Thiangthlarau cu zeitindah a um?

Bia halh nak: "Thiangthlarau cu zeitindah a um?"

Bia leh nak: Thiangthlarau kong he pehtlaih in an zumh palh nak tam pi an um.Thiangthlarau kong cu kan theih khawh nak caah har ngai tiah na ruah men ko lai.Bible cathiang chung ah hitin hin a langh ter nak cu kan hmuh khawh a si.Thiangthlarau cu Pathian a si i, Mi nung bantuk in a si ve i duh nak lung thin zong a ngei tiah Bible ca hmun tam pi ah kan hmuh khawh a si.

(Acts.5:3-4)chung ah Thiangthlarau cu Pathian a si i mit in hmuh khawh zong a si ko.Peter nih Anninias sin ah zei ca dah sei tan cu na lung kha na uk ter i, thiang thlarau sin ah lih na chim? tiah a sual nak kha a hmuh ter i, minung sin ah lih na chim tung lo, Pathian sin ah pei lih na chim a si cu. “ tiah a ti. Cu ca ah thiang thla rau cu Pathian a si ti kha kan hmuh khawh. (Ps 139:7-8) chung ah thiang thlarau cu hmun kip ah a um tiah a ti. “Na thlarau sin kin khua zei ah dah ka zam khawh lai, Na hmai ka in khua zei ah dah kaa thuh khawh lai? tiah a ti. (2Cor 2:10) chung ah Thiang thlarau i, thil ti khawh nak cu kan hmuh khawh a si. Cu thil vial te cu Pathian nih an mah thlarau in kan sin ah phuan a si.

Thiang thlarau nih cun Pathian i, a duh mi thil vial te a hngalh dih. Kan theih khawh lo mi le hmuh khawh lo mi cu thiang thlarau lo cun zei tin kan theih khawh lai? “Cu Biathli cu Pathian nih a Thlarau in kan sin ah a phuan” (I cor 1:10), “Thiang thlarau kha a ngai chiat ter hlah uh (Eph 4:30). Thlarau cu kan mah bawmh awk ah ara (Rom 8:26-27). Thlarau kan chung ah a um (Icor 12:7-11). Thiang thlarau cu Pathian a si i, thum komh Pathian chung ah pathum nak Pathian a si. Pathian ban tuk in Thiang thlarau nih zong “ Ka pa kha ka hal lai i, Bawm tu a dang an pek hna lai i, a zung zal in an um pi hna lai (Jn 14:16, 26, 15:26) tiah a ti.

Hakha holh in leh mi ahramthawk ah vazoh than

Thiangthlarau cu zeitindah a um?