Kumkhua nunnak ngah?




Thusuhnak: "Kumkhua nunnak ngah?"

Sannak:
Bible hin kumkhua nunnak ngah theinak lamzin hi fiangzetin a ti lang ko. A hmaisa bikah Pathian dodal tu kan si hi kan theih le kan pom a `ul. “Kan zatein misual kan si `heh ih Pathian sunloihnak kan co baan lo” (Rom 3:23). Pathian lungkim lole duhlo zawng kan zaten kan tuah thluh hnai ruangah sualman cu tuar ding tlak hrimhrim kan si. Kan sualnak pawl hi kumkhua a hmunmi Pathian dodal vek a si ruangah kan tuar ding mi khal kumkhua a daihmi hremnak a si a `ul. “Ziangah tile sualnak ih hlawh man cu thihnak a si; sikhalsehla Pathian ih laksawng cu kan Bawipa Khrih Jesuh thawn kan pehzom awknak thawngin kumkhua nunnak a si” (Rom. 6:23).

Asinan, Jesuh Khrih, sualnak nei lo (1 Piter 2:22), le kumkhua Pathian Fapa a si mi cu milai ah a cang (Johan 1:1,14).Kan sualnak man peksak ding ah a thi. “Sikhalsehla Pathian in ziangtlukinso in duhdawt ti cu a langter: misual kan si hrih na cingin kan hrangah Khrih cu a thi” (Rom 5:8). Kanmah tuar ding tlak a si mi sualman hmuahmuah cu phur tahratin (I Korin 5:21), Jesuh Khrih cu thinglamtah parah a thi( Johan 19:31-42). Nithum a liam hnuah thihnak ihsin a tho sal (I Korin 15:1-4), cutin thihnak cu nehnak thawn a puang lang riangri sawn. “Kan Bawipa Jesuh Khrih ih Pa le a Pathian cu thang`hat uhsi. In zangfahnak a tum ruangah Jesuh Khrih cu thihnak in a thoter ih nunnak thar in pe zo…” (I Piter 1:2).

Cu ruangah kannih cu zumnak thawn kan sual tlansan tahratin rundamnak hrangah Khrih hnenih kan kir a `ul (Tirhthlah 3:19). Kan sualman kuan ih thinglamtah par a thihnak rinsan tahratin kan zumnak Amahih kan ret a si ahcun kan sual ngaihdam a si dingih vanramah kumkhua nunnak khal tiamkam cia a si. “Ziangah tile Pathian in leilung hi a duhdawt zet ruangah a Fapa neihsun a pek ih amah a zumtu hmuahhmuah cu thi loin kumkhua nunnak an co ding” (Johan 3:16). “Ziangah tile kan zumnak thawngin Pathian thawn rualremnak kan co; kan phuannak thawngin rundamnak kan ngah” (Rom 10:9). Cuti a si ruangah Kross parih a `heh zo mi Khrih hna`uannak ih zumnak ret lawng hi kumkhua nunnak kan ngah theinak ding lamzin umsun cu a rak si! “Ziangah tile nannih cu Pathian zangfahnak zarah zumnak in rundam nan si. Hi rundamnak cu nan `uannak ruangih nan ngahmi a si lo, Pathian ih laksawng a si. Curuangah zohman porh awk ding a si lo” (Efesa 2:8-9).

Khrih cu mai’ Rundamtu ih na cohlