Kri ca ti hi bang ni?




Ol dawt nah: "Kri ca ti hi bang ni?"

Ol leh nah:
Zi su tah Pathen ka ca ti lah a ka tang nah (or) zi su cang pui nah ol a ka ngai tih ka zul vai rhoek ti lah Webster’s Dictionary dong ah hmuh thai lah om. Kri ca ti hi bang ni ti hih ming lam hma ham lah angoe. Pathen a ka tang nah mueh hlang rhoek loh tah kri ca ti hih kri kah ta rhal lah om ti lah nuih cil lah a thui uh.

Kri ca ti hi NT dong ah voi (3) a tueng sak. (Lam 11:26, 26:28, I pet 4:16) ah so hawh. Zi su kri kah lam ceit rhoek hih a om dan, kho sak dan, ol hlo dan a thel dong ah Antioch kho rhoek loh tah zi su hen ka lo uh kri ca rhoek ti lah a khue uh.(Lam 11:26). Zi su a ka tang nah mueh rhoek loh zi su ka tang nah phil tom tuh thei kha nah lo lah kri ca ti lah a khue uh. A thui ngai nah hi tah “ zi su a ka khueh rhoek, zi su kah lam ceit, hnuk vai rhoek ti nah ni, Hi kah a thui ngaih nah hih webster’s Dictionary dong ah a thui ngai nah neh lo uh rhoi.

A can a rau phoi lang kah “ kri ca” ti ol lung hih thui bal voel mue lah zi su hnukvai lam ceit rhoek tu khoh kri ca ti voel mue lah biak nah bel ah a ka thawng rhoek, om tu zia zia a ka thel rhoek ti lah an khue uh bal. zi su a ka tang nah mueh hlang kho lo seh, kri ca rhoek teing ah a pum uh coeng a tah kri ca ti lah moe an khue uh. Ti dea kri ca ti hih mah kah sai thoem na, cuih nah, pum im ah tlueng i, pum thawng dong ah kri ca ti lah khue thai lah om pah. Bang dong ah ti ah tah zi su a ka tang nah hlang rhoek tu ni kri ca ti lah khue thai lah om ti hih ming ham lah a ngoe.

Thlang rhing kah thoem thai nah, to sak thai nah loh Pathen om ngai sak kung lah om pah. (Tit 3:5) dong ah i, hmuh thai. Tu dong ah tlal ca lah i, om hi i, lung vat nah dong neh cim muihla kah long pui hnueh nah rhang neh ni. Kri ca ti hi tah Pathen ol dong ah cul thaw nah ka hmu rhoek (Jn 3:3, 3:7, Ipet 1:23). Zi su kri ka uep na rhoek (Eph 2:8) tu ni. Kham ca tlal ca lah i, om nah hi tah tang nah rhang neh ni hmuh thai lah om ti hih ming ham lah om coeng.

Kri ca ti hi tah zi su kri a ka tang na, vai lam dong ah duek tih tho koep lah om coeng ti lah a ka tang nah tu ni kri ca a ming na. (Jn 1:12) dong ah zi su kri a ka tang nah hlang phil tom tah Pathian ca coeng na nawl a peik ti lah a thui. Kri ca ti hi tah Pathian ca, Pathen im thung khaw, Ro a ka pang kung, Dueng zan ko ngai ta koel ah kho a ka sa hlang tu ni kri ca a ming nah thai lah om ti hi ming val tang sih (I Jn 2:4, 2:10).

Hi ca nate thawng neh oltloek nah na khueh coeng aa? Na khueh ah tah “Zisu kri ka tang nah coeng ti” dong ah “click”.


Lai mai kipat na ah ki leh kik in

Kri ca ti hi bang ni?