Nuntakna a khiatna pen bang ahi hiam?




Dotna: "Nuntakna a khiatna pen bang ahi hiam?"

Dawnna:
Nuntakna a khiatna pen bang ahi hiam? Nuntakna akhiatna, aki cin na, leh anop na pen keimah in bang ci muh thei ding ka hi hiam? Nuntakna manphat na pen kei mah in bang ci muh thei ding ka hi hiam? Mitam pi takte in hih dotna te a dong ciat uh hi. Amau te in abei sa hun te a et uh ciangin a gualzawh na uh a tam mahmah tei hangin Pasian tawh aki zopna uh bang hang in tawn semsem cih leh bang hang in a hawm pi in nungta cih a gaih sut uh ciangin a lungmang mahmah uh hi.

Kimawlna lamah miminthang mahmah khat pen kimawlna sungah a lut ding ciangin mikhat ih thu a dong ngei hi. Tua khit ciangin, amah in “tulai tak in kei pen asang pen hi hong ki ci leh ka ut hi” ci –in a dawng kik hi. A hi zongin a sangpen na mun a tun ciangin bang mah a hi tuan kei hi. Ngual zawhna ih ngah khit ciangin ihtup ih sawm nate bang mah tawh aki bang nawn kei hi. Tupna tampi tak tepen hun tawm khat a bei khit ciangin bangmah tawh aki bang nawn kei hi.

Mikhempeuh in tupna tampi a nei ciat uh hi. Amaute in tua tupna te sungah nuntakna akhiatna om ding hi ci in ngaih sun uh hi. Sumbawl na tawh ahi zong, hauhna tawh a hi zong, gualnopna tawh ahi zong, nupa ki zopna tawh a hizong, lamna leh dianna tawh a hi zong, leh midang te tungah na hoih sepna tawh a hi zongin nuntakna ih a deihna a muh theihna dingin a zong ciat uh hi. Mihing te in a hauh uh ciangin ahi zongin, kizopna hoih a neih uh ciangin ahi zongin, leh a nop sak uh ciangin thupha ngah ci in teti a pang thei uh hi. Ahi zongin amau te lungtang sungah a ki sam khat om lai hi. Amau te in along sim sung uh ah bang mah om lo bangin a ngaih sun uh hi.

Thuhilhna lai at pan in thu hilhna laibu a at laitak in “Amawkna, amawkna. Nuntakna in amawkna hi. Leitung a a om na khempeuhte in amawkna hi” (Thuhilhna. 1:2) ci a a gelh laitak in amah in a lungsim sungah hih bangin a ngaih sutman a hi thei kha ding hi. Thuhilhna lai at pa, Solomon ih hauhna pen kamtawh gen theih ding hi lo hi. Ama pilna zong ei pilna tawh teh theih ding ahi kei hi. Zi tul bang nei hi. Gamdang te en mahmah mun leh huan zong a nei lai hi. An lim an al a ne hi. Lungnop na a piang sak thei ding laamna dianna zong tampi a nei hi. Amah in ama lung gulhna teng leh hanciam nateng a ngah khit ciangin hih bangin a gen ahihi. Tua bek hi lo in “van nuai a a om mi khempeuh” mit a muh theih nuntakna nei khempeuh leh ngaih sutna khempeuh te pen a mawk na ahihi. Banghang in tua danin a mawk na hi mawk ahi hiam? Banghang hiam cih leh Pasian in tulai tak in ih theih loh nate sangin a lian zaw hong bawl sak man ahihi. Solomon in , Pasian in “eite ih lungtang sungah tawntungnate lung ngulh theih na lungtang hong nguan hi…..” (Thuhilhna. 3:11) a ci hi. Ih lungtang in “tua a ih omna pen atawn tung” a hih loh lam a thei hi.

Laisiangtho lai bu masa penpen ahi, Piancilna sungah Pasian in ama liim leh mel sun in mihing a piangsak hi ci in ih mu thei hi (Pian.1:26). Eite in a dang na tuamtuam te sangin Pasian sun zaw ih hihna hong ngen nopna ahihi. Mihing te in mawhna sungah puk khin ahih na leh hih leitungah mawhna hang a samsiatna hong tun na pen eite in ih mu thei hi. Hih a nuai a hong ki gen thu te en suk ni. (1) Mihing te pen apawl pawl a om ding in Pasian in a bawl ahihi (Pian.2:18-25); (2) Pasian in mihing te tungah sepding tavuan a pia hi (Pian.2:15); (3) Pasian in mi hing te tawh ki muh khop na hun a nei hi (Pian.3:8); (4) Hih leitung leh leitunga aom nate a uk dingin Pasian in mihing te tungah ukna apia hi (Pian.1:26). Hih thu te a man phat na pen bang ahi hiam? Ih nuntak na sungah hih na khempeuh te ih ki cin sak ding Pasian in hong deih a hihi. Ahi zongin hih na te hangin mihing te leh Pasian kizopna hong ki sia hi. Tua ahihmanin hih leitungah samsiatna hong tung hi (Pian.3).

Laisiangtho bu a nunung pen ahi, Mangmuhna sungah vantung thak leh leitung thak abawl kik theih na dingin Pasian in tulai tak a leitung leh vantung pen a susia ding hi ci-in ki gelh hi. Tua hun ciangin Pasianin amah tawh akhawlkhawm thu um mite kaikhawm kik ding hi. Thu-um lote a hih leh tawntung meili pi sungah a khia ding hi (Mang.20:11-15). Tua hun ciangin mawhna in thu khenna a thuak ding hi.

