settings icon
share icon
Taro

E dina beka ni Kalou ko Jisu? E vakatusa beka ko Jisu ni Kalou ko koya?

Sau ni taro


E sega ni volai e na i volatabu ni tukuna ko Jisu na vosa oqo, “Au na Kalou”. E sega ni kena i balebale o ya ni a sega ni vakatusa ni Kalou ko koya. E kaya na i volatabu e na Joni 10:30, “Keirau sa dua bauga kei Tamaqu”. E na Joni 10:33, kaya nona vosa, “sa kaya vua ko ira na kai Jutia, sa segai e na vuku ni cakacaka vinaka keimami sa vakaviriki iko kina; e na vuku ga ni nomu vosa vakacacataka na Kalou; e na vuku talega ni ko sa tamata ga, ka sa qisi iko mo Kalou”. Io era kila sara tu ga vakavinaka na Jiu na veika kece e tukuna tiko ko Jisu. Me vaka ni sa volai e na Joni 10:30, ni rau sa duabau ga kei tamana. E na Joni 8:58, “sa kaya vei ira ko Jisu, e dina, e dina, au sa kaya vei kemudou, ni sa bera ni sucu ko Eparama, au sa bula”. E na vunau ni soro 24:15, ïa mo vosa vei ira na Isireli, ka kaya, Ko koya yadua sa rukaka na nona Kalou me cudruvi e na vuku ni nonai valavala ca”.

E volai e na Joni 1:1, “e nai vakatekivu sa bula ko koya na Vosa, a rau sa tiko vata kei na Kalou ko koya na Vosa, a sa Kalou ko koya na Vosa”. E vakamatata taka na tikini vola oqo ni Kalou dina o Jisu ka bula vaka tamata. E volai e na cakacaka 20:28, “o koya ga mo dou vakaraici kemudou, kei ira kecega na qele-ni-sipi, sa lesi kemudou kina na Yalo Tabu mo dou nodrai vakatawa, mo dou vakania nai soqosoqo lewe ni lotu ni Kalou; ko ira sa volia ko koya, e na nona dra ga”. E kena i balebale oya ni Kalou dina ga o Jisu.

E na Joni 20:28, “a sa vosa ko Tomasi, ka kaya vua, Noqu Turaga, ka noqu Kalou! A sega ni vakacala ko Jisu na vosa oya. E na Taito 2:13, “ni da waraka na ka ni veivakalougatataki eda sa nuitaka, kei na nona rairai vakaiukuuku na Kalou levu na nodai Vakabula ko Jisu Karisito”. E volai tale ga e na i (karua ni Pita 1:1). E na Iperiu 1:8, “Ia e na vuku ni Luvena ga, ena sega ni mudu na nomuni tikotiko-vakaturaga, oi kemuni na Kalou: sai titoko ni caka dodonu nai titoko ni nomuni matanitu”. E vakatakila na Kalou ko Jiova ni o Luvena, Jisu Karisito e Kalou dina ga ka nodai vakabula.

E na i vakatakila 19:10, “Ia kaú a cuva ki yavana meú vakarokoroko vei koya. A sa kaya vei au ko koya, raica, mo kakua: oi au na nomui tokani. Ka dua vei ira na wekamu era sa tauri tiko nai tukutuku kei Jisu; vakarokoroko vua na Kalou: ia nai tukutuku kei Jisu na yalo ni parofisai.” E volai vakavuqa e na i volatabu na nodra vakarokorokotaki Jisu na tamata me vaka ni sa volai e na Maciu 2:11, 14:33, 28:9,17; Luke 24:52 kei na Joni 9:38.

E a sega ni cudruvi ira na tamata ni ra vakarokorokotaki koya. Kevaka a sega ni Kalou ko koya, a sega ni vakadonui ira na tamata me ra cuva vua me vaka ni sa vakarota na agilosi e na vola ni vakatakila 19:10. E na matai ni Joni 2:2, “ia sai bulubulu ni nodai valavala ca ko koya; a sa sega e na vuku ni noda walega, e na vuku talega ni nodra na kai vuravura kecega”. E na i karua ni Koronica 5:21, “o koya sa sega vua na cala sa qisia ko koya mei soro ni nodai valavala ca; me vakayacori kina vei keda na veivakadonui ni Kalou e na vukuna”. A mai mate ka tucake tale na luveni Kalou me boko kina na nodai valavala ca e na vuravura oqo.

English



Lesu tale kina Home Page

E dina beka ni Kalou ko Jisu? E vakatusa beka ko Jisu ni Kalou ko koya?
© Copyright Got Questions Ministries