Pasian pen mantak pi ahi hiam? Pasian pen man takpi a hih lam bang ci theih ding ih hi hiam?




Dotna: "Pasian pen mantak pi ahi hiam? Pasian pen man takpi a hih lam bang ci theih ding ih hi hiam?"

Dawnna:
Pasian pen amah leh amah mantak pi ahih na thu thum tawh siang tak in hong gen a hih manin eite in ih thei thei hi. Tuate in piansakna, ama kammal, leh ama tapa Topa Jesu te ahi uh hi.

Pasian om a hih na pen ama bawlsa nate tungtawn in ki mu thei hi. “ Aki piang sak nate in Pasian khutma, tawntung vangliatna, leh Pasian ahih na hong lak hi. Ama bawlsa nate ih et ciangin Pasian om ahih lam ih thei hi. Tua hih manin mihing te in mawhna thu khenna tawh aki pelh thei kei ding hi” (Rom. 1:20). “Vantung in Pasian vangliatna hong lak hi. Vantung a om nate in Paian khutma honglak hi” (Late.19:1).

Mikhat in naihoih mahmah khat zanglo sungah mu leh hih pen ama thu in a om tawm hi ahih kei leh hih pen hi tengah a om den hi a ci thei kei ding hi. Hih nai hoihna na muh ciangin a bawlpa khat om ding hi ci in na thei ding hi. Ahi zongin hih leitung hoih naleh a lamdangna pen hih tawh zong aki genteh thei kei ding hi. Pasian khutma pen hih nai tawh genteh thei ding hilo hi. Hih leitung a ki lum letna ( Hih leitungpen atom 133 a gik a hihi) zong alam dang mahmah khat ahihi. Hih leitung pen a hoih mahmah in a ki bawl a hihi. Tua ahih manin abawl pa khat om ding hi ci-in ih thei hi.

Liimhoih mahmah tawh hong ki puak thukhat na muh ciangin na theih dong na kantel ding hi. Hih liimsuai pa pen siam nasa mahmah ding hi. Hih liim pen mikhat in suai hi na ci thei kha ding hi. Ih pumpi sunga, aom DNA “code” om zia en le hang bang zah in lamdang a hihiam? Hih DNA deihna leh pianzia te pen lai at siam lo khat ih at hi ci in kua in genthei ding ahi hiam?

Pasian pen hong mihing te hong bawl bek hi lo a, mimal khat ih lungtang sungah atawntung ngaihsutna te om a hih lam theihtheih na ngaihsutna hong guan hi (Eccl. 3:11). Mihing te in mittawh muh theih loh nuntakna om lai hi cih leh, hih leitung nate sangin alian zaw khat om lai hi cih ih thei hi. Mihingte lungsim sungah tawntungnuntak naom ahih lam nam nih in ki mu thei hi. Tuate in thukham neih na leh biakpiak nate ahihi.

Hih leitunga aom mi khempeuh te in thukhun nei ciat uh hi. Tua thukhun te pen khat leh khat ki bang ciat uh hi. Genteh na in mikhempeuh in itna deih ciat uh hi. Khemna pen mi khempeuh in a deih kei uh hi. Mikhempeuh te in thumanna leh thuman lohna a theih theih na pen mihing te lung tang sungah thumanna leh thuman loh na akoih khat om a hihna hong lak hi.

Leitunga a om mi khempeuh te in biakna nei ciat uh hi. Aki bang lo bek a hihi. Ih biak a ki bang lo bek hi-in, ih upzia pen “vanglian” khat om ahih na hong thei sak hi. Pasian in eite pen “ama liim leh mel sun a, a hong bawl manin” eite in biakna ih nei a hihi (Pian. 1:27).

Pasian in ama kammal Laisiangtho tawh in amah leh amah hongki pholak hi. Laisiangtho sung mun khempeuh ah Pasian om a hih na ih mu thei hi (Pian.1:1, Pai.3:14). Mikhat in ama tang thu a at ciangin amah om ahih lam hun bei lainga a at ngei kei hi. Tua mah bangin Pasian in amah om ahih lam Laisiangtho sungah a at kei hi. Laisiangtho pen mihing te lungtang aki khel sak zawhna, athuman na, leh na lamdang nate hangin Pasian om ahih lam ih theih ding a hihi.

Pasian in ama tapa Jesu Khazih tawh in amah leh amah hongki phonlak tawm hi (John.14:6-11). Aki pat cil in thu a om hi. Tua thu in Pasian tawh a om khawm hi. Tua thu in Pasian a hihi. Tua thu pen mihing in hong piangin eite sungah hong om hi. Eite in ama vang liatna, vantunga a om Pa kiangpan in hong pai ,hehpihna leh thuman thutak tawh aki dim avang lian penpen Pa ih mu hi (Col.2:9).

Jesu nuntakna en le hang amah pen Laisiangtho lui sunga aki at thuham teng hong kem a, Messiah tawhki sai a ki gen khol teng khempeuh amah in hong kicing sak hi (Mat.5:17). Amah in aki sim zolo hehpihna nasep tampi sem in ama thu gen man ahihna leh amah pen Pasian ahihna alah theih na dingin mitampi tak te mai ah nalamdang tampi a bawl hi (John.21:24-25). Amah pen asih khit nithum ni in hong tho to kik hi.

Ama tawh kik napen mitam pi takte in a mu uh hi (ICor. 15:6). Jesu pen Pasian ahih na aki gelh tang thu te ih et ciang in ih mu thei hi. Hih “aki gen thu pen aki sel ahi kei hi” (Sawl.26:26) ci in Pawllu in a gen hi.

Pasian om ahih lam a um lo mi tampi om a, amau te in Pasian omlo ahih lam aki gelh lai bu tampi tak zong sim uh hi cih pen eite in ih thei hi. Pasian omlo hi ci in kuamah in a gen thei kei ding hi (Late.14:1). Pasian om ahih lam eite in upna tawh ih thei hi. (Heb.11:6).


Lai mai kipat na ah ki leh kik in

Pasian pen mantak pi ahi hiam? Pasian pen man takpi a hih lam bang ci theih ding ih hi hiam?