Tu-in Jesu um zo kahi manin bang seam tukhi ziam?




Tu-in Jesu um zo kahi manin bang seam tukhi ziam?

Hong lungdampui ing! Nangin nuntak kikhealna khentatna a nei zo nahi hi. “Tu-in bang seam tukhi ziam? Keima in Pathian taw in koibangin tonkhawm tukhi ziam?” ci-in na dong thei tha tu hi. Lai Thiangtho sunga, a om hi a nuai-a thu ngate-in lam hong lak tu hi. Pathian taw na tonkhopna sungah doknop na nei le www.GotQuestions.org/Chin/Siyin na en in.

1. Gupna thu he nahi hunlam kihe in.

Johang Masa. 5:13 na sungah, “ Hi thute note kungah kong son hi. Pathian Tapa a um mi theampote-in tawntung nuntakna nga ahina aki he tu uh hi” ci hi. Ngupna thu ih heak tu Pathian in hong dei hi. Eite sia tatsa ihih hunlam ih kitel tu Pathian in hong dei hi. Gupkhiatna nga thei natu lampi tawm kikum tawng.

a. Eite in maw neite ih hi hi. Ih sepna theampote hangin Pathian lungtang na hi (Romte. 3:23).

b. Ih mawnate hangin eite in Pathian taw tawntung kikhenna ahi, thukhenna a thuak tute ihi hi (Romte. 6:23).

c. Ih mawna thaman hong loh sak tuin Jesu sia Thinglamte tungah hong thi hi (Romte.5:8, 2Corin. 5:21). Jesu in eite tangin thina hong thuak a, ih thuak tu thukhenna theampo hong lak sak siat hi. Jesu ii thawkikna in ama in thina in ih mawna hong silthiang ahih hunlam hong he sak hi.

d. Jesu um a a sangte, ama sia kei tangin thi hi, ci-in a umte tungah Pathian in mawmaisakna le ngupkhiatna a pia hi. (John 3:16; Romte. 5:1; Romte.8:1).

Hi thu in ngupkhiatna nga thei natu a, aki son thu ahi hi. Jesu Christ sia ngumpa le Topa-a na san le tatkhiatna a nga nahi hi. Na mawna theampote hong kimaisakin Pathian in nang hong mangngilh ngawl a, zong hongnusia ngei bua tu hi (Romte. 8:38-39; Matt .28:20). Jesu Christ sungah na nga ngupna in bit/muanhuai ahi lam he in (John 10:28-29). Jesu bek ngumpa in sang-a umte vantungah Pathian taw a tawntungin a mangkhawm tu ahi hi!

2. Lai Thiangtho a hil pawlpi zong in.

Pawlpi ih ci in a kilam biakinn hi ci-in ngaisun tha heak in. Pawlpi ih ci in mihingte ahi hi. Jesu Christ sungah thu-um mite pum khat suak a, biakpiakna a neikhopna sia a thupi bel a hi hi. Hi sia Pawlpi ii a deina bulpi zong ahi hi. Tu-in nang sia Jesu Christ ngumpa in sang zo na hi manin na kiim na paam-a om Lai Thiangtho taw a kituak pawlpi zong in a, pawlpi keam siapa kungah tum khuan ngen in. Pawlpi keam siapa kungah Jesu Christ ngumpa in na san lam he sak in.

Pawlpi hina ii a nina deina bulpi in Lai Thiangtho hil tug ahi hi. Na nuntakna tuin Pathian hong hil thute na zatto theina tuin na sin tu kisam hi. Tapidaw nuntakna sungah ngual zawna le vangletna na nga thei na tu tawtang in Lai Thiangtho tel na ahi hi. 2Tim. 3:16-17 na sungah, “ Lai Thiangtho kammal theampote in Pathian humop ahi manin , thuhilna, mawna pulakna, kipua phatna le thuman thutak sinna ah akizang ahi hi. Lai Thiangtho kammal bek taw in Pathian mi-in na hoi a seam tuin akipuapha thei bek ahi hi”.

Pawlpi ii a thumna a deina in biakpiakna ahi hi. Biakpiakna ih cih in Pathian ii hong sep sak nate hangin ama tungah lungdamkona ahi hi. Pathian in eite hong hunkhia hi. Pathian in eite hong it hi. Pathian in ih kisap nate hong sik hi. Pathian in lam honghilin hong lampui hi. Tua hong sepsak nate hangin lungdam ngawlin om thei thong tu hiziam? Pathian sia thiangtho hi. Itna taw kidim hi. Hesuakna nei hi. Lainatnataw kidim hi. Thupulakna 4:11 na sungah, “ Aw vanglian Pathian,nangma in na theampo na vawt siat zo hi. Aki piangsak nate in nang dei bang hi a, nangma vawt ahi hi. Tua ahi manin nangma in polna le patawina piak tuin na kilawm hi a cih zawk ciangin biakna tau nuai ah a lukhu te a koi uh hi,”ci hi.