Mawhna om nawn kei ding hi. Kahna, natna, sihna, gimna te zong om nawn lo ding hi (Mang.21:4). Tua khit ciangin thu um mite in na khempeuh a luah ding hi. Pasian pen amau sungah om in amau te pen Pasian tate a hi ding uh hi (Mang. 21:7). Tua ahih manin Pasian hong bawlna a deihna pen amah tawh ki pawlna tua hun ciangin ih ngah kik ding hi. Mihing te mawh uh ahihmanin, Pasian tawh ki pawlna susia khin hi. Pasian in tua hun ciangin amah tawh a tawntungin aki pawl theihna dingin a bawl kik ding hi. Tua hun ciangin Pasian tawh ki khen na pen thuak hak zaw lai ding hi. Pasian a um lote a dingin Pasian in tawn tung meili pi a koih sak hi (Luke. 23:43). Pasian a um lote pen leitungah a ut bangin a nung tate a hi uh hi. Tawntung sihna meili pi leh vangam malep ih cih in bang a hi hiam?

JESU KHAZIH TAWH NUNTAKNA A KHIATNA

Tuhun a ahizong, atawn tung a ahi zongin nuntakna a khiatna taktak pen Pasian tawh ki pawlkikna tawh in ih ngah thei bek hi. Hih ki pawlna pen Adam leh Eve te mawhna bawlna bawlna pan ki panin ih tan a hihi. Tuni in hih Pasian tawh kipawl kik theihna pen Pasian tapa Jesu Khazih tungtawn in ih ngah thei hi (Sawl.4:12; John. 14:6, John. 1:12). Mikhat pen amawhna ki sik in Jesu Khazih gumpa leh topa a a sang khempeuh te in tawntung nuntakna a ngah uh hi. ( amau te in mawhna khat zong bawl nawn lo ding uh a, Khazih tungah ki ap in mithak a suak sate a hi uh hi).

Jesu pen gumpa in zonna bek tawh in gupna a ki ngah kei hi. Nung zui khat bang in Jesu nungzuihna hang ahi zong, ama kiangpan in pilna sinna hang a hi zongin, Pasian kammal tungtawn in amah tawh hun lak khopna hang ahizong, thungetna tawhin amah tawh ki ho denna tawh ahi zong, ama hong piak thukham te zuihna hang tawh ahi zong hih nate ih sep tak ciangin nuntakna akhiatna thaman ki ngah thei pan hi. Nang pen thu um lo ahih kei leh thu um thak khat na hih leh nang leh nang hih bangin na ki gen thei ding hi. “ Hih dan a sep ding ka ut kei hi/ hoih ka sa kei hi” na ci thei kha dinghi. Ahi zongin tawm bang na sim suak lai in. Jesu in hih bangin hong ci hi.

“Vangik pua in agim mi khempeuh te kei kiangah hong pai un. Tawldamna ka hong pia ding hi. Kahakkol la in ki suan un. Kei kiangah hong ki sin un. Bang hang hiam cih leh kei mah in dikin ka lungsim ka kiniam khiat hi. Tua bang na hih uh leh tawldamna na ngah thei ding uh hi.

Kahak kol puak nop in zong a zang hi” (Mat.11:28-30). “Amau te tawntung nuntakna a pia ding leh aki cing nuntakna apia dingin ka hong pai hi” (John.10:10). “Keima nung hong zui nuam mite in amah leh amah ki nial in ka singlamteha pua in ka nung hong zui ding uh hi. A nuntak na a it mite in a sum lawh zaw ding uh hi. Ahi zongin anun takna uh aki phalte in nuntakna a mu ding uh hi” (Mat.16:24-25). “Pasian sungah nuam un. Tua hi leh na lung gulh na khempeuh te hong pia ding hi” (Late.37:4).

Hih Laisiangtho tangte hong gen nopna pen eite in ih tel ding ahih na hong lak hi. Eite in eima ut bangin ih gam ta thei hi. Tuadan hi leh a hawm nuntakna a nei na hihi. Ahi zongin Pasian na zon leh a kicing nuntakna na ngah ding hi. Na lungsim sunga na lung gulh na teng hong pia ding hi. Lungnopna leh ki cinna zong hong pia ding hi. Bang hang hiam cih leh hong bawl Pasian in eite hong it in eite a ding a hoih pen pen hong deih sak hi. (ama hong deihsak nuntakna pen a baih pen hi lo a, a ki cing nuntak na ahihi).

Christian nuntakna pen ih teel ding a hihi. Kimawlna en ding in ih pai ciangin tutna aman ham deuh lei le hang anai na pan hoih tak in ki en thei in tutna aman baih deuh lei le hang agamla na pan in ki en bek hi. Eite in Pasian na sep pen a nai penpen na pan in ih et ding a hihi. Ahizongin a dahhuai thu in mi tampi tak te in Pasian tawh ki gamla in nungta uh hi. Pasian na sep anai penpen na panin a ente pen Khazih nung zui taktak te a hi uh hi. Amau te pen Pasian deihna a zuih theih na dingin amau deih na anial zo te a hi uh hi. Amau te in aman a pia khin uh a hihi. (Khazih tungah aki apte ahi uh hi). Amau te in aki cing nuntakna a nei te a hi uh hi. Amau leh pen amau leh amau tungah ahi zong, midang te tungah a ahi zong, hong bawl Pasian tungah ahi zong, ki sik kik ngei lo ding hi. Nangin thaman na pia khin ta hiam?

Piakdingin ngaih sutna na nei hiam? Na neih leh dang tak na na thuak ngei kei ding hi. Nuntakna ih a deihna leh aman phatna na nei ding hi.


Lai mai kipat na ah ki leh kik in

Nuntakna a khiatna pen bang ahi hiam?