Mawhmaina na ngah zo hiam? Pasian in bangci in ka mawhna teng hong maisak ding ahi hiam?




Dotna: "Mawhmaina na ngah zo hiam? Pasian in bangci in ka mawhna teng hong maisak ding ahi hiam?"

Dawnna:
Sawltak.13:38 “Tua ahih manin, sanggam te aw, ih Topa Jesu hangin Mawhmai na ngah na hih lam na theih na dingun kong deih sak hi” ci-in a kigelh hi.

Mawhna maisakna ih cih in bang ahi hiam? Keimah in banghangin mawhmaisak na kisam ka hi hiam?

“Mawhmaisak na” ih cih kammal in sawpsiangna, hehpihna, leiba lohsakna cih nop na ahi hi. Mi khat tungah ih mawh ciangin amau tawh ih kipawl kik theih na dingin mawhmaisak na aki sam ahi hi. Mikhat pen mawhmaisak tawh aki lawm kei leh mawhmaisakna ngah thei lo hi. Mawhmai sak dinga ki lawm kua mah a om kei hi. Mawhmaisak na pen itna, hehpihna, leh angvanna lahna ahi hi. Mawhmaisakna ih cih in mawhneipa tungah a sia a gamtat loh na hi a, amau mawhna tawh a kituak-a thuk kik pahpah lohna ahi hi.

Pasian kiangpan in mawhmaisak na kisam ih hih lam Lai Siangtho in hong gen hi. Eite pen mawhneite ih hihi. Thuhilhna. 7:20 na sungah “ Hih leitungah thuman na a sem leh a mawh ngei lo kuamah a om kei hi” a ci hi. 1John. 1:8 na sungah, “ Mawhna ka nei kei hi ih cih leh ei le ei a kikhemte ih hi a, thuman na pen ei sungah a om kei hi” a ci hi. Mawhna khempeuh in Pasian langpan hi (Late. 51:4). Tua a hih manin Pasian kiangpan in mawhmaisakna ih ngah ding kisam hi. Eite in mawhmaisakna ih ngah kei leh ih mawhna hangin tawntung meili pi sungah kahna leh ha gawina ih thuak ding hi (Mate.25:46; John 3:36 ).

Koibangin mawhmaina ngah thei ding ka hi hiam?

Pasian pen itna leh hehpihna tawh a kidim Pasian hi a, ih mawh nate hong maisak nuam hi! 2Pet. 3:9 na sungah, “…… Pasian pen lungduai mahmah a, mikhat zong a kisiat ding deih lo hi. Ahi zongin mi khempeuh kisikkik a tawntung nuntakna a ngah na ding a deih hi” a ci hi. Pasian in ih mawhna te hong maisak nuam ahih manin Amah in mawhmai sak theih na ding lampi hong hon sak khin zo hi.

Ih mawhna hangin thukhenna a thuak dingte ih hihi. Rom. 6:23 na sungah, “Mawhna thaman in sih na ahi hi…” a ci hi. Ih mawhna hangin tawntung sihna a thuak dingte ih hihi. Pasian ih a gelna tungtawn in Jesu Khazih pen mibangin hong piang hi (John 1:1,14). Jesu pen Singlamteh tungah hong si-in ih thuak ding sihna thukhen na hong lakkhiat sak khin zo hi. 2Cor. 5:21 na sungah, “Pasian in mawh neilo pa pen eite a dingin mawhnei in a bawl hi. Tua a hih manin eite in Pasian mai ah thuman mi ih suak hi” a ci hi. Jesu pen singlamteh tungah hong si in, ih thuak ding a hi sihna thukhen na hong lakkhiat sak zo hi. Pasian mai ah Jesu ih a sihna hangin Leitung a, a om mikhempeuh te mawhmaisak na a ngah theih na ding lampi honghon sak khin zo hi. 1John 2:2 na sungah, “Amah pen ih mawhna hangin sihna hong thuak hi. Eite a ding bek hi lo-in leitung-a a om mi khempeuhte aading zong ahi hi” a ci hi. Jesu pen sihna zo in hong tho to kik ta hi. Tua a thawhkikna hangin mawhna leh sihna zo a hih na hong lak khin hi (1Cor. 15:1-28). Pasian minthang ta hen! Jesu Khazih ih hong sihna leh a thawhkikna hangin Rom. 6:23 a tawpna lam en le hang, “………..Ih Topa Jesu Khazih hangin Pasian hong piak khong letsong pen tawntung nuntak na” a ci hi.

Mawhmaina na ngah nuam hiam? Hong kimaisak zolo ding a na-up mawhna nang tungah a om kha hiam? Jesu Khazih pen gumpa leh Topa in sang lecin na mawhna hong kimaisak ding hi. Eph. 1:7 na sungah, “Ama sisan hangin hotkhiatna ih ngah hi. Topa hong hehpihna hangin mawhmaisakna ih ngah hi” a ci hi. Jesu in ih mawhna hang-a ih thuak ding leiba teng hong loh sak khin ahih manin mawhmai sakna ih ngah hi. Jesu hangin na mawhna hong kimai sak na dingin Pasian tungah thu na nget ding ahi hi. Jesu in na mawhna hong maisak khin hi, ci-in na up ding a hihi. Tua hi leh na mawhna hong kimaisak ding hi. John 3:16-17 na sungah hih bangin kigelh hi. “ Pasian in leitung mite hong it mahmah ahih manin Ama Tapa a um mi khempeuh kisia loin nuntak tawntungna a ngah theih na dingin Pasian in a tapa khat bek neihsun hong piak dong in a hong itna a hong lak hi. Pasian in a Tapa hih leitungah hong sawlna thu in leitung mite thu khen ding hi loin, mawhneite a honkhia ding a hi zaw hi”.

Mawhmai sakna pen a baih thu ahi hiam?

Mawhmaisak na pen baih mahmah lel hi.Pasian kiangpan in mawhmaisakna na ngah theih na dingin sepna kisam lo hi. Pasian kiang pan in mawhmai na na ngah theih na ding in sum leh paai tawh zong lei kullo hi. Paisan hong hehpihna leh hong angvanna tungtawnin upna tawh mawhmaisakna na ngah thei hi. Jesu Khazih pen gumpa leh Topa in sangin um lecin Pasian kiangpan mawhmaisakna a ngah na hihi. Hih bangin thu na ngen ding hi. Hih thu ngetna leh a dang thu nget nate tawh thungetna in gupna na ngah kei ding hi. Hih thu ngetna pen na mawhna a mai theih na dingin Jesu Khazih tungah na upna pulakna ahi hi. Hih thungetna pen Pasian um na hihna thu pulakna leh Ama hong piak mawhmaisakna hangin lungdam kohna ahi hi. “Topa aw, keimah in nang kong lang pan manin mawhna thukhenna a thuak ding ka hih lam ka ki thei hi. A hi zong in Jesu Khazih in ka thuak ding thukhennateng hong lakkhiat sak zo hi. Amah ka upna hangin mawhmaisak na ka ngahzo hi. Gupkhiat na ka ngah theih na dingin nang kong um hi. Alam dang nong hehpihna leh mawmaina hangin lungdam kong ko hi! Amen!”

Hih teng a ki gelh thu te na simna hangin Khazih up ding khentatna na nei kha hiam? Na neih leh hih a nuai a aki gelh, “Tu ni in Khazih ka sang khin ta hi” cih lai ngual met in.


Lai mai kipat na ah ki leh kik in

Mawhmaina na ngah zo hiam? Pasian in bangci in ka mawhna teng hong maisak ding ahi hiam?