3. Pasian taw kihona hun la zel in.

Nisim a Pathian taw kiho theina tuin hunlakna sia thupi mama hi. Mipawl khatte in “ngamthim hun” na ci uh hi. Pawl khatte lele in, “biakpiak hun” ci uh hi. Bang hang ziam ci le hi hun sia Pathian taw kiho hun ahiman ahi hi. Mipawl khatte in hi Pathian taw kiho hun sia zingsang lamin zang uh a, pawl khatte lele in nitak lamin zang uh hi. Hi Pathian taw kiho hun sian na uk babangin kisam thei a, zong na uk hun ma-in na nei thei hi. A thupi bel Pathian taw hun na lak zel tu ahi hi. Pathian taw koibangin hun hong lasak thei ziam?

(a) Thungetna. Thungetna ih ci sia Pathian taw kihona ahi hi. I dei i sapna le i haksatna teng Pathian tungah apna ahi hi. Thalam pilna le ama panpuina ih nga thei na tuin Pathian tungah hu ngetna ahi hi. Ih kisapnate aman hongsikna tuin Pathian tungah apna zong ahi hi. Pathian tungah na itna za le ama vawtsa nate pha hi, ci a ama tung ah ih sonna zong ahi hi. Hi bang dan-a sepna in thungetna ahi hi.

(b) Lai Thiangtho simna. Biakinn ah ahizong, Sunday School ah ahizong, Lai Thiangtho kihil nate ah ahizong, Lai Thiangtho kihil nate na ngai zawk ciangin nang le nang in Lai Thiangtho na sim tu ahi hi. Ngalzo Tapidaw nuntakna taw na kalsuan theina tu akisam thu theampote Lai Thiangtho sungah om hi. Pilvang tak-a khentatna ih nei thei natu ahizong, Pathian deina ih heak thei natu ahizong, midangte tungah Pathian na ih sep dan tu ahizong, Tha lamah ih khanto thei natu ahizongin Lai Thiangtho sungah om hi. Lai Thiangtho sia eite atu Pathian kammal ahi hi. Pathian ih lungkimsak thei natu le ih sepnate hangin a lungdam theh natu in ih nuntakzia tu taw kisai Pathian hong lamlana in Lai thiangtho ahi hi.

4. Na tha khantona tuin hong hu thei tute taw kithua in.

Corinte Masa. 15:33 na sungah, “ Kilampui khial sak heak in. Mi Pha ngawlte taw na ki thua le na ngamtatna phateng lalcip tu hi” ci hi. Lai Thiangtho sungah “miphanawlte” na siatak-a ih kidop tu hong son hi. Tua mi phangawlte taw kithuakhopna in amate na sep pha ngawl te hangin ei zong mawna kivawt tha thei hi. Ih kiim ih paam-a mipha ngawlte hangin ih nuntakna “lal cip” thei lai hi. Tua ahi manin Pathian a it a, ama tungah a ki-apte taw ih ki pawlkhop tu thupi mama hi.

Na omna pawlpi ah nang hong hu zo tu le tha hong pia zo tu mi khat le ni bang na zongin (Hebrewte.3:13; 10:24). Ngamthim hun na lakna ahizong, na nasepnate ahizong, Pathian taw na nuntak nate in na lawmte in hong heakpuina tuin son in. Amate zong tabangdan ma in a nuntak theina tuin hansua in. Jesu sia ngumpa leh Topa in a sang nai ngawl na lawmte taw kithua nawn heak in ci na ahi bua hi. Amatte zong lawm vawtin na, it in. Jesu in na nun takna hong kheal ahi hunlam amate hesak in na, a bosa hun-a na zat ngeite tu-in zang thei nawn ngawl nahi hunlam amate hesak in. Jesu thu amate taw kikup thei natu hun na nga na tu Pathian kungah thu ngen in.

5. Tuiphum in.

Mi tampi takte in tuiphumna tah kisai-in san khialna tampitak nei uh hi. “Baptize” ii a khiakna in, tui sungah kiphumsuk aci nopna ahi hi. Tuiphumna sia Christ ngumpa-a sang na hina le ama nungzui tuin khentat nahina mipite maiah lana ahi hi. Tui sungah kiphumsuk na in Christ taw kivuikhawm a ci nopna ahi hi. Tuisung pan thawto kikna in Christ ii thaw kikna a son nopna ahi hi. Kituiphumna in Jesu ii thina, kivuina, le a thawkikna pulak nopna ahi hi.

Ahi zongin kituiphumna taw ngupna kinga ngawl hi. Kituiphumna hangin zong na mawh nate hong silthiang ngawl tu hi. Kituiphumna in thumanna lana ahi hi. Christ hang bekin ngupna nga ing ci-a mipite mai-ah lana ahi hi. Kituiphumna in thupi mama hi . Banghang ziam ci le hisia in thumanna ii kal masa ahi hi. Christ um ing ci-a lana zong hi a, ama tungah ih ki-apna zong ahi hi. Nang sia tuiphumna la tuin kinging sa-in na om le pawlpi keam sia khat papo tungah tuiphum nuam ing, ci-a na son tu ahi hi.


Laimai kipatna ah kilekik in

Tu-in Jesu um zo kahi manin bang seam tukhi ziam?