Pathian hnen ihsin ziangtinso sual ngaihdamnak ka co thei ding?




Thusuhnak: "Pathian hnen ihsin ziangtinso sual ngaihdamnak ka co thei ding?"

Sannak:
Tirhthlah 13:38 cun “U le nau len uh,nan zatein fiangzetih nan theih a `ul mi cu: Jesuh hminin sual ngaihdamnak thuthang nan hnenah phuan a si…”

Sualngaihdam cu ziang a si. Ziangruangah ka `ul?

“Sualngaihdam” ti mi sullam cu a bal mi ti fai, ngaihthiam le leiba kuansak a si. Mi pakhat kan ti sual tikah kan remawk sal theinak ding ah an ngaihdamnak kan hawl. Sualngaihdam ti mi cu a ti sualtu pa ih a tlaknak ruangah pek a si dah lo. Thungai ti ahcun zohman sual zo hnu rengereng cu ngaihdamnak a co tlaktu a um aw lo. Ngaihdamnak ti mi cu duhdawtnak, zangfah le ngilhngaihnak ih hna`uan a si. Ngaidamnak ti mi cu an ti sual mi pawl vekih thungrul lo le zianghman tuah sual ve lo dingih thutitluknak tuah sawn a si.

Bibal cun kan zaten Pathian hnen ihsin ngaihdamnak co `ul hlir kan si tiah fiangten a rel. Ziangah tile kan zaten kan sual thluh ruangah a si. Thusimtu 7:20 cun, “Leilung tlunah `hatnak lawnglawng a tuah ih siatnak a tuah dah lotu zohman an um lo.” I Johan 1:8 khal in “sualnak ka nei lo kan ti a si ahcun kanmah le kanmah kan bum awih kan sungah thutak a um lo, tinak a si.” Pathian hmaiah kan zaten misual thluh kan si (Saam 54:1). Curuangah kannih cun Pathian ngaidamnak hi a `ul in kan `ul hrimhrim. Kan sual pawl ngaihdam a si lo ahcun, kan sualnak ruangah kumkhua, cem ti um nawn loin hremnak kan tuar ding (Mate 25:46; Johan 3:36).

Sualngaihdamnak --- Ziangtinso ka ngah thei ding?

Asinan, van`hat thlak takin, Pathian cu mi duhdaw thiam le zangfahnak nei a si lawng siloin kan sual ngaidam a si ding hi a duh zettu a si. 2 Piter 3:9 cun “…Nan parah thinsaunak a neih ruangah a si sawn; ziangah tile pakhatte hman siatralnak tong lotein mi hmuahhmuah an sualnak ihsin an kir sal theinak ding a duh ruangah a si.” Pathian cun kan sual in ngaihdam duh ruangah cui ngaihdamnak khal cu in pe.

Kan sualnak man cu thihnak a si. Rom 6:23 sungih hmasa sawn catlang cun “sual man cu thihnak a si…” tiah a ti. Kumkhua thihnak hi kan sual ih rahsuah cu a si ko. Asinan, Pathian cu amah a famkim mi tumtaknak vekin tisa ah a rung cang. Cucu Jesuh Khrih a si (Johan 1:1-14). Kanmai’ tuar ding tlak a si mi sual man cu phur tahratin Jesuh Khrih cu Kross parah a thi. 2 Korin 5:21 cun hitin thu in zirh, “Sikhalsehla kanmah ih ruangah Pathian in sualnak zianghman a nei lomi Khrih kha sual ah a canter ih cuticun amah ih zarah Pathian ih dingnak kan `awm venak dingah a si.”

Kanmah ih tuar ding tlak a si mi sual man rori cu amah in lak tahratin Kross ah a thi a si cu! Pathian a si vekin, Jesuh ih thihnak cun leilung pi hrangah sual ngaihdamnak cu a pe. I Johan 2:2 cun, “Khrih amah ruangah kan sualnak cu in ngaithiam ih kanmah ih sualnak lawng si loin mi hmuahhmuah ih sualnak khal ngaithiam an si.” Jesuh cun sual le thihnak humham thuneihnak parih a nehnak ti langin a thih hnu ni thumah a tho sal (1 Korin 15:1-28). Pathian cu sunglawi vivo hramseh. Ziangah tile Jesuh Khrih ih thihnak le thawhsalnak ruangah Rom 6:23 sungih catlang neta deuh cu thil dik ah a cang riai “Sikhalsehla Pathian ih laksawng cu kan Bawipa Khrih Jesuh thawn kan pehzom awknak thawngin kumkhua nunnak a si.”

Na sual ngaihdam a si ding cu na duh ve lo maw? Hi cu ngaihdam thei a si lo ding ti vekih na ruah mi teh a um maw? Jesuh Khrih cu in Rundamtu a si tiih Jesuh Khrih ih na zumnak na `hum thiam a si ahcun sual ihsiih ngaihdamnak cu na hrangah a um ringring. Efesa 1:7 cun, “Ziangah tile Khrih a thihnak thawngin kan sualnak cu ngaidam a si zo ih a luatmi kan si zo. Pathian in a zaangfahnak cu kan hnenah tam zetin in pek ruangah.” Jesuh cun kan sual leiba in pek sak zo ruangah , ngaihdam kan si thei a si cu. Na tuah a `ul mi cu Pathian hnenih Jesuh hmin thawi’s ngaihdamnak dil men ding hi a si. Cutin, Jesuh cun kan sualnak man a kuan thluh zo si tiih zumhhna na thiam a si ahcun Pathian in na sual a lo ngaidam ding. Johan 3:16 khan hitiin thu in sim ta kha “ Pathian in leilung hi a duhdawt zet ruangah a Fapa neihsun a pek ih amah a zumtu hmuahhmuah cu thi loin kumkhua nunnak an co ding.”

Sualngaihdamnak – cuti meiin a awl zet maw si?

A si. A awl zet rori! Sual ngaihdamnak cu tlaknak le `uannak thawn hawl le ngah theih a si lo. Pathian hnen ihsiih ngaihdamnak cu a man pek a theih lo. Pathian zangfah le ngilngaihnak ruangah zumnak thaw lawng ih ngah theih a si. Jesuh Khrih cu Rundamtu in cohlang le Pathian hnenih ngaihdamnak na ngah duh a si ahcun hi thlacamnak te hi mang ve aw. Asinan, hi thlacamnak asilole thlacamnak dang sal ve men mei hin na sual ngaihdamnak cu a ngah theih lo. Hi thlacamnak cu thil dang si loin sual ngaihdamnak Pathian in a pek zo mi parih lungawi thusimnak le na zumhnak ti lang tirtu men a si. “Maw Pathian, na hmaiah mi sual ka si ti ka thei aw. Sual man tuar tlak khal ka si. Asinan, Jesuh Khrih in sualnak man pawl cu a lak thluh zoih Amah zumhnak thawngin ka sual ngaihdam a si thei thu ka zum in ka pom. Ka sual tlansan tahratin rundamnak ka co ve theinak dingah Pathang, nangmah lawngah ka hngat aw. Mangbangza na zangfahnak le ngaihdamnak in pek ruangah na hnenah ka lungawi! Amen!”

Hi ca pawl na siar ruangah Khrih hrangah thutitluk nak na tuah a si le a hnuai teih “Tuini ah Khrih ka cohlang zo a si” timi hi hmet aw.


Chin `ongah kirsal aw

Pathian hnen ihsin ziangtinso sual ngaihdamnak ka co thei ding?