Pathen ti hi bang koel lea a om?




Ol dawt nah: "Pathen ti hi bang koel lea a om?"

Ol leh nah:
Pathen coeng nah ming ham lah ol pui lah om? Pathen coeng nah hih Bible ca cim dong ah moe a thui. Pathen coeng nah hih ma kah ngai ta koel ah rhaw i, thui hih khoh rih ham lah om. Bang dong ah lea ti a tah ca cim dong ah kai Pathen ka coeng na kong hih thui ka ti ta koel ah Na thui moe nih (Job 42:7). Pathen loh kai phoi lang ka loh a tloe bang ta koep Pathen khoh na bawk ma pah. Bang dong ah lea ti a tah kai hi ni Nang mi kah Pathen lah ka om (Exo 20:3-5).

Pathen om ti ming thai na ham lah “ Ang nah” neh a tueng sak. Kai tah hnil ta kuem nang mi ka hang nah lah ka om (Isai 60:19, Jeim 1:17). Pathen om ti hih ming thai nah ham lah tah a sai hno a soep reap so ah ming thai lah om. (Heb 4:1).

Dik lai thlang rhing hih Pathen kah sai lah om (Gen 1:1, Ps 24:1). Thlang rhing hih ka mah kah mui sam neh tluk uh lah ka sa ni a ti. A sai hno a soeprep khoem beil kung neh a ka so lei kung lah nawl a ka khueh kung lah i, tak ti hi ming cim ham lah a ngoe.

Pathen kah ming a coeng nah Bible dong ah so hawh sih.
Elohim – uk tu Boi, a soeprep a ka sai kung Pathen (Gen 1:1)
Adonai – Pathen neh pawl neang hmai nah (Exo 4:10-13)
El Elyon – A ka sang koek Pathen (Gen 16:13)
El Shaddai – a soeprep a ka sai kung (Gen 17:1)
Yeh weh – Dueng zan a ka om Pathen (Exo 3:13, 14) ti hih i, hmuh thai lah om.

Pathen tah a tong khoh a om moe nih a bawt khoh a om moe nih, dueng zan a ka rhing Pathen lah om (Aam 33:27, Ps 90:2, I Tim 1:17). Pathen tah bawk tlak lah om (MK 3:6, Num 23:19, Ps 102:26-27). Pathen neh a ka lo aa khoh om pah (Ps 7:22, Ps 86:8, Isai 40:25, Mt 5:48). Pathen coeng nah hih thlang rhing loh ming thai lah om pah. (I sai 40:28, Ps 145:3, Rom 11:33-34). Pathen tah thleing vui nah a khueh moe nih (Duet 32:4, Ps 18:30). A soeprep hih a ko ngaih tah koel ah a sak. (Bia 19:6, Jn 32:17-27). I poek zoe nah soeprep kang a ka ming kung lah om (Ps 139:1-85, Pro 5:21). Pathen tah koel ah ka om aa khoh om voel pah A mah dueng hi ni ko ngai na pueng pa a ka soep sak kung lah om (Duet 6:4). Pathen tah tholh ngai thoem kung, lah om tih a ca pa zi su rhang neh roep roi lah i om coeng (Exo 9:27, Mt 45:46, Rom 3:21-26).

Pathen tah a soeprep so ah nawl a ka khueh kung lah a om ta koel ah a sai hno hih pheh thai lah khoh om pah. (Ps 93:1, 95:3, Jer 23:20). Pathen tah a cimmui thla lah a om ta koep lah mik neh hmuh thai moe nih (Jn 1:18, 4:24). Pathen tah thum komh Pathen Pa, ca pa, cim mui thla Pathen lah om (Ps 117:2, Ism 5:29).

Pathen tah a ka dueng cim Pathen ni (Isai 6:3, Heb 1:13, Exo 3:2-5, Heb 12:29). Pathen tah lung nah Pathen (Exo 34:6, Ps 31:19, Ipet 1:3, Jn 3:16, 17:3). Pathen tah thlang rhing loh hmuh thai mueh Pathen lah om, Pathen a coeng nah kong hih Baibul ca dong ah so hawh moe ah na hmuh ni. (Jer 29:13).


Lai mai kipat na ah ki leh kik in

Pathen ti hi bang koel lea a om?