Vangtung gam tun theihna dingin Jesu bek lampi ahi hiam?




Dotna: "Vangtung gam tun theihna dingin Jesu bek lampi ahi hiam?"

Dawnna:
“Kei mah in mi hoih ka hihi. Tua a hih manin vantunggam ka tung ding hi.” “Kei mah in a hoihlo na pawlkhat ka sep hangin na hoih ka sep tam zaw ahih manin vantunggam ka ngah ding hi.” “ Laisiangthotawh ki zui a ka nuntak loh hangin Pasian in kei pen hell meili pi sungah hong koih lo ding hi. Hun ki khel zota hi!” “Naupang a that te leh mithat te bek Hell meili sungah tung ding hi.”

Hih bang a ngaihsutna pen mikiim in ngaih sunthei kha ding hi. A hi zong in thuman thutak in hih bangin hong gen lo a hih manin a mau te mikhem te a hi uh hi. Mikhem pa Satan in ih khuak sungah hih bang a ahoih lo ngiah sut nate hongkoih sak ahi hi. Satan leh amah a zuite pen Pasian gal a hi uh hi (1Peter. 5:8). Satan pen mikhem pa hi in, amah leh amah mihoih bangin ki neih thei hi (2 Cor. 11:14). Tua a hihman in Pasian tawh a ki zom lo khempeuh te ih lung sim amah a uk hi. “Hih leitung a uk pa in thu um lo te lungsim mit a taw sak hi. Tua a hih manin amau te in Pasian liim a hi, Khazih ih vangliat na Lungdamna khuavak muthei lo uh hi” (2Cor. 4:4).

Pasian in mawhna neu pawl khat donlo hi, ahih kei leh, Hell pen “Mihoih lo te a ding bek hi” ci a up na pen khemna a hihi. Mawhna khempeuh hangin Pasian tawh ih ki khen hi. “Mi ih khem nazongmawh na mah a hihi.’’ Mi khempeuh mawh ciat uh a, amau hanciam na tawh in vantung gam ngah zawh na ding hoih na khat zong a nei kei hi (Rom. 3:23). Na hoih nasep na in siatna na sepna sang in tam zaw a hih manin vantung gam tawh na ki gamla hi. Hih na hoih ih sepna sungah Pasian hong om kei leh a mawk na hi lel hi. “ Hehpihna hang hi leh sepna a ki sam nawn lo hi. Sepna hang hi leh hehpihna ki sam lo hi” (Rom.11:6). Eite in vantunggam ih ngah zawh na dingin na hoih ih sem zo kei hi (Titus. 3:5).

“Kawngkaw cit lampi ah lut un. Lam zinpi kongvang pen gol in lian a hih manin a zuite kisia hi. Laizinpi a zui mi tam hi” (Mate. 7:13). Mikhat pen mawhna tawh nungta in Pasian upna nei kei leh Pasian in a mawhna a maisak kei ding hi. “Note pen ni dangin leitung nate zui in hih leitung a ukpa deih na bangin na gamta uh a, Pasian thu mang nuam lo in mawhna nam kim na bawl uh hangin Pasian in note hongnungta sak kik khin zo hi” (Ephet. 2:1-2).

Pasian in hih leitung pen a ki cing ding leh a hoih dingin a bawl a hihi. Tua khit ciangin Pasian in Adam leh Eve bawl a, amau ut bangin a gam tat theih nading in suahtak na pia hi. Tua a hih manin amau te in Pasian deihna zui thei-a, zong nial thei hi. A hi zongin Satan ih ze-et na hangin amau te in Pasian thu hong nial uh a, mawhna hong bawl uh hi. Adam sung pan a piang mi peuh mah Pasian tawh ki pawl thei nawn lo uh hi. Eite pen mawh nei ih hih manin eima hancian thu tawh in Pasian tawh ih ki pawl thei nawn kei hi. Tua a hih manin Pasian in amah tawh vantungah ih ki pawl kik theih na ding lampi honghon sak hi. “Pasian in leitung mi khempeuh hongit mahmah a hih manin ama tapa a ummi khempeuh kisia lo a nuntak tawntung na a ngah theih na dingin Pasian in atapa khat bek neih sun a hongpaik dong in leitung mite hongit hi” (John. 3:16). “Mawhna thaman in hongpiak pen sihna hi-a, a hizongin ih topa Jesu akhazih hang in ih ngah letsongpen tawntungnuntakna a hihi.’’ (Rom. 6:23) Jesu ih mawhna tang a asi dingin hong suak a hihi. Tua a hih manin eite in ih sih kul nawnlo hi. Nithum khit ciangin sihna zo in amah hong tho to kik hi (Rom. 4:25). Sihna a zawh na hong lak khia hi. Jesu in Pasian leh mite kikal ah lei hong dawh sak zo hi. Tua a hih manin eite in Jesu ih up nak leh Pasian tawh kipawltheih na ih ngah hi.

“Tawntung nuntak na pen Pasian khat bek om hi ci a upna, hih leitung ah hongki sawl Jesu Khazih upna ahihi” (John.17:3). Mi a tam zaw in Pasian um uh hi. Satan in zong Pasian um hi. A hi zongin gupna ih ngah theihna dingin Pasian kiangah ih ciah ding ahi hi. Amah tawh ih ki pawl khop ding a hihi. Ih mawh na teng ih nusiat ding a hihi. A mah ih zuih ding a hihi. Ih sep na khempeuh ah Jesu ih muan ding a hihi. “Thuman na pen Pasian kiangpan hi a, Jesu Khazih a um mi khempeuh te a ding a hihi. Kilam danna bang mah om lo hi” (Rom.3:22). Khazih lo gal gupkhiat na ngahna dinglampi dang omlo ahih lam Laisiangtho in tel tak in hong ngen hi. Jesu in John. 14:6 na sungah ih bang in a ngen hi. “Kei mah in Lampi ka hihi. Tuman na leh nuntak na zong ka hihi. Kei hong suang lo in kua mah in pakiangah a tung thei kei ding hi”.

Tawntung nuntak na ngah nadingin Jesu bek lampi a hihi. Banghang hiam cih leh ih mawhna khempeuh hongpuak sak thei pa pen Jesu bek a hih hang a hihi (Rom. 6:23). Adang biakna te in mawhna ih a liatna leh mawhna hang a ih thuak ding gimna a gen kei hi. Khazih ih hong piak a hi mawhna mai sakna pen a dang biakna te in hongpia thei lo hi. A dang “biakna maikai” te pen Pasian pan in mihing a, a piang kuamah omlo hi(John.1:1,14). Ih biak Pasian pen Pasian pan in mihing a hongpiang a hih manin ih mawh nate hong sawp siang thei hi. Jesu pen Pasian a hih manin ih mawhna te hong sawp siang thei a hihi. Jesu pen mihing ahih manin singlam teh tungah hong si thei a hihi. Gupkhiatna pen Jesu Khazih up na hang bek tawh a ki ngah a hihi! “Leitung vantungah eite hong hon khia zo ding Jesu min lo gal min dang a om kei hi” (Sawltak. 4:12).

Hih teng a ki gelh thu te na simna hangin Khazih up ding khentatna na nei kha hiam? Na neih leh hih a nuai a aki gelh, “Tu ni in Khazih ka sang khin ta hi” cih lai ngual met in.


Lai mai kipat na ah ki leh kik in

Vangtung gam tun theihna dingin Jesu bek lampi ahi hiam?