Tawntung nuntakna na ngah khin zo hiam?




Dotna: "Tawntung nuntakna na ngah khin zo hiam?"

Dawnna:
Tawntung nuntakna ngah theih nang lampi Lai Siangtho in tel takin hong gen hi. A khatna-ah eite-in Pasian ih langdo lam ih theih ding ahi hi : “Mikhempeuh mawh khin uh ahih manin a hong honkhia Pasian tawh kigamla hi” (Rom. 3:23). Ih sep na khempeuh hangin Pasian khasia mahmah hi. Tua ahih manin eite pen thukhenna a thuak din te ih hihi. Ih mawhna te in tawntung Pasian langdo ahih manin, ei te pen tawntung thukhen na a thuak ding te ih hihi. “Mawhna’ ih hong piak thaman pen sihna hi a, a hih hangin Pasian hong piak letsong pen ih topa Jesu Khazih hangin tawntung nuntak na ahi hi” (Rom. 6:23).

Mawh neilo, Pasian Tapa Jesu pen mi bangin hong piang khia a, (John 1:1,14), ih mawhna hangin sihna hong thuak hi. “ Pasian in eite hong it na hih bangin hong ki lang sak hi: Eite in mawh nei ih hih lai tak-in Khazih in eite tangin sihna hong thuak hi” (Rom. 5:8). Jesu Khazih in singlamteh tungah sihna hong thuak in (John 19:31-42) ih thuak ding thukhenna khempeuh amah’n hong lakkhiat sak hi ( 2Cor. 5:21). Nithum khit ciangin sihna zo-in hong tho kik hi(1Cor. 15:1-4). Ama thawh kikna hangin mawhna leh sihna zo ahih na hong lak hi. “ Jesu Khazih sihna pan a thawh kikna tawhin Pasian hong hehpihna a hi a nungta lamet na ih ngah theih na dingin nih vei suah kikna ei te sungah a hong ki pia a hi hi” (1Pet. 1:3).

Upna tawh in Khazih pen gumpa leh Topa in ih sang thei-a, gupna ih ngah theih na dingin ama nasep te leh asepna ahang thu ih theih ding ahi hi (Sawl. 3:19). Eite in amah ih up a, Jesu pen kei tangin singlamteh tungah sihna hong thuak hi ci-in ih up nak leh mawhmai sakna ngah in, Pasian hong kamciam tawntung nuntakna ih ngah ding hi. “Pasian in leitung mikhem peuh hong it mahmah ahih manin Ama Tapa a um mi khempeuh kisia lo a, tawntung nuntak na a ngah theih na dingin, Tapa khat bek a neihsun hong piak dongin leitung mite a hong it hi” (John 3:16). “ ‘Jesu-in Topa’ hi ci-a na kam tawh pulak in Pasian in amah pen sihna pan in tho kik sak zo hi ci-a na lungsim takpi tawh na up leh hotkhiatna na ngah ding hi” (Rom. 10:9). Khazih ih singlamteh tungah a sepkhiatsa nate upna hang bek tawh in tawntung nuntak na kingah hi. “ Pasian hong hehpihna hangin upna tawh gupna ki ngah hi. Ei’ hanciam na hang hilo hi. Pasian hong piakkhong letsong ahi hi. Gamtat hoih na hang zong hilo hi. Tua a hih manin kuamah in kisialhpih thei lo ding uh hi” (Eph. 2:8-9).

Jesu Khazih na gumpa leh na Topa dingin na san nop leh hih bang in thu na ngen in. Hih thunget na leh a dang thunget na tawh in gupna ki ngah lo hi cih pen theih ding ahi hi. Jesu Khazih upna leh muanna hang bek in mawhna saltanna sung pan in hong honkhia thei bek hi. Hih thungetna pen Jesu um na hih lam Pasian kiangah pulak na leh Ama hong piak gupkhiatna hang in Ama tungah lungdamkohna ahi hi. “Pasian aw, keimah in nang kong langpan na tawh in mawhna bawl ka hih lam leh thukhenna a thuak ding kilawm ka hih lam ka ki thei hi. Ahi zongin Jesu Khazih pen ka thuak ding thukhen na teng aman hong lak khiat sak zo hi. Amah ka up na hangin mawhmaisakna ka ngah hi. Gupkhiat na ka ngah na dingin Amah ka um hi. Nong hehpihna leh mawhmaina- tawntung nuntak na letsongte hangin Nang tung lungdam kongko hi! Amen!”

Hih teng a ki gelh thu te na simna hangin Khazih up ding khentatna na nei kha hiam? Na neih leh hih a nuai a aki gelh, “Tu ni in Khazih ka sang khin ta hi” cih lai ngual met in.


Lai mai kipat na ah ki leh kik in

Tawntung nuntakna na ngah khin zo hiam?