Biakam Hlun Nawibia Hi Khrihfami Nih Kan Zul Lai Maw?




Bia halh nak: "Biakam Hlun Nawibia Hi Khrihfami Nih Kan Zul Lai Maw?"

Bia leh nak:
Hi biahalnak kan theihnak ding cu Biakam Hlun theih hi a herh. Biakam Hlun hi Khrihfami sinah pekmi si loin Israel mi hna sinah pekmi a si. Nawlbia pek an sinak cu Pathian hi zeitindah a lung an lomhter lai timi le zeitindah toidor nun an ngeih lai timi hi a si. Tahchunnak ah Nawlbia pahra kha zoh a fiang ko. Cheukhat nawlbia cu zeitindah Israel mi nih Pathian an biak lai timi kong a chim. Cheukhat nawlbia cu zeitindah Israel hi ramdang hna he an I dan lai timi a cawnpiaknak hna a si. Asinain Israel nih nawlbia nih Khrihfami cu nawl a kan ngeih ti lo. Jesuh Khrih vailam cungah a thih ah khan, Biakam Hlun nawlbia cu a lim cang (Romans 10:4; Galatians 3:23-25; Ephesians 2:15).

Biakam Hlun nawlbia tangah um loin, Jesuh Khrih nawibia tangah kan um cang (Gala 6: 2), cucu “na Bawipa Pathian kha na thinlung dih lak, na ruahnak dih lak le na nunnak dih lak in na dawt lai cun nangmah naa dawt bantukin na innpa na dawt lai” ti a si (Matthew 22: 37-39). Hi nawlbia hna hi kan zulh ahcun Jesuh Khrih tuah u a kan timi kan zulh dih tinak a si lai: “Nawlbia vialte hna Prophet vialte hna cu hi nawlbia pahnih in funmi an si” a ti (Matthew 22: 40). Asinain Biakam Hlun nawlbia hna hi atu kan chan ah kan herh ti hna lo tinak a si lo. Biakam Hlun nawlbia tam deuh hna cu Pathian dawt le innpa dawt ah fun deuh an si. Zeitindah Pathian le innpa hna hi kan dawt deuh hna lai tinak zawn ah hin nawlbia nih tampi a kan cawnpiak. Asinain Biakam Hlun nawlbia hi Khrihfami hna nih kan zulh awk a si kan ti ahcun kan palh kho men. A si loah, a dawngte zongin kan hman khawh i, hman khawh lo zong a si kho ko. Jesuh Khrih Biakam Hlun chungin raithawinak nawlbia a tlinter ahcun a dawng tein a tlinter dih tinak a si.

“Pathian bia zulh hi Pathian kan duhnak a langhtertu asi I a nawlbia zulh hi thil rit an si lo” tiah John nih a ti (1 Johan 5: 30. Nawlbia pahra hi a ngaingai ti ah cun Biakam Hlun a tawinak funmi an si. Nawlbia pahra chungah pakua hi cu Biakam Thar nawl tthan an si. Asinain Sabbath ni ulh hi Biakam Thar ah a um ti lo. Pathian hi kan dawt taktak ahcun a hmaan lomi pathian cu kan biak ding an si lo ti cu a fiang. Kan innpa kan dawt taktak ahcun kan hlen hna ding an si lo, kan thah hna ding an si lo, kan hnahchuah hna ding an si lo ti cu a fiang. Biakam Hlun nawlbia nih aa tinhmi taktak cu zulh khawh ding taktak a si lo zia kha mipi theihternak caah a si, cu pinah Jesuh Khrih a kan hmuhsaktu a si fawn (Romans 7:7-9; Galatians 3:24). Pathian nih Biakam Hlun nawlbia hi vawleicung minung caah a tinhpiakmi a si bal lo. Pathian le innpa hna kan dawt poah ahcun Pathian nih tuah hna seh tiah a kan duhmi kan tlinh dih tinak a si.


Hakha holh in leh mi ahramthawk ah vazoh than

Biakam Hlun Nawibia Hi Khrihfami Nih Kan Zul Lai Maw?