Vangtung ngam thet thei natu Jesu bek lampi ahi ziam?




Dokna: "Vangtung ngam thet thei natu Jesu bek lampi ahi ziam?"

Zokikna:
“Keima in mi pha ka hihi. Tua ahimanin vantungngam ka theng tu hi.” “Keima in a pha ngawl na pawlkhat ka sep hangin na pha ka sep tam zaw ahi manin vantungngam ka nga tu hi.” “ Lai Thiangtho taw kizui-a ka nuntak ngawl hangin Pathian in kei sia hell meilipi sungah hong koi ngawl tu hi. Hun kikheal zo ta hi!” “Patang a thatte le mithatte bek Hell meili sungah theng tu hi.”

Hibang-a ngaisutna sia mikiim in ngaisun thei tha tu hi. Ahi zongin thuman thutak in hibangin hong son ngawl ahimanin amate mitheamte ahi uh hi. Mitheampa Satan in ih thuak sungah hibang-a apha ngawl ngaisutnate hong koi sak ahi hi. Satan le ama a zuite sia Pathian ngal ahi uh hi (1Peter. 5:8). Satan sia mitheampa hi in, ama le ama mi pha bangin kinei thei hi (2 Corinte. 11:14). Tua ahimanin Pathian taw a kizom ngawl theampote ii thingsung aman uk hi. “Hi leitung a ukpa in thu um ngawlte thinsung mit a taw sak hi. Tua ahimanin amate in Pathian lim a hi, Khris ih vangletna Lungdamna khuavak muthei ngawl uh hi” (2Corinte. 4:4).

Pathian in mawna neu pawlkhat don ngawl hi, ahibale, Hell sia “Mipha ngawlte a tu bek hi” ci-a upna in leilotna ahi hi. Mawhna theampo hangin Pathian taw ih ki khen hi. “Mi ih theamna zong mawna ma ahi hi.’’ Mi theampo maw siat uh a, amau hanciamna taw vantung ngam nga zaw natu phatna khat zong a nei bua hi (Romte. 3:23). Napha na sepna in siatna na sepna sangin tam zaw ahimanin vantung ngam taw na kikhuala hi. Hi na pha ih sepna sungah Pathian hong om bathong le a lui thathong hi lel hi. “ Hesuakna hang hile sepna a kisam nawn bua hi. Sepna hang hile hesuakna kisam ngawl hi” (Romte. 11:6). Eite in vantungngam ih nga zawk na tuin na pha ih seam zo bua hi (Titus. 3:5).

“Kongkawcik lampi ah tum un. Lamzinpi kongvang sia gol in zai ahimanin a zuite kisia hi. Laizinpi a zui mi tam hi” (Mate. 7:13). Mikhat in mawna taw nungta-in Pathian upna anei bua le Pathian in a mawna a maisak batu hi. “Note in nidangin leitung nate zui-in hi leitung a ukpa deina bangin na gamta uh a, Pathian thu ni nuam ngawlin mawna nam kim na vawt uh hangin Pathian in note hong nungta sak kik zo hi” (Ephet. 2:1-2).

Pathian in hi leitung sia a kicing tu le a pha tuin a vawt ahi hi. Tua zawk ciangin Pathian in Adam le Eve vawt a, amate uuk bangin a gamtat thei natu-in suatakna pia hi. Tua ahimanin amate in Pathian deina zui thei-a, zong nial thei hi. Ahizongin Satan ii ze-etna hangin amate in Pathian thu hong nial uh a, mawna hong vawt uh hi. Adam sung pan a piang mi peuma Pathian taw kipawl thei nawn ngawl uh hi. Eite sia maw nei ihhih manin eima hanciam thu taw in Pathian taw ih kipawl thei nawn bua hi. Tua ahimanin Pathian in ama taw vantungah ih kipawlkik thei natu lampi hong hon sak hi. “Pathian in leitung mi theampo hong it mama ahimanin ama tapa a um mi theampo kisia ngawl a, nuntak tawntungna a nga thei na tuin Pathian in a tapa khat bek neisun a hong piak dongin leitung mite hong it hi” (John. 3:16). “Mawna thaman in hong piak sia thina hi-a, ahizongin ih topa Jesu Khris hangin ih nga letsong in tawntung nuntakna ahi hi.’’ (Romte. 6:23) Jesu ih mawna tanga a thi tuin hong suak ahi hi. Tua ahi manin eite in ih thi kul nawn ngawl hi. Nithum zawk ciangin thina zo-in ama hong tho to kik hi (Romte. 4:25). Thina a zawna hong lakkhia hi. Jesu in Pathian le mite kikalah leii hong daw sak zo hi. Tua ahi manin eite in Jesu ih up nak le Pathian taw kipawltheina ih nga hi.

“Tawntung nuntakna in Pathian khat bek om hi, ci-a upna, hi leitungah hong ki sawl Jesu Khris upna ahi hi” (John.17:3). Mi a tam zaw in Pathian um uh hi. Satan in zong Pathian um hi. Ahizongin ngupna ih nga theina tuin Pathian kungah ih cia tu ahi hi. Ama taw ih kipawlkhop tu ahi hi. Ih mawnateng ih nusiat tu ahi hi. Ama ih zuih tu ahi hi. Ih sepna theampo ah Jesu ih muan tu ahi hi. “Thumaanna sia Pathian kungpan hi a, Jesu Khris a um mi theampote atu ahi hi. Kilamdanna bang ma om ngawl hi” (Romte.3:22). Khris ngawlpo ngupkhiatna nganatu lampi dang om ngawl ahi hunlam Lai Thiangtho in tel takin hong son hi. Jesu in John. 14:6 na sungah hibangin son hi. “Keima in Lampi ka hihi. Thuman le nuntakna zong ka hihi. Kei hong suang ngawlin kuamah in Pa kungah a theng thei batu hi”.

Tawntung nuntakna nga natuin Jesu bek lampi ahi hi. Banghang ziam ci le ih mawna theampo hong puak sak theipa in Jesu bek ahihang ahi hi (Romte. 6:23). Adang biaknate in mawna ii a liatna le mawna hanga ih thuak tu ngimna a son bua hi. Khris ii hong piak ahi mawna maisakna sia a dang biaknate in hong pia thei bua hi. A dang “biakna lampuite” pen Pathian panin mihing a, a piang kuama om ngawl hi(John.1:1,14). Ih biak Pathian sia Pathian panin mihing-a hong piang ahi manin ih mawnate hong sawpsiang thei hi. Jesu sia Pathian ahi manin ih mawna te hong sawpsiang thei ahi hi. Jesu sia mihing ahih manin thinglamte tungah hong thi thei ahi hi. Ngupkhiatna sia Jesu Khris upna hang bek taw akinga ahi hi! “Leitung vantungah eite hong hun zo tu Jesu min ngawl buang min dang a om bua hi” (Sawl. 4:12).

Hiteng aki-at thute na simna hangin Christ up tu khentatna na nei tha ziam? Na nei le hi a nuai-a akiat, “Tu ni-in Christ saang zo ing” ci lai ngual meek in.


Laimai kipatna ah kilekik in

Vangtung ngam thet thei natu Jesu bek lampi ahi ziam?