O.T cauk chung ah a um mi Nawl bia cu Ni hin kri fa pawl nih zulh awk a her rih maw?

Bia halh nak: "O.T cauk chung ah a um mi Nawl bia cu Ni hin kri fa pawl nih zulh awk a her rih maw?"

Bia leh nak: Hi bia halh nak theih fiang khawh nak ca ah cun O.T chung ah a um mi Nawl bia cu Israel miphun hna ca ah pek mi a si i, Ni hin krifa hna ca ah pek mi a si lo ti theih fiang awk a her. Cheu khat Nawl bia hna cu Israel mi phun hna nih Pathian an biak ding le a nawl zulh ding ah pek mi Nawl bia hna a si (Bia nabia ah Nawl ba -10). Nawl bia chung ah cun Israel mi phun pawl nih Pathian zei tin kan biak lai, zei tin dah sual ngai thiam ka si lai ti hmuh ter nak le mi phum a dang pawl he a lo lo mi mi phun si nak, ei le din kong he peh tlaih in Nawl zulh ding ah theih ter a duh nak cu a langh ter nak a si. Cu a si ca ah OT chung i, Nawl bia cu Nihin krifa hna nih zulh ding a si lo. Vai lam cung ah a thih mi Zisu krih thawng in OT chung i, a um mi Nawl bia vial te kha a hrawh dih cang ca ah a si. (Rom 10:4, Gal 3:23-25, Eph 2:15).

Bible ca hlun chung ah a um mi Nawl bia zulh ding ah silo in zisu krih nih kan pek mi a nawl zulh ding kha a si deuh (Gal 6:2) “ Bawipa na Pathian cu na lung thin dih lak le na ruah nak dih lak le na nun nak dih lak in na dawt lai, Na inn pa cu nang mah naa dawt ban tuk in na dawt lai” (Mt 22:37-39). Moses Nawl bia vial te le profet hna cawn piak nak vial te cu, hi nawl bia pah nih chung ah hin an i, khaumh dih tiah a ti (Mt 22:40). Cu ve ban tak in Ni hin krifa nun nak ah O.T chung i, Nawl bia cu kan zulh a her ti hi kan palh a si. “ Nawl bia chung bia pa khat kan buar mi cu Nawl bia a dih lak in buar a si ko” (Jeim 2:10). Cu Nawl bia cu kan zulh a her ti lo i, vai lam tah cung ah zi su krih nih a hrawh dih cang ca ah a si.

“Zei cah tiah Pathian kan dawt ti cu a nawl kan zulh ti nak a si ko” (I Jn 5:3) O.T chung ah a pek mi Nawl bia (10). Hna chung ah Zar pi ni cu na ulh lai ti Nawl bia hlei ah a dang Nawl bia (9) hna cu N-Tchung ah a langh ter dih than a si. A dang Pathian hna na biak lai lo, Milem hna hmai ah na kun hrim hrim lai lo, ti mi thawng tha hi (Na inn pa cu nang mah ban tuk in na dawt ah cun chimh awk hrim hrim a si. O.T chung ah a pek mi Nawl bia i, a timh nak cu mi vial te nih Zisu krih cu kan khamh tu a si tiah zumh awk a her ti a langh ter nak a si.(Rom 7:7-9, Gal 3:24). Kan inn cu kan dawt hrim hrim awk a si. Hi ban tuk in zumh tlak te in kan nun ah cun Zi su krih i, nawl zulh nak a si ko.

Hakha holh in leh mi ahramthawk ah vazoh than