Ka Caah A Hmanmi Biaknak Hi Zeidah A Si?




Bia halh nak: "Ka Caah A Hmanmi Biaknak Hi Zeidah A Si?"

Bia leh nak:
Vawleicung ah hin duh thim dingmi a tam tuk cang. Rawl hmanh ah a phunphun a um cang, hlakphakti hmanh ah a phunphun a um cang, cun thil pakhat lanwg nih kan hna a ngamter kho ti lo. Kan duhmi le kan herhmi thim ding an tam tuk cang. Duhthimnak nun nih kan nun zia hi a dolh chin lengmang cang.

Cu ti a si ahcun biaknak ah hin zeidah na caah a hmanmi a si lai? Zalong tein a ummi biaknak, phung le lam a ngei lomi biaknak, sualnak tuah zongah a poi ah a chia lomi biaknak, phunglam fak tthup in a zulmi biaknak hna hi zeitindah na ruah hna? An tampi. Asinain biaknak hi duh poah in thim awk a tthami a si maw?

Atu ah cun biaknak aa zuammi an tam tuk cang, zeiruangahdah Jesus, Muhammad, Confucius, Buddha, Charles Taze Russell, Joseph Smith ti bantuk hna hi cucu a sang deuh, cucu ka duh deuh tiah kan ti hna? A ngaingai ti ah cun vancung ah hin biaknak kip lam a phan maw? Biaknak vialte hna hi an i khat dih hna maw? A hmaan tein kan chim ahcun lam kip nih U.S.A a phak lo bantukin biaknak kip nih vancung kalnak lam an ngei hna lo.

Jesuh Khrih lawng nih Pathian nawlngeihnak taktak in bia a chim zeicatiah thihnak a tei khotu cu amah lawnglawng a si. Muhammad, Confucius le adang vialte hna cu nihin tiangah an thlan chugah an um rih hna, an ruak pelpawi hmanh an tang ti maw tang ti lo dak. Asinain Jesuh Khrih cu a tthawnnak in nithum hnuah thlankhor chungin a chuak. Thihnak a teitu cu kan zumh awk deuh hrimhrim ding a si lo maw? Mi kip nih an theih awk zongah aa tlakmi a si.

Jesuh Khrih a thawhttannak kong hi tampi a um. A pakhatnak ah, Jesuh Khrih a thotthan tiah mit in a hmumi hna hi minung 500 leng an si. Minung 500 bia cu dai tein umter awk a ttha lo. Jesuh Khrih an phunnak thlankhor kongah tampi tette an um. Jesuh Khrih kha thotthan taktak hlah seh law, zumlotu hna nih fawi tein Khrifami hna an rak tei hna lai, asinain ahohmanh a doh khotu ding an um lo. Jesuh Khrih cu a thotthan taktak. Thlankhor cu a lawng. A zultu hna nih an fir caah maw a si hnga? Asinain Jesuh Khrih an chiahnak thlankhor kha ralring tein zumlotu hna nih congtu ralkap an chiah hna. Ngatlaitu menmen nih Jesuh Khrih a ruak ttha tein ralkap nih an congh komi cu an fir ngam fawn lai lo. Chim duhmi cu Jesuh Khrih a thawhtthannak hi hloh awk a ttha lo, a hmaan lo ti awk zong a ttha lomi a si. A si taktakmi a si.

A um tthanmi cu, thihnak a teitu cu mikip nih an theih awk a si. Jesuh Khrih nih a tthawhnak cu thihnak a teinak in fiang tein a langhter. Cucaah Jesuh Khrih nih a chimmi hi kan ngeih ding le kan zumh ding a si. “Keimah hi khamhnak lam taktak cu ka si” a ti (Johan 14:6). Jesuh Khrih hi vancung kainak lam tampi lakah lam pakhat aa tal vemi a si lo. Jesuh Khrih lawnglanwg ah khamhnak lam a um.

Cun Jesuh Khrih nih a chimmi cu, “ka sinah ra u, a thil ritmi hna le a retheihmi hna, dinhnak kan pek hna lai” tiah bia a kan kamh (Matthew 11:28). Vawleicung nun hi a fawimi a si lo. Cheukhat cu lungrethei le vansang taktak in khua a sami tampi an um. Cheukhat cu vawlecung nunnak ah ruahchan awk a ngei lomi tampi an um. Asinain Jesuh Khrih a zummi caah vawlei hi kan caah santlai lo hmanh seh law, thih hnu thawhtthannak tal ah ruanchannak ngeih kan hau. Jesuh Khrih hi kan ruahchannak nganpi cu a si.

Sual ngeihthiamnak hmuh na duh ahcun Jesuh Khrih lawng hi a hmaanmi biaknak taktak cu a si (Lamkaltu 10:43). Pathian he pehtlaihnak hmaan taktakmi na duh ahcun Jesuh Khrih lawnglawng hi a hmaanmi biaknak cu a si (Johan 10:10). Vancung ah zungzal nunnak ngeih na duh ahcun Jesuh Khrih hi lam cu a si (Johan 3:16). Jesuh Khrih ah hin na zumhnak chia law zei tik hmanh ah naa ngaichih bal ti lai lo. Na sual ngeihthiamnak caah zum law na hnabei zong zei tik hmanh ah an donghter ti lai lo.
GotQuestions.org ah Pathian thawngttha na relnak thawngin Jesuh Khrih na zum maw? Na zumh ahcun, a tangah aa ttialmi “Nihin in Jesuh Khrih ka zumh cang” timi kha hmet ko.


Hakha holh in leh mi ahramthawk ah vazoh than

Ka Caah A Hmanmi Biaknak Hi Zeidah A Si?