Bible hih Pathen ol tak poek aa?




Ol dawt nah: "Bible hih Pathen ol tak poek aa?"

Ol leh nah:
Bible hih koel ni na poek? Bible hih bang a san thai nah a om moe nih thlang rhing loh a sai hno mai ni ti lah poek boeh. Bible hih thlang rhing kah coeng na a ka ming cim sak kung lah om tih Bible ca hih te ham lah, zulh vai ham, tang na ham lah ni. Bible hi bang lah na sung rel pa tah Pathen bang lah na sung mueh neh lo uh.

Pathian kah lung nah thlang rhing loh i zak ming cim thai na ham lah Bible ca ca dong ah a tueng sak lah om. Bible dong ah Pathen loh thlang hing hih bang koel ni i sak, Pathen neh roeprhoi lah i, om thai nah ti hih cim ca lah hmuh thai na ham ni. Tu dong ah Bible ca hih Pathen kah ol lah a om ta koep lah oeng ca rhoek ngol dan, paid an, rhing dan long pui a ka hnueh kung ni.

Bible hi Pathin ol lah om tih ca uk ma lai naw neh a loh uh rhoi moe nih ti hih ming thai nah, val dong ceih nah long pui a ka hmuh cim, sak lah om ti hih ming ham lah a ngoe. Timo te teing ah pawl loh hi tah koel ah ca a pat pah. Bible hih Pathen loh thla chuah a peak lah a om tah koep lah a thei a thel ming cim sak kung lah om (2 Tim 3:16-17).

Bible hih a ka teal kung thlang (40) loh a teal tih kum 1500c thung ah a teal uh. A ka teal kung hih a om nah khoh lo uh thea pah dea a kam hlah nah neh a poek zoe nah phil tom kang lo uh thea. A ka teal kung rhoek hih khoh thlang rhing kah a poek sawm a cuih na neh a teal ol moe nih thlang rhing tehing ah a thui ham a phong ngai nah soeprep a ka thut kung mai ham lah mi a hmang mai.

Bible dong ah profet hmui lai ka hmang neh khoh Pathen loh a thui ham a ngoe hno soeprep phong sak lah a hmang bal ti hih ming ham a ngoe. Profet rhoek hmui lai hmang tih a phmg ol phil tom hih tu tue kah ham lah khoh lo, seh, hmai bel tue ham ah khoh lo seh Bible ca dong ah a ka om tak tei kang a soep nah ham lah ni.

O.T dong ah zi su a coeng nah a ka thui rhoek thlang 300 hlei tah om uh. Zi su a cul nah ham, kho a sak na ham, a duek nah ham, duek nah lang ka loh a tho nah ham phil tom khoh profet rhoek kah hmui lain neh phong lah om tak tei coeng ni.

Bible hih a tloe ca uk naw neh a loh uh rhoi moe nih. Pathen ol lah a om ta koep lah huh ham a tawl tih thlang rhing thil hlang bong ah om ngai nah ka peak kung, long puei dueng a ka hnueh kung neh Nu ta tang pa thol sai na, a thea hno sai nah, tholh palh na phil tom khoh ol a keik kung lah om ti hi a tueng sak. Bible ca hih tlueng ah na te a tah na rhing nah dong a tueng sak. Bible ca hih tleung ah n ate a tah na rhing nah dong ah lung na, ngai khuek na, om ngai na neh tha om tha ra i, peik poe pa ni.

Zal veing a tah Pathen loh thlang hring a hmang tih a ngai hno soeprep a phong sak dea tu can can tue a tah a ol neh nih phong sak lah a om coeng. Bible ca a ka teal tu rhoek hih khoh Pathian ol a tang nah ta koel ah a rhing nah peik tih uep om ca lah rhing uh ti hih i, humh thai lah om. (I cor 15:6) dong ah zi su tah thing lam dong ah a duek phoi ah a thum hnil ah koep a thoh phoi lang kah a zul tu rhoek teing ah kut tiek mik hmuh thai nah rhil ah a ol thui ta koep lah a tueeng pah.

Bible ca uk hih pheh ham lah Rom a co zah rhoek loh zuam uh dea ca tah a hrawh thai mueh dung mueh lah eip eip ah a ka kar sak kung lah dat a om pah. Dik lai hmal thung ah zoi a ka thel koek ca uk thel pak hat om bal ti hi i, hmuh thai.

A ngel kha sut loh Bible ca hih zal cih ca uk ta koep lah a poek uh dea mi fim naw lah tah Bible hih Pathen mah kah thla chuah a peik ol lah om ti hi a tang na uh. Bible ca hrawh ham lah ka timh rhoek loh tah Bible hih thlang rhimg kah sai hno ni, a hoem ni a thui uh Pathen ol moe nih ti lah a soi sel uh. Ti dea Bible ca dong ah zi su loh val dong neh dik lai a rawk nah kungkhoh ka ol hih bang veang ah rawk thai ma pah ti lah (Mk 13:32) a thui. Tu dong ah Bible ca hih Pathian ol tak tak lah om ti hi a sai hno pai soeprep loh khoh lo seh a cak sak. Tu dong ah Bible ca hih Pathian ol ni ti hi zumh hawh!


Lai mai kipat na ah ki leh kik in

Bible hih Pathen ol tak poek aa?