Khalam tawh kisai thukhun nam Lite in bang teng ahi hiam?




Dotna: "Khalam tawh kisai thukhun nam Lite in bang teng ahi hiam?"

Dawnna:
Khalamtawh kisai thukhun nam lite in Jesu Khazih upna hangin aki ngah Gupkhiatna thu manpha lungdamna thu tangko theih nang lampi ahihi. Hih lungdam na thu pen hoihtak ih tangko theihna dingin abaih mahmah thu nam lite a gen nopna a hihi.

Amasa penpen khalam tawh kisai thukhun in, “Pasian in nang hongit a, nang a dingin alam dang vai honghawm sak hi” John. 3:16 na sungah, “ Pasian in leitung mite hong it mahmah a hih manin ama tapa a um mi khempeuh ki sia lo a tawntung nuntakna a ngah theih na dingin Pasian in a tapa khat bek neih sun a hong piak dongin leitung mite a hong it hi” a chi hi. John.10:10 na sungah, “Amau te nuntak na ki cing a neih theih na ding ka hong pai ahihi” a ci hi. Pasian itna ih ngah theih loh na dingin bangin hong khak a hi hiam? A ki cing nuntakna ih neih theih na dingin bangin hong khak a hi hiam?

Anih na khalam tawh ki sai thukhun in, “ Leitung mihing te in mawh nei a hih manin Pasian tawh ki gam la hi. Tua ahih man in Pasian in eite a dingin hong ngel sak nate ih thei kei hi.” Rom.3:23 na sungah “Mikhempeuh mawh uh ahih manin a hong hon khia Pasian tawh ki gamla hi” ci in a gen hi. Rom. 6:23 na sungah mawh na thaman ih mu thei hi. “Bang hang hiam cih leh mawhna tha man hong piak pen sihna ahihi” a ci hi. Pasian in amah tawh a om khawm den dingin eite a hong bawl ahihi. A hi hangin mihing te in mawhna bawl a hih manin Pasian tawh ki pawl thei nawn lo in hong ki gamla ta uh hi. Pasian gel sa nate pen ei leitung mite in ih ki siasak hi. Bangci in puah kik thei ding ih hi hiam?

Athumna khalam tawh ki sai thukhun in, “ Jesu Khazih pen ih mawhna na hang in a si dingin Pasian sehsa ahihi. Jesu Khazih hangin ih mawhna te hong ki mai sak a, Pasian tawh aman ki zopna ih nei thei hi.” Rom.5:8 na sungah, “ Pasian in eite a hongit na hih bangin honglak hi. Eite mawhnei ih hih lai tak in Khazih pen eite tang dingin sihna hong thuak hi.” 1Cor. 15:3-4 na sungah gupna ih ngah theihna dingin Khazih ih theih ding leh ih up ding ki sam hi, “… Laisiangtho hong ngen na bangin Khazih pen eite tang dingin hong si hi. Amah pen ki vui in Laisiantho honggen na bangin nithum khit ciangin hong tho to kik hi…” John.14:6 na sungah gupkhiat na ih ngah theih na dingin Jesu bek lampi ahih na Jesu in amah leh amah a hong ki gen hi. “Keimah in lam pi ka hihi. Thuman na leh nuntak na zong ka hihi. Kei hong suang lo in kuamah in Pa kiangah a tung kei ding hi.” Pasian hong piakkhong a lam dang gupkhiat na bang ci in ngah thei ding ih hi hiam?

Alina kha lam tawh ki sai thukhun in, “ eite in gupkhiatna ih ngah theih na ding leh ihnun takna sungah Pasian hong gel sak nate ih theihtheih na dingin Jesu Khazih pen gumpa leh topa in ih san ding a hihi.” John. 1:12 na sungah, “ Amah um te leh ama min a um khempeuh te tungah Pasian ta suahna za Pasian in a pia hi” a ci hi. Sawltak.16:31 na sungah, “Topa Jesu na up leh hotkhiat na na ngah ding hi!” a ci hi. Jesu Khazih upna leh pasian hong hehpihna hang bek tawh in gupkhiatna ih ngah hi” (Eph. 2:8-9).

Jesu Khazih pen na Gumpa leh Topa in na san nop leh hih bang in thu na ngen ding hi. A hi zong in hih thu ngetna tawh in hotkhiat na nangah kei ding hi. Khazih deihna bang in gamta le cin gupna na ngah ding hi. Hih thungetna pen Pasian um na hih lam ama tungah gen na hi-a, ama hong piak hotkhiatna hangin ama tungah lung dam kohna zong ahihi. “Topa aw, keimah in nang kong lang do a hih manin thu khenna a thuak ding ka hihi. Ahi zongin Jesu Khazih in ka thuak ding thukhenna teng hong lak khiatsak khin zo hi. Amah ka upna hangin mawhmai sakna angah ding ka hihi. Gupkhiatna ka ngah na dingin amah ka muang hi. Alamdang nong hehpihna leh mawhmaina – tawntung nuntakna letsong hangin lungdam kongko hi!Amen!’’

Hih teng a ki gelh thu te na simna hangin Khazih up ding khentatna na nei kha hiam? Na neih leh hih a nuai a aki gelh, “Tu ni in Khazih ka sang khin ta hi” cih lai ngual met in.


Lai mai kipat na ah ki leh kik in

Khalam tawh kisai thukhun nam Lite in bang teng ahi hiam?