Khamhnak Hi Zeitindah Khanning A Si?




Bia halh nak: "Khamhnak Hi Zeitindah Khanning A Si?"

Bia leh nak:
Taksa si loin Thlarau leiin na rawlttam bal maw? Na nunnak ah “hihi cu ka nunnak ah tling kho seh law tiah” na hlam ngaimi a um bal maw? Na nunnak ah zei thil na tuah hmanh ah diriam kho loin na um bal maw? Lungdong ngai le vansang au in khua na sa bal maw? Cu ti a si ahcun, Jesuh Khrih hi na herh! Jesuh Khrih nih, “Kei cu nunnak changreu ka si. Ka sinah a rami cu an rawlttam bal ti lai lo i a ka zummi poah cu an ti a hal ti lai lo” a ti (Johan 6:35).

Hnabeidong in na um bal maw? Ka nunnak hi sullam a ngei lo tiah lungdong in na um bal maw? San ka tlai lo tiah lungdong in na um bal maw? Khua tuaktan awk thei loin na um bal maw? Jesuh Khrih nih hitihi a ti, “Kei cu vawlei ceunak ka si. A ka zulmi poah cu muihnak ah an vakvai bal lai lo, nunnak petu ceunak tu an ngei lai” a ti (John 8:12).

Na nunnak hi innhrenh chung bantukin an ummi ah naa ruat bal maw? Nun zalonnak hmuh duh ah chuahnak kutkhar na kawl bal maw? Nun duhdimnak chungah luh i nuam tein um ziar hi na hlam bal maw? Jesuh Khrih nih an hngah ko, “Keimah cu luhnak kutkhar ka si; keimah min in a lutmi poah cu khamhnak an hmu lai. A lut a chuak kho lai i nun duhdimnak hmun a hmu lai”a ti (Johan 10:9).

Midang nih an i deuh bal maw? Midang nih an i hleng bal maw? Na hawikom nih bochan awktlak loin na cungah an um bal maw? Midang nih an i sersat bal amw? Midang nih amiak kawlnak menmen ah an i hmang bal maw? Jesuh Khrih nih hitihin an ti, “Keimah cu tukhal ttha ka si. Tukhal ttha nih cun a tu caah a nunnak a pek sian. Keimah cu tukhal ttha ka si; ka tu cu ka theih hna i anmah zong nih an ka theih ve” a ti (Johan 10:11, 14).

Thih hnuah zeitindah kan um timi hi na ruat bal maw? Na nunnak hi a rawk khomi le a rop khomi thil sawhsawh caah nun peng hi na si vang bal maw? Ka nunnak hi sullam a ngei taktak lo hlah maw tiah lungawttawm in na um bal maw? Na thih hnuah nun tthan na duh maw? Jesuh Khrih nih zeidah a ka tuahpiak timi na thei maw? “Keimah cu thawhtthannak le nunnak ka si. Keimah a ka zummi cu a nung lai, a thih hmanh ah a nung lai, a ka zummi poah cu a thi bal ti lai lo” tiah Jesuh nih a ti (Johan 11:25-26).

Na nunnak ah Thlarau rawl na tam tawn men lai. Na hngalh loin thil dang hna in khimter naa zuam tawn men lai, nain na khim kho bal lai lo. Jesuh Khrih lawng nih na Thlarau rawlttamnak cu an khimter khaw lai. Jesuh Khrih lawng hi kan harsatnak chungin luatnak ah a kan luatertu a si. Jesuh Khrih lawng hi kan duh a tlintertu a si. Jesuh Khrih lawng hi kan hawi ttha le tukhal ttha taktak cu a si. Jesuh Khrih hi khamhnak lam kan hmuhnak taktak cu a si.

Na Thlarau rawl a ttamnak, hnabeidong in na umnak, na nunnak ah lungdong in na umnak vialte hna aruang hi Pathian he pehtlaihnak na rak ngeih lo caah a si kho men. Bible nih a chimmi cu kan zapi in kan sual dih cio ko hna i, Pathian he pehtlaihnak a ngei lomi kan si” tiah (Phungchimtu 7:20; Rom 3:23). Ka nunnak a lawng tuk na timi hi na nunnak ah Pathian a um lo caah a si. Minung cu Pathian he pehtlaihnak ngei ding in sermi kan si. Kan sual ruangah Pathian he pehtlaihnak kan ngeihmi hrawh a si. Kan sualnak nih zungzal hmanh in Pathian he tthen ding ka si (Rom 6:23; Johan 3:36).

Minung kan nunnak ah duhdim nunnak ngeih kan duh ahcun Jesuh Khrih lawnglawng hi lam ttha taktak cu a si. Kan sualnak cu kanmah nih tuarter loin amah tu nih a kan tuarpiak (2 Korin 5:21). Kanmah thihnak ding ah a kan thihpiak (Rom 5:8), kan sual ruangah kan hmuh dingmi dantatnak zong amah nih a kan inpiak. Ni thum hnuah Jesuh Khrih cu a thotthan, thihnak le sualnak a teinak cu a thawhtthannak nih a langhter (Rom 6:4-5). Jesuh Khrih nih zeicadah hihi a tuah? Jesuh Khrih nih a chimmi cu “Ahohmanh nih hi nakin a ngan deuhmi dawtnak an ngei ti lo, cucu a hawile caah a nunnak a thappiak hna” a ti (Johan 15:13). Kan nun khawhnak ding ah Jesuh Khrih nih a kan thihpiak. Jesuh Khrih ah kan zumhnak kan chiah, kan sual man a kan thihpiak tiah kan zumh, kan sualnak vialte ngeihthiam a si cang tiah kan zumh ahcun khamh kan si. Kan sualnak ttawl dih a si cang. Pathian he pehtlaihnak ttha tein kan ngei kho cang. Kan nunnak ah duhdim nunnak a um cang. Thawhtthannak nun kan ngei cang. “Pathian nih vawlei hi a dawt hringhren caah a Fapa ngeihchunte kha a pek, a zummi poah cu a thi bal ti lai lo, zungzal nunnak an ngei cang lai” a ti (Johan 3:16).
GotQuestions.org ah Pathian thawngttha na relnak thawngin Jesuh Khrih na zum maw? Na zumh ahcun, a tangah aa ttialmi “Nihin in Jesuh Khrih ka zumh cang” timi kha hmet ko.


Hakha holh in leh mi ahramthawk ah vazoh than

Khamhnak Hi Zeitindah Khanning A Si?