūkā 7:11-15; Marakus 5:35) sammilit hain. Inake atirikt, Masīh svayaṃ murdo men se jī uṭhā. Anyjātiyon kī kapol-kathāoṃ ke kahe jāne vāle devatāo ke marane aur uṭhne se bilkul alag hai, punarutthān arthāt jī uṭhne jaisī bāat kā any dharmo ne gaṃbhīrtā se dāvā nahīn kiyā, aur na hī kisī bhī any dāve ke lie itanī adhik-Pavitrśāstrīya puṣṭi hai.

Yīśu ke bāre men kam se kam aise bārh aitihāsik saty hain jinhen gair-Masīhī ālochanātmak vidvān bhī mānengeḥ:

1. Yīśu kī mṛtyu krūs par huī thī.
2. Use gādā gayā thā.
3. Uskī mṛtyu uske chelon ke nirāś aur āśā chodne kā kāraṇ banī thī.
4. Uskī kabr ko kuch dinon bād khālī pāyā gayā (yā pāne kā dāvā kiyā gayā) thā.
5. Chelon ne yah viśvās kiyā ki unhen jī uṭhe Yīśu ke prakaṭ hone kā anubhav huā thā.
6. Uske bād unake chele sandeh se dūr hokar niḍar viśvāsiyon men parivartit ho gae the.
7. Yah sandeś ārambhik Kalīsiyā men prachār kā kendr bindu thā.
8. Is sandeś kā Yarūśalem men prachār kiyā gayā thā.
9. Is prachār ke pariṇāmsvarūp Kalīsiyā kā janm aur uskā vikās huā.
10. Jī uṭhne ke din, Ravivār, ko sabt (Sanivār) ke din se ārādhanā ke mukhy dina men badal diyā gayā thā.
11. Yākūb, ek Sanhedavādī, us samay parivartit ho gayā jab usne bhī yah viśvās kiyā ki usne jī uṭhe hue Yīśu ko dekhā thā.
12. Paulus, Masīhiyat kā śatru, ek anubhav ke dvārā parivartit ho gayā jismen usne jī uṭhe hue Yīśu ke pragaṭ hone kī ghaṭanā men viśvās kiyā.

Yadi koī is viśeṣ sūchī ke ūpar āaptti bhī kare, taubhī, jī uṭhne ko pramāṇit karne aur susmāchār ko sthāpit karne ke liye keval thos kī hī āvaśyaktā hai: arthāt Yīśu kī mṛtyu, gāde jāne, punarutthān aur prakaṭ hone (1Kurinthiyon 15:1-5) kī ghaṭanāon kī. Yadyapi ūpar likhe hue ek yā do tathyo kī vyākhyā ke lie kuch siddhānt ho sakate hain parntu keval punarutthān hī un sab kī vyākhyā kartā hai aur unake lie uttardāyī hai. ālochak yah svīkār karte hain ki chelon ne yah dāvā kiyā ki unhonne jī uṭhe Yīśu ko dekhā thā. Na to jhūṭh, na hī mati bhram is tarah se logon ko parivartit kar sakatī hain jaisā ki punarutthān ne kiyā thā. sarvapratham, unako isse kyā lābh hotā? Masīhiyat itanī lokapriy nahīn thī aur niśchit rūp se ve isse paisā nahīn kamā sakate the. Dūsarā, jhūṭhe log acche śahīd nahīn ban sakate. Apane viśvās ke liye chelon ne svecchā se ḍarāvanī tarah kī mṛtyu ko bhī svīkār kar liyā, punarutthān kī isse adhik acchī vyākhyā nahīn ho sakatī hai. Hāan, kaī log un asatyon ke liye marate hain jinhen ve saty samajhte hain, parntu koī bhī us vastu ke lie nahīn maratā jise vah jāntā ho ki vah asaty hai.

Sārānś men, Masīh ne yah dāvā kiyā thā ki vah Yahovā hai, vah īśvar hai (bas keval "ek īśvar" mātr hī nahīn, parntu "sacchā Parmeśvar"), uske chele (Yahūdī log jo ki mūrtipūjā se ḍare hue ho sakate the) us par viśvās karte the tathā use Parmeśvar kah kar ullekh karte the. Masīh ne apane īśvartv ke dāvo ko āścharykarmo ke dvārā pramāṇit kiyā jismen ki sanār-ko-hilā dene vālā punarutthān bhī śāmila thā. Koī bhī any parikalpanā in tathyo kī vyākhyā nahīn kar sakatī hai. Hāan, Masīh kā īśvartv Bāibal ādhārit hai.

English



Hindī ya Roman-Nagari ke mukhya pṛṣṭha par vāpsa jāie

Kyā Masīh kā īśvartv Bāibal ādhārit hai?
Facebook icon Twitter icon Pinterest icon Email icon
© Copyright Got Questions Ministries