Gupna lampi ih cih in bang ahi hiam?




Dotna: "Gupna lampi ih cih in bang ahi hiam?"

Dawnna:
Nagil a kial hiam? Pumpi gilkial na hi lo in na nuntak na sungah na khat peuhpeuh lunggulh na na nei hiam? Na lungsim sungah lungkim thei hetloh na na neih khak a om hiam? Na neih khak zenzen leh Jesu pen lampi ahihi. Jesu in, “Keimah in nuntakna khomun ka hihi. Kei kiangah hongpai mite a gil a kial ngei kei ding hi. Kei hong um mite zong a dang ataak ngei kei ding hi” a ci hi. (John. 6:35).

Na buai kha hiam? Na nunna sungah lampi hoih ahih kei leh giimna amu zo lo bangin na om ngei hiam? Mikhat in meivaksuk mit in avak kik thei lo bangin na nunna ah aom kha ngei hiam? A om leh Jesu pen lampi a hi hi. Jesu in, “Kei mah in leitung khua vak ka hihi. Ka nung hong zui te in khuazingna sungah a pai kha ngei kei ding hi. Nuntakna khua vak a ngah ding uh hi” a ci hi (John.8:12).

Na mai lam a bing kha ngei hiam? Paikhiatna ding lampi na zong hi na pi in, na han ciam na teng phat tuamna om lo in a mawk in na hun a bei thei zel hiam? A kicing nuntakna na neih theihna dingin lampi hoih na zong ngei hiam? Na zon leh Jesu pen lampi a hihi. Jesu in, “Kei mah in kong vang ka hihi. Kei tung tawn in a lutte in hotkhiatna a ngah ding uh hi. Amah pen a ut bangin tumzel lut zel ding a hih manin mun nuam a mu ding hi” a ci hi (John.10:9).

Midang te in nanuntak na hong niam sak tawntung thei hiam? Na ki zopna pen a mawk na ahi thei zel hiam? Midang te in hong simmawh bawl tawh a ki bang thei zel hiam? Tua bang ahih leh Jesu pen lampi a hihi. Jesu in, “Kei mah in migi tuucing ka hihi. Tucing hoih in a tuu te adingin a nuntakna a pia hi…Kei mah in migi tuu cing ka hihi. Kei mah in ka tuu te ka thei a, amau te in zong kei mah hong thei hi” a ci hi (John.10:11, 14).

Sih khit ciangin bang piang ding cih na thei kha hiam? A khiatna nei lo pi in na nuntakna sungah hanciamna na nei thei hiam? Nuntakna in man nei lo hi ci in na ngaih sun kha ngei hiam? Na sih khit ciangin tawntung nuntakna nangah nuam hiam? Tua hi leh Jesu in lampi ahihi. Jesu in, “Keimah in nuntak kikna leh nuntak na ka hihi. Kei hong um mi khempeuh te a sih hangin a hing kik ding uh hi” a ci hi (John.11:25-26).

Lampi in bang ahi hiam? Thuman thutak in bang a hi hiam? Jesu in, “Kei mah in lampi leh thuman thu tak ka hi a, nuntakna zong ka hihi. Kei hong suang lo in kua mah in pakiangah a tung thei ngei kei ding hi” a ci hi (John.14:6).

Na thuak gilkial na in khalam gilkialna a hihi. Jesu bek in hong dip thei ding hi. Khuamial thukpi a hem khia thei pa pen Jesu bek a hihi. Jesu in a kicing nuntak na ih ngah theih na ding lampi ahihi. Jesu pen na zonzon lawm hoih leh tuu cing hoih a hihi. Hih leitungah na nuntak sung adding ahi zong, na sihkhit ciang a ding ahi zong in Jesu pen lampi a hihi. Jesu pen hotkhiat na ngah theih na ding lampi ahihi.

Kha lam ah na gilkial denna, khuamial thuk pi sungah na gamman den na, nuntakna ih akhiatna na muh theih loh na, ahang pen Pasian tawh na ki khen hang ahihi. Eite pen mawh nei ih hih lam Laisiangtho in hong ngen hi. Tua ahih manin Pasian tawh ih ki gamla hi (Thuhilhna.7:20; Rom. 3:23). Na lungtang a hawm bang a, a om na pen na nuntakna sungah Pasian a om loh man ahihi. Pasian in eite a mah tawh ki pawl den dingin hong bawl ahihi. Mawhna hangin Pasian tawh ih ki gamla a, amah tawh ih ki pawl thei nawn kei hi. Ih mawhna, ih khialhna te hangin hih leitungah ih nuntak hun sung leh ih sih nung a nuntakna ah Pasian tawh a tawntung in ih ki gamla hi (Rom.6:23 ; John.3:36 ).

Pasiantawh bangci in ki nai kik thei ding ih hi hiam? Jesu in lampi ahihi. Jesu in ih mawhna teng hong lak khiat sak khin zo hi (2Cor.5:21). Jesu in eite tangin sih na hong thuak hi (Rom.5:8). Ih thuak ding thukhen na khempeuh aman hong lak sak khin zo hi. Ni thum khit ciangin sihna zo in hong thoto kik hi. Mawhna leh sihna zo ahih na hong lak hi ( Rom.6:4-5). Amah in bang hangin hih nate sem zenzen a hi hiam? Hih dotna pen Jesu in amah leh amah aki dawng kik hi. “Lawmte a ding sih ngam na sang a alian zaw itna om lo hi” ( John.15:13). Eite in nuntakna ih ngah theihna dingin Jesu hong si a hihi. Jesu upna leh amah pen ka mawhna hangin sihna hongthuak hi ci in ih up nak leh ih mawhna te hong mai sak in, hong sawp siang sak ding hi. Tua khit ciangin khalam ah ih gilkial na teng hong veng pah ding hi. Khuavak hong tang ding hi. A ki cing nuntakna ih nei thei ding hi. A hoih penpen lawm leh tuu cing hoih pen eite in ih theithei ding hi. Eite in sihkhit ciang a nuntakna a ngah a hihna ih thei ding a, vantungah Jesu tawh in atawn tung in ih mangkhawm ding hi.

“Pasian in leitung mi khempeuh hong it mahmah a hih manin ama tapa a ummi khempeuh ki sia lo a nuntak tawntung na a ngah theih na dingin Pasian in atapa khat bek neih sun a hongpiak dong in leitung mite hongit hi” (John. 3:16).

Hih teng a ki gelh thu te na simna hangin Khazih up ding khentatna na nei kha hiam? Na neih leh hih a nuai a aki gelh, “Tu ni in Khazih ka sang khin ta hi” cih lai ngual met in.


Lai mai kipat na ah ki leh kik in

Gupna lampi ih cih in bang ahi hiam?