Pathian si ning cu zeitindah a um?

Bia halh nak: "Pathian si ning cu zeitindah a um?"

Bia leh nak: Pathian si ning thei duh nak zong hi kan ca ah thawng tha asi ko.

Pathian si ning kong he peh tlaih in cathiang hi a dih lak in Pathian thaw chuah hnawh mi a si i, Bible ca uk hmun tam pi ah a si ning a langh ter nak cu kan hmuh khawh a si. Pathian si ning cu minung nih kan mah duh nak bang in kan ruah tawn ah cun a tha mi thil a si lo. ‘ zei ca tiah ka kong kha nan chim awk hnga bang in nan chimlo (Job 42:7) tiah ati. Pathian nih cun ‘ kei mah hlei in Pathian dang aho hmanh na bialai lo, zei ban tuk sia sal hmanh an si ah an hmai ah na kun lai lo. Zei ca tiah kei mah hi Bawi pa nan Pathian cu ka si (Exo 20:3~5) tiah a ti.

- Pathian si nak mui sam a langh ter nak pakhat cu ‘ ceu nak ‘ a si . kei cu a zung zal in na ceu nak ka si cang lai tiah a ti. (Isai 60:19, Jeim 1:17). Pathian si nak mui sam cu minung nih hngalh khawh nak ding ca ah Bible ca chaung ah tam pi a langh ter (Heb 4:1). Cathiang nih a chim bang in a ser mi thil thawng in Pathian si nak cu kan theih khawh a si.

- Minung cu Pathian ser mi kan si ti kha theih hmasa a her. (Gen 1:1, Ps 24:1). Minung cu Pathian nih kei mah mui lawh in ka ser lai tiah ati. Pathian a ser mi thil vial te lak ah a sung lawi bik mi kan si (Gen 3:17-18, Rom 1:19-20) Pathian a si ning kan theih khawh nak cu a ser mi thil vial te nih tam pi a sining cu a langh ter a si.

- Pathian si ning kong cu Bible ca chung ah tam pi kan hmuh khawh a si.

Elohim – uk tu Bawi a thawng mi Pathian (Gen 1:1).
A do nai – Pathian he i, peh tlaih ti nak (Exo 4:10-13).
El Elyon – cung nung bik Pathian (Gen 14:20).
El Roi – kil ven tu Pathian (Gen 16:13).
El shaddai – zei zong vial te tuah khoh tu (Gen 17:1).

Yeh weh – ‘kei’ ti cu zung zal a hmun mi Pathian ka si ti a langh ter nak a si. (Exo 3:13, 14).

- “ zung zal Pathian” ti sullam cu Pathian si ning ah a thawk nak zawng a um lo, a dongh nak zong a um lo ti duh nak a si, a rawk bal lo i, zung zal a hmun mi Pathian a si. (Acts 33:27, Ps 90:2, I Tim 1:17), Pathian cu bochan tlak le zumh tlak Pathian a si (Mk 3:6, Num 23:19, Ps 102:26-27). Pathian he a lo mi a ho hmanh a um lo (P sam 7:22, Ps 86:8, Isai 4025, Mt 5:48). Pathian si ning cu minung nih fiang te in theih khawh a si lo. (Isai 40:28), Ps 145:3, Rom 11:33-34)

- Pathian cu zumh awk tlak le hlen hmang lo Pathian a si (Duet 32:4, Ps 18:30).

- Pathian cu zei zong vial te tuah khawh tu a si i, a ser mi thil vial te cu a maah duh bang in a ser dih hna. (Bia 19:6, In 32:17-27). Kan tuah ding mi le kan ruah mi vial te an theih dih i, hlen hang lo in zumh awk tlak Pathian a si. (Ps 139:1-85, Pro 5:21).

- Pathian hlei ah a dang Pathin a um ti lo ti kha a langh ter nak a si. A mah lawng hi kan duh nak vial te tlam tling ter tu a si. Pathian lawng bo chan tlak Pathian a si (Duet 6:4). Pathian cu a ding mi pathian a si ban tuk in kan sual nak vial te ngai thiam kan si nak hnga zi su kri cung ah hrawmh ti a si i. Pathian hei remh nak cu kan hmuh mi a si. (Exo 9:27, mt 45:46) (Rom 3:21 -26).

- Pathian cu a thawng mi Pathian, uk tu Bawi a si ti kha a langh ter nak a si. Pathian ser cia mi thil vial te hi hrawh khawh zong a si lo (Ps 93:1, 95:3, Jer 23:20). Pathian cu thlarau asi mi nung mit in hnuh khawh lo mi Pathian a si. (Jn 1:18, 4:24). Pathian cu thum konh. Pathian a si (Mt 28:19). Pa, Fa, Thaing thlarau Pathian a si i, lih bia a chim bal lo mi Pathian a si (Ps 117:2, Ismu 15:29).

- Pathian cu a ding mi Pathian, sual nak a tuah bal lo mi Pathian a si (Isai 6:3, Heb 1:13, Exo 3:2-5, Heb 12:29). Pathian cu dawt nak Pathian a si. Minung vial te cung ah zang fah nak le vel ngei nak in a khat mi Pathian a si. (Exo 34:6, Ps 31:19, I pet 1:3, Jn 3:16, 17:3).

Pathian cu zung zal a nung mi Pathian a si ca ah zei he dah a lo ti cu fiang te in Minung nih theih khawh a si lai lo. Cathiang nih a chim bang in Pathian si ning cu tlawm pal kan theih mi a si ko. Pathian si ning cu fiang te in theih ve cang uh sih ‘ Nan ka kawl tik ah nan ka hmuh lai (Jer 29:13) tiah a ti.

Hakha holh in leh mi ahramthawk ah vazoh than