settings icon
share icon
सुआल

इक मसीही केह़ ऐ?

जवाब


इक शब्‍दकोश च मसीही शब्‍द दा बखान किश इस चाल्‍ली ह़ोग, इक नेह़ा आदमी जेका यीशु मसीह दे रूप च जां यीशु दी शिक्षा उप्‍पर अध़ारित धरम च विश्‍वास करने दा इकरार करदा ऐ।" जदकि बड़े सारे शब्‍दकोशें आंगर एह़ समझ़ने आस्‍ते, इक शुरुआती बिंदु ऐ, पर इक मसीह़ कुन ह़ुंदा, दे मतलब दे प्रति बाइबल दी सच्‍चाईयें दे जरिये दस्‍सी जाए करदी असलियत शा बड़े पिछे रेई जंदा ऐ। नमें करार च "मसीही" शब्‍द गी त्रै बारी बरतेया गेदा ऐ ( रसूलें दे कम्‍म 11:26, रसूलें दे कम्‍म 26:28, 1-पतरस 4:16)। यीशु मसीह दे पिछे चलने आले सारें थवां पैह़लैं अंताकिया च मसीही ग्‍लोए (रसूलें दे कम्‍म 11:26) किजे उंदे तौर तरीके, उठना-बौना ते बोली मसीह आंगर हा। शब्‍द "मसीह" दा शाब्‍दिक मतलब, "मसीह मंडली दे मैंबर" या "मसीह दा अनुसरन (मनने आला) ह़ोने कन्‍ने ऐ।

बदकिस्‍मती कन्‍ने समा गुजरने दे कन्‍ने गै, "मसीही" शब्‍द ने काफी ह़द तकर अपनी खासियत गी गंवाई ओड़ेदा ऐ ते इसी अक्सर उस मानूए आस्‍ते बरतेया जंदा ऐ जेका ध़ारमिक ह़ोए जां कुसे उच्‍ची ध़ारमक पदवी दा ह़ोए पर ओह यीशु दा सच्‍चा अनुआई ह़ोई बी सकदा जां नेई बी। बड़े सारे लोग जेके यीशु मसीह उप्‍पर विश्‍वास ते भ़रोसा नेई रखदे न, अपने आप गी सिरफ तां करी मसीही मनदे न, किजे ओह़ गिरजाघ़र जंदे न जां फी ओह़ कुसे "ईसाई" मुल्‍क च रौंदे न। पर गिरजाघ़र जाने कन्‍ने, अपने कशा घ़ट किसमती आलें दी सेवा करने कन्‍ने, जां इक खरा मानू बनना तुसेंगी मसीही नेई बनांदा। जियां के इक खुशखबरी परचार करने आले ने इक बारी ग्‍लाया हा, "गिरजाघ़र जाना कुसे गी मसीही नेई बनांदा जिय्‍यां की कुसे मुरम्मत करने आली दुकान च जाईये इक आदमी अप्पु गड्डी नेई बनी जंदा।" इक कलीसिया दा मैंबर ह़ोना, समें उप्‍पर सभाऐं च शामल ह़ोना ते कलीसिया दे कम्‍में आस्‍ते दान देना तुसेंगी मसीह नेई बनाई ओड़दा।

बाइबल असेंगी सखादीं ऐ के साढ़े भ़ले कम्‍म असेंगी परमेसरे दे सामने कबूल दे काबल नेई बनाई सकदे न। तीतुस 3:5 असेंगी दसदी ऐ के, "उन्‍ने साढ़ा उध्दार कित्ता, ते एह ध़रम दे कम्‍मे कन्‍ने नेई, जेके तुसें कित्ते, पर अपनी दया दे मताबक नमें जनम दे स्‍नान ते पबित्तर आत्‍मा दा असेंगी नमा बनाने दे जरिये ह़ोदा ऐ।" इस आस्‍ते, इक मसीही उए ऐ जेके परमेसरे दे जरिये नमां जनम पादा ऐ (यूहन्‍ना 3:3, यूहन्‍ना 3:7, 1-पतरस 2:23) ते जिन्‍ने अपने विश्‍वास ते भ़रोसे गी यीशु मसीह च रखेदा ऐ। इफसियों 2:8 असेंगी दसदी ऐ के, "…विश्‍वास दे जरिये अनुग्रह कन्‍ने गै तुंदा उध्दार ह़ोदा ऐ - ते एह़ तुंदी तरफा दा नेई, बल्‍कि परमेसरे दा दान ऐ।"

इक सच्‍चा मसीही ओह़ आदमी ऐ जिन्‍ने विश्‍वास ते भ़रोसे गी सिरफ यीशु दी पह़चान ते कम्‍में च गै, जिदे च क्रूस दे उप्‍पर उदी मौत च अपने पापें दे मुल्‍ल गी चुकाई देना ते त्रीये दिन उदा मोदें च जिंदा ह़ोई जाना शामल ऐ, रखेदा ह़ोए। यूहन्‍ना 1:12 असें दसदा ऐ, "पर जिन्‍ने बी उसी अपनाया, उनेंगी उन्‍ने परमेसरे दे बच्‍चे ह़ोने दा ह़क दित्ता, यानिके उनेंगी जेके उदे उप्‍पर विश्‍वास करदे न।" इक सच्‍चा मसीही सच्‍च च गै परमेसरे दा बच्‍चा ऐ, परमेसरे दे सच्‍चे परिवार दा मैंबर ऐ, ते जिसी यीशु मसीह च नमां जीवन दित्ता गेदा ऐ।

किजे जे किश तुसें इत्‍थे पढ़ेया ऐ उदी बजह़ कन्‍ने केह़ तुसें मसीह दे पिछे चलने दा फैसला लेत्ता ऐ? जेकर इंय्‍यां ऐ तां मेह़रबानी करीये ह़ठ दित्ते दे "मैं अज यीशु गी अपनाई लेत्ता ऐ" आले बटन गी दबाओ।

English



डोगरी दे मुख सफे उप्‍पर बापस जाओ

इक मसीही केह़ ऐ?
© Copyright Got Questions Ministries