Ngupna lampi ih ci in bang hithong hiam?




Dokna: "Ngupna lampi ih ci in bang hithong hiam?"

Zokikna:
Na ngil a kial ziam? Pumpi ngilkialna hi ngawlin na nuntakna sungah na khat papo lungngulna na nei ziam? Na thin sungah thincin thei ngawl hetna na nei thak a om ziam? Na nei thak zezen le Jesu sia lampi ahi hi. Jesu in, “Keima in nuntakna khomun ka hihi. Ka kungah hongpai mite a ngil a kial ngei batu hi. Kei hong um mite zong a dang ako ngei batu hi” a ci hi. (John. 6:35).

Na buai tha ziam? Na nunna sungah lampi hoi ahiba le ngiimna a mu zo ngawl bangin na om ngei le? Mikhat in meivak sumitin a vak kik thei ngawl bangin na nunna ah a om tha ngei ziam? A om tha zezenle Jesu sia lampi ahi hi. Jesu in, “Kei ma in leitung khua vak ka hihi. Ka nung hong zuite in khuazingna sungah a pai tha ngei batu hi. Nuntakna khuavak a nga tu uh hi” ci hi (John.8:12).

Na maisang a bing tha ngei le? Pusuanatu lampi a zong hi kasap, na hanciamna teng phattuamna om ngawlin a lui thathonginin na hun a bo thei bul ziam? A kicing nuntakna na nei theina tuin lampi pha na zong ngei ziam? Na zon le Jesu in lampi ahi hi. Jesu in, “Keima in kongvang ka hihi. Kei tung tawnin a tumte in tattkhiatna a nga tu uh hi. Ama sia a ut bangin tumzel tu ahi manin mun nuam a mu tu hi” ci hi (John.10:9).

Midangte in na nuntakna hong niam sak tawntung thei le? Na kizopna sia a lui thathong ahi thei bul ziam? Midangte in hong zawngsak taw a kibang thei zel ziam? Tua bang ahi le Jesu in lampi ahi hi. Jesu in, “Keima in midik tuucing ka hihi. Tuucing pha in a tuute atuin a nuntakna a pia hi…Keima in midik tuucing ka hihi. Keima in ka tuute ka he a, amate in zong keima hong he hi” ci hi (John.10:11, 14).

Thi zawk ciangin bang piang tu cisia na he tha ziam? Akhiatna nei ngawlpi-in na nuntakna sungah hanciamna na nei thei ziam? Nuntakna in man nei ngawl hi, ci in na ngaisun tha ngei le? Na thi zawk ciangin tawntung nuntakna nanga nuam ziam? Tua hi le Jesu in lampi ahi hi. Jesu in, “Keima in nuntak kikna le nuntakna ka hihi. Kei hong ummi theampote a thi hangin ahing kik tu uh hi” ci hi (John.11:25-26).

Lampi in bang ziam? Thuman thutak in bang ziam? Jesu in, “Keima in lampi le thuman thutak ka hi a, nuntakna zong ka hihi. Kei hong suang ngawlin kuama in Pa kungah a theng thei ngei batu hi” ci hi (John.14:6).

Na thuak ngilkialna in thathu taw kisai ngilkialna ahi hi. Jesu bek in hong dip thei tu hi. Khuamial thukpi a hemkhek theipa in Jesu bek ahi hi. Jesu in a kicing nuntak na ih nga thei natu lampi ahi hi. Jesu in na zawzon lawm pha le tuucing pha ahi hi. Hi leitungah na nuntak sung atu ahi zong, na thi zawk ciang a tu ahizong, Jesu sia lampi ahi hi. Jesu pen tatkhiatna nga theih na ding lampi ahi hi.

Kha lamsangah na ngilkial topna, khuamial thukpi sungah na gamman tawntung na, nuntakna ih akhiatna na mu thei ngawl na, ahang in Pathian taw na kikhen hang ahi hi. Eite sia maw nei ih hi hunlam Lai Thiangtho in hong son hi. Tua ahi manin Pathian taw ih kikhuala hi (Thuhilhna.7:20; Romte. 3:23). Na lthin sung a hawm bang a, a omna in na nuntakna sungah Pathian a om ngawl man ahi hi. Pathian in eite ama taw kipawl top tuin hong vawt ahi hi. Mawna hangin Pathian taw ih kikhuala a, ama taw ih kipawl thei nawn bua hi. Ih mawna, ih khialnate hangin hi leitungah ih nuntak hun sung le ih thi nunga nuntakna ah Pathian taw a tawntungin ih kikhuala hi (Romte.6:23 ; John.3:36 ).

Pathian taw bangbangin kinai kik thei tu hi ziam? Jesu in lampi ahi hi. Jesu in ih mawnateng hong lak sak siat zo hi (2Corinte.5:21). Jesu in eite tangin thina hong thuak hi (Romte.5:8). Ih thuak tu thukhenna theampo aman hong lak sak siat zo hi. Ni thum zawk ciangin thina zo in hong thoto kik hi. Mawna le thina zo ahina hong lak hi ( Romte.6:4-5). Ama in bang hangin hi nate seam zezen ziam? Hi dokna sia Jesu in ama le ama akidawng kik hi. “Lawmte atu thingamna sanga a lian zaw itna om ngawl hi” ( John.15:13). Eite in nuntakna ih nga theina tuin Jesu hong thi ahi hi. Jesu upna le ama in ka mawna hangin thina hong thuak hi, ci-in ih up nak le ih mawnate hong maisak in, hong silthiang sak tu hi. Tua zawk ciangin thathu ah ih ngilkialna teng hong bopai paih hi. Khuavak hong tang tu hi. A kicing nuntakna ih nei thei tu hi. A pha bel lawm le tuucing pha bel eite in ih he thei tu hi. Eite in thi zawk ciang-a nuntakna a nga ih hina ih thei tu a, vantungah Jesu taw a tawntungin ih mangkhawm tu hi.

“Pathian in leitung mi theampo hong it mama ahi manin ama tapa a um mi theampo kisia ngawl-a nuntak tawntungna a nga thei na tuin Pathian in a tapa khat bek neisun a hong piak dongin leitung mite hong it hi” (John. 3:16).

Hiteng aki-at thute na simna hangin Christ up tu khentatna na nei tha ziam? Na nei le hi a nuai-a akiat, “Tu ni-in Christ saang zo ing” ci lai ngual meek in.


Laimai kipatna ah kilekik in

Ngupna lampi ih ci in bang hithong hiam?