Thathu taw kisai thukhun nam Lite in bang teng ziam?




Dokna: "Thathu taw kisai thukhun nam Lite in bang teng ziam?"

Zokikna:
Thathu taw kisai thukhun nam lite in Jesu Khris upna hangin akinga ngupkhiatna thu manpha lungdamna thu tangko thei natu lampi ahi hi. Hi lungdamna thu sia hoitak ih tangko theina tuin a ol mama thu nam Lite a son nopna ahi hi.

Amasa phit belin thathu taw kisai thukhun in, “Pathian in nang hong it a, nang a tuin a lamdang vai hong hawm sak hi” John. 3:16 na sungah, “ Pathian in leitung mite hong it mama ahi manin ama tapa a um mi theampo kisia ngawl a, tawntung nuntakna anga theina tuin Pathian in a tapa khat bek neisun hong piak dongin leitung mite a hong it hi” ci hi. John.10:10 na sungah, “Amate nuntakna kicing a nei thei natu hong pai kahi hi” ci hi. Pathian itna ih ngah thei ngawlna tuin bangin hong khak bel ziam? A kicing nuntakna ih neih theina tuin bang in hong khak thong ziam?

Aniina thathu taw kisai thukhun in, “ Leitung mihingte in maw nei ahi manin Pathian taw kikhuala hi. Tua ahi manin Pathian in eite a tuin hong ngeal sak nate ih he bua hi.” Romte.3:23 na sungah “Mi theampo maw uh ahi manin hong hun khia Pathian taw kikhuala hi” ci-in son hi. Romte. 6:23 na sungah mawna thaman ih mu thei hi. “Banghangziam ci le mawna thaman hong piak sia thina ahi hi” ci hi. Pathian in ama taw a omkhawm top tuin eite hong vawt ahi hi. Ahi hangin mihing te in mawna vawt ahi manin Pathian taw kipawl thei nawn ngawlin hong kikhuala uh hi. Pathian ngealsa nate sia ei leitung mite in ih kisiasak hi. Bangbang danin pua kik thei tu hi ziam?

Athumna thathu taw kisai thukhun in, “ Jesu Khris sia ih mawna hangin a thi tuin Pathian sesa ahi hi. Jesu Khris hangin ih mawnate hong kimaisak a, Pathian taw amaan kizopna ih nei thei hi.” Romte.5:8 na sungah, “ Pathian in eite a hongit na hibangin hong lak hi. Eite mawnei ih hi laitakin Khris in eite tangin thina hong thuak hi.” 1Corinte. 15:3-4 na sungah ngupna ih nga theina tuin Khris ih heak tu le ih up tu kisam hi, “… Lai Thiangtho hong sonna bangin Khris in eite tangin hong thi hi. Ama sia k vui-in Lai Thiantho hong son bangin nithum zawk ciangin hong tho to kik hi…” John.14:6 na sungah ngupkhiatna ih nga theina tuin Jesu bek lampi ahina Jesu in amah le ama hong kison hi. “Keima in lampi ka hihi. Thuman le nuntakna zong ka hihi. Kei hong suang ngawlin kuama in Pa kungah a theng batu hi.” Pathian hong piakthong a lamdang ngupkhiatna bangbangin nga thei tu hi ziam?

Alina thathu taw kisai thukhun in, “ eite in ngupkhiatna ih nga thei natu le ih nun takna sungah Pathian hong ngeal sak nate ih heak theina tuin Jesu Khris sia ngumpa le Topa in ih san tu ahi hi.” John. 1:12 na sungah, “ Ama a umte le ama min a um theampote tungah Pathian ta suana za Pathian in a pia hi” ci hi. Sawltak.16:31 na sungah, “Topa Jesu na up le tatkhiatna na nga tu hi!” ci hi. Jesu Khris upna le Pathian hong hesuakna hang bek tawin ngupkhiatna ih nga hi” (Eph. 2:8-9).

Jesu Khris sia na Ngumpa le na Topa in na sang nuam le hibangin thu na ngen thei hi. Ahi zongin hi thungetna taw tatkhiatna na nga batu hi. Khris deina bangin ngamta lete ngupna na nga tu hi. Hi thungetna in Pathian um na hihun lam ama tungah sonn na hi-a, ama hong piak tatkhiatna hangin ama tungah lungdam kona zong ahi hi. “Topa awng, keima in nang hong langdo ka himanin thukhenna a thuak tu ka hihi. Ahizongin Jesu Khris in ka thuak tu thukhennateng hong lak sak siat zo hi. Ama ka upna hangin mawmaisakna a nga tu ka hihi. Ngupkhiatna ka nga na tuin ama ka muang hi. Alamdang nong hesuakna le mawmaina – tawntung nuntakna letsong hangin lungdam kong ko hi!Amen!’’

Hiteng aki-at thute na simna hangin Christ up tu khentatna na nei tha ziam? Na nei le hi a nuai-a akiat, “Tu ni-in Christ saang zo ing” ci lai ngual meek in.


Laimai kipatna ah kilekik in

Thathu taw kisai thukhun nam Lite in bang teng ziam?