Kasih khit ciangin vantung gam tung ding ka hih lam bang ci theih ding ka hi hiam?




Dotna: "Kasih khit ciangin vantung gam tung ding ka hih lam bang ci theih ding ka hi hiam?"

Dawnna:
Gupna ngah na hih lam leh nasih khit ciangin vantung gam ngah ding na hih lam na ki thei hiam? Na ki theih ding Pasian in hong deih a hihi. Laisiangtho in “Pasian tapa a um mi khempeuh nuntak tawntung na ngah ding hi ci a, a ki theih na dingin hih thu te note kiangah a hong gelh ka hi hi” (1John. 5:13). Nang pen tu in Pasian mai ah ding a, Pasian in “nang vantung gam ah bang hang in hong lutsak zenzen ding ka hi hiam?” ci a hong dong hi leh, bang ci dawn ding na hi hiam? Na dawn kik na ding na thei kei kha ding hi. Hih bang in na dawng kik ding hi. Pasian in eite hong it a, tawntung nuntakna ih ngah theih na ding in amah in lampi hong hon sak hi. Laisiangtho in hih bangin a gen hi. “Pasian tapa a um mi khempeuh kisia lo a nuntak tawntung na angah theih na dingin Pasian in a tapa khat bek neih sun a hong piak dongin leitung mite a it hi” (John.3:16).

Vantung gam ih ngah theih loh na ding in lam hong khak nate ih theih ding a hihi. Honglam khak nate in hih bang a hihi. Ih mawhna ih khialh nate in Pasian tawh suakta tak a ih ki pawl theih na dingin honglam khak a hihi. Ih luah suk mawhna hangin mawh nei te ih hihi. Ih teel zong a hihi. “Mikhempauh mawh khin uh a hih manin a hong hon khai Pasian tawh ki gam la hi” (Rom. 3:23). Ei leh ei ih ki hon khia zo kei hi. “Pasian hong hehpihna hangin upna tawh gupna ki ngah hi. Eihan ciamna hang hilo hi. Pasian hong piak khong letsong a hihi. Gamtat hoih na hang zong hilo hi. Tua a hih manin kuamah in ki sialhpih thei lo ding uh hi.” (Ephet. 2:8-9). Eite in sihna a thuak ding leh hell sungah a om dingin ih ki lawm hi. “Mawhna thaman in hongpiak pen sihna a hihi” (Rom. 6:23).

Pasian pen siangtho hi. Thuman hi. Mawhna dan thuak sak hi. Ahizong in amah in eite hong it a, mawhmai na ih ngah theih na ding lampi hong hon sak hi. Jesu in “Keimah in lampi ka hi hi. Thuman na leh nuntak na zong ka hihi. Kei hong suang lo in kuamah in pa kiangah a tung kei ding hi” (John.14:6). Jesu pen eite a dingin singlamteh tungah sihna hong thuak hi. “Khazih in mawhnei te a dingin khat vei sihna tawh hong tan zo hi. Thuman lote thuman mi ahih theih na dingin Pasian kiangah hong pai pih hi”(1Peter.3:18) . Jesu pen sihna pan in hongtho to kik zo hi. “ Amah in ih mawhna hangin singlamteh tungah sihna hongthuak a, thuman mi ih hih theih na dingin hong tho kik a hihi” (Rom. 4:25).

Tua a hih manin hong hih dotna pen en pha kik ni. “Kasih khit ciangin Vantung gam ngah ding ka hih lam bangci theih ding ka hi hiam?” Hih bangin na thei thei ding hi. Topa Jesu Khazih um a, sang le cin hotkhiatna na ngah ding hi (Sawltak.16:31). Jesu a sang a a um khempeuh te tungah leh, ama min a um mi khem peuh te tungah , amah in Pasian ta hihna a pia hi” (John.1:12). Tawntung nuntakna pen manngen lo a hong ki pia let songbangin na san ding a hihi. “Pasian ih a khong a hong piak letsong pen ih topa Jesu Khazih hangin tawntung nuntakna a hihi” (Rom. 6:23). Tu mahmah in nangin akicing leh aman nei nuntakna tawh in na nungta thei hi. Jesu in “ A mau te a kicing nuntakna a neih theih na dingin ka hong pai ahi hi” (John. 10:10) a ci hi. Jesu ih hong kamciam na bangin nang pen Pasian tawh vantungah a tawntungin na mang khawm ding hi. Jesu in “Keimah in note a dingin omna ding mun bawl dingin ka pai ding hi. Tua khit ciangin kong pai kik dinga tua ka bawl sa innpi ah note tawh a tawntung mang khawm dingin note ka hong la to ding hi” aci hi. (John. 14:3).

Jesu Khazih pen gumpa in sang a, Pasian kiangpan in mawhmaina na ngah nop leh hih bangin thu na ngen ding hi. Hih thungetna leh a dang thu ngetna hangin gupna na ngah kei ding hi. Jesu Khazih upna hang bek tawh in na mawhna hong ki mai sak ding hi. Hih thungetna pen Pasian um na hih lam ama tungah gen na hi-a, ama hong piak mawhmaina hangin ama tungah lungdam kohna zong ahihi. “Topa aw, keimah in nang kong lang do manin thu khenna a thuak ding ka hihi. A hi zongin Jesu Khazih in ka thuak ding thukhenna teng hong lak khiatsak khin zo hi. Amah ka upna hangin mawhmai sakna angah ding ka hihi. Gupkhiatna ka ngah na dingin amah ka muang hi. Alamdang nong hehpihna leh mawhmaina – tawntung nuntakna letsong hangin lungdam kongko hi! Amen!’’

Hih teng a ki gelh thu te na simna hangin Khazih up ding khentatna na nei kha hiam? Na neih leh hih a nuai a aki gelh, “Tu ni in Khazih ka sang khin ta hi” cih lai ngual met in.


Lai mai kipat na ah ki leh kik in

Kasih khit ciangin vantung gam tung ding ka hih lam bang ci theih ding ka hi hiam?