Niivei suakikna a nga Tapidaw ih ci ii akhiatna in bang ziam?




Dokna: "Niivei suakikna a nga Tapidaw ih ci ii akhiatna in bang ziam?"

Zokikna:
Niivei suakikna a nga Tapidaw ih ci ii a khiatna in bang ziam? Hi dokna taw kisai-in zokikna hong pia Lai Thiangtho in John. 3:1-21 ahi hi. Topa Jesu le Nicodemus hong kipaupui uh hi. Nicodemus sia Pharisee mipawl hi a, Sanhedrin ah member khat zong ahi hi. Jews minamte a ukpa zong ahi hi. Ama sia nitak khuazin zawk ciangin Jesu kungah hong pai hi. Nicodemus in Jesu kungah dokna pawlkhat hong dong hi.

Jesu in Nicodemus kungah hibangin son hi. “ ‘ Mikhat po in niivei suakikna a nga bua ahile Pathian ngam mu tha ngawl tu hi’. Tua ciangin Nicodemus in, ‘mikhat in a liat zawk ciangin a nu sungpan bangbangin suak kik thei thong tu ziam?’ ci in zo hi. ‘Mikhat in a nu sungah tum kikin niivei a suakik thei batu hi’ ci hi. Jesu in, ‘Mikhat po in tui le tha taw a suakik bua ahile Pathian ngam a mu batu hi. Pumpi taw suana in chi le sa suana bek ma hi a, ahi zongin tha taw suana in Tha ahi hi. Kong son thute ahi ‘Niivei na suakkik tu hi’ kong ci hangin buai heak in”, ci kik leleu hi (John. 3:3-7).

“Niivei suakikna” ih ci kammal ii a khiakna in “Thasua kikna” a son nopna ahi hi. Hi tha suakikna sia Nicodemus in kisam tatuan hi. Ama sia thinsung kikhealna ahi, tha kikhealna lianpi kisam hi. Suakikna, niivei suakikna in Pathian na sepna hi a, hi a um mi theampote tungah Pathian in tawntung nuntakna a pia hi (2Cor. 5:17; Titus. 3:5; IPeter. 1:3; IJohn. 2:29; 3:9; 4:7; 5:1-4, 18). John. 1:12, 13 na sungah “Niivei suakikna” in, “ Jesu Khrist min upna taw in “Pathian ta suana” a cina hi, ci zong kimu thei hi.

“Mikhat in banghangin niivei suakikna kisam sese ziam?” ci-a a kidotna in a ngaisuttak mama thu ahi hi. Sawltak Paul in Ephet. 2:1 na sungah, “ Khelhna le mawna sungah asi note sia hong nungtasak kik zo hi” ci hi. Romte.3:23 na sungah Rome khua-a om Roman mite kungah, Paul in hibangin lai thak hi. “Mi theampo maw siat ahi manin a hong hunkhia Pathian taw kikhuala uhi”. Tua ahimanin mikhat in mawmaina a nga theina tu le Pathian taw akizop theina natu-in niivei a sua kik ngawl phamaw hi.

Niivei suakikna bangbang nga theitu hi ziam? Ephet. 2:8-9 sungah, “Pathian hong hesuakna hangin upna taw ngupna kinga hi. Ei hanciamna hang hingawl hi. Pathian hong piakthong letsong ahi hi. Ngamtat phatna hang zong hingawl hi. Tua ahi manin kuama in kisialpui thei ngawl tu uhi” ci hi. Mikhat in “ngupna” a nga zawk ciangin nii vei suakikna a nga hipai-in thasungah a thaksua a hi hi. Aman tatak suakikna hangin Pathian ii ta za a suak ihi hi. Jesu Khris upna muanna, ama sia thinglamte tungah a thi laitakin ka mawnateng hong puak sak siat hi, ci-a upna in tha sungah “niivei suakikna” ahi hi. “Tua ahi manin mi khat po Khris sungah a om le a milui ngeina bo-in mi thak a suak zo ahi hi” (2Cor. 5:17).

Jesu Khris sia na Ngumpa le na Topa in sang ngawl hikasap Tha Thiangtho in na thinsung tawngah hong paupui pai tuin na ngaisun tha ngei ziam? Niivei na suakik kul sese hi. Tuni in hi mawmaisakna thungetna taw thu ngen a, Khris sungah mithak na suak nuam ziam? “Ama asang mi theampote, ama min a um mi theampote Pathian in tapa za suana a pia hi. Chi le sa taw tapa za a suak hingawl a, mihingte ii khentatna taw zong hingawl hi. Pasal khat ii utna hang zong hi ngawlhi. Ahi zongin Pathian deina hang bek hizaw hi” (John. 1:12-13).

Jesu sia ngumpa le Topa-in na san nop a, niivei suakikna na nga nuam le hibangin thu na ngen thei hi. Hi thungetna hang ahizong, a dang thungetna hang ahi zongin ngupna na nga batu hi. Khris upna hang bekin mawna kol sungpan hong hun zo bek tu hi. Hi thungetna in Pathian um nahi hunlam ama tungah sonna hi a, ama hong ngealsak ngupkhiatna hangin ama tungah lungdamkona zong ahi hi. “Topa awng, keima in nang kong langdo ka himanin thukhenna a thuak tu ka hihi. Ahi zongin Jesu Khris in ka thuak tu thukhennateng hong lak saksiat zo hi. Ama ka upna hangin mawmaisakna anga tu ka hihi. Ngupkhiatna ka nga na tuin ama ka muang hi. Alamdang nong hesuakna le mawmaina – tawntung nuntakna letsong hangin lungdam kong ko hi! Amen!’’

Hiteng aki-at thute na simna hangin Christ up tu khentatna na nei tha ziam? Na nei le hi a nuai-a akiat, “Tu ni-in Christ saang zo ing” ci lai ngual meek in.


Laimai kipatna ah kilekik in

Niivei suakikna a nga Tapidaw ih ci ii akhiatna in bang ziam?