Nihvei suahkikna a ngah Christian ih cih ih akhiatna in bang a hi hiam?




Dotna: "Nihvei suahkikna a ngah Christian ih cih ih akhiatna in bang a hi hiam?"

Dawnna:
Nihvei suahkikna a ngah Christian ih cih ih a khiatna in bang a hi hiam? Hih dotna tawh ki sai-in dawnna hong pia Laisiangtho khan pen John. 3:1-21 a hi hi. Topa Jesu leh Nicodemus hong kiho uh hi. Nicodemus pen Pharisee mi nam hi a, Sanhedrin ah member khat zong ahihi. Jews minam te a uk pa zong a hihi. Amah pen nitak khuazin khit ciangin Jesu kiangah hong pai hi. Nicodemus in Jesu kiangah dotna pawlkhat hong dong hi.

Jesu in Nicodemus kiangah hih bangin a gen hi. “ ‘ Mikhat peuh in nihvei suahkikna a ngah kei leh Pasian gam a mu kha kei ding hi’. Tua ciangin Nicodemus in, ‘mikhat pen a gol khit ciangin a nu sungpan bang ci-in suak kik thei ding a hi hiam?’ ci in a dawng hi. ‘Mikhat pen a nu sungah lutkik in nihvei a suakkik thei kei ding hi’ a ci hi. Jesu in ‘Mikhat peuh in tui leh kha tawh a suahkik kei leh Pasian gam a mu kei ding hi. Pumpi tawh suahna in ci leh sa suah na bek mah hi a, a hi zongin kha tawh suah na in Kha a hihi. Kong gen thu te a hi ‘Nih veina suakkik ding hi’ kong cih hangin na buai kei ding hi”, a ci kik leuleu hi (John. 3:3-7).

“Nihvei suahkikna” ih cih kammal ih a khiatna in “Khasuah kikna” a gen nopna ahihi. Hih khasuah kikna pen Nicodemus in kisam pha diak hi. Amah pen a lungtang kikhel na ahi kha ki khelhna lianpi ki sam hi. Suahkikna, nihvei suah kikna in Pasian na sepna hi a, hih a um mi khempeuh te tungah Pasian in tawntung nuntakna a pia hi (2Cor. 5:17; Titus. 3:5; IPeter. 1:3; IJohn. 2:29; 3:9; 4:7; 5:1-4, 18). John. 1:12, 13 na sungah “Nihvei suahkik na” in “ Jesu Khazih min upna tawh in “Pasian ta suahna” a cih na cih zong kimu thei hi.

“Mikhat in banghangin nihvei suah kikna kisam se a hi hiam?” ci a, a ki dotna pen a ngaih suttak mahmah thu ahihi. Sawltak Paul in Ephet. 2:1 na sungah, “ Khialhna leh mawhna sungah asi note pen hong nung tasak kik khinzo hi” a ci hi. Rom.3:23 na sungah Rom khua a om Romah mite kiangah, Paul in hih bangin lai a khak hi. “Mi khempeuh mawh khin uh ahih manin a honghon khia Pasian tawh ki gamla uh hi”. Tua ahih manin mikhat pen mawhmai na a ngah theihna ding leh Pasian tawh akizop theihna dingin nihvei a suah kik loh phamawh hi.

Nihvei suah kikna bangci in ngah thei ding ih hi hiam? Ephet. 2:8-9 sungah, “Pasian hong hehpihna hangin upna tawh gupna ki ngah hi. Eihan ciam na hang hilo hi. Pasian hong piak khong letsong a hihi. Gamtat hoih na hang zong hilo hi. Tua a hih manin kuamah in ki sialhpih thei lo ding uh hi”a ci hi. Mikhat pen “gupna” a ngah khit tak ciangin nih vei suah kikna a ngah hi pah in khalam ah a thak suah a hihi. Aman taktak suah kikna hangin Pasian ih ta za a suak ih hihi. Jesu Khazih upna muanna, amah pen singlamteh tungah asih lai takin kamawh nateng hong puak khiat sak hi ci a upna pen kha lamah “nihvei suah kikna” a hihi. “Tua a hih manin mikhat peuh in Khazih sungah a om leh ami lui ngeina hongbei in mithak a suak khin a hihi” (2Cor. 5:17).

Jesu khazih pen na Gumpa leh na Topa in sang lo hi na pi in Khasiangtho in na lungsim tawngah hongho pih pah dingin na kiangaih sun kha hiam? Nihvei na suah kik kul ngeingei hi. Tuni in hih mawhmaisak na thungetna tawh thu ngen a, Khazih sungah mithak na suak nuam hiam? “Amah asang mi khempeuh te, ama min a um mi khempeuh te Pasian in tapa za suahna a pia hi. Ci leh sa tawh tapa za a suak hi lo a, mihing te ih khentat na tawh zong hi lo hi. Pasal khat ih utna hang zong hi lo hi. Ahizong in Pasian deihna hang bek a hi zaw hi” (John. 1:12-13).

Jesu pen gumpa leh Topa in na san nop a, nihvei suah kikna na ngah nop leh hih bangin thu na ngen ding hi. Hih thunget na hang a hi zong, adang thunget na hang a hi zongin gupna na ngah kei ding hi. Khazih upna hang bek in mawhna kol sungpan hong hon zo bek ding hi. Hih thunget na pen Pasian um na hih lam ama tungah genna hi a, ama hong ngelsak gupkhiatna hangin ama tungah lungdam koh na zong a hihi. “Topa aw, keimah in nang kong lang do a hih manin thukhen na a thuak ding ka hihi. A hi zongin Jesu Khazih in ka thuak ding thukhenna teng hong lak khiatsak khin zo hi. Amah ka upna hangin mawhmaisakna angah ding ka hihi. Gupkhiatna ka ngah na dingin amah ka muang hi. Alamdang nong hehpihna leh mawhmaina – tawntung nuntakna letsong hangin lungdam kongko hi! Amen!’

Hih teng a ki gelh thu te na simna hangin Khazih up ding khentatna na nei kha hiam? Na neih leh hih a nuai a aki gelh, “Tu ni in Khazih ka sang khin ta hi” cih lai ngual met in.


Lai mai kipat na ah ki leh kik in

Nihvei suahkikna a ngah Christian ih cih ih akhiatna in bang a hi hiam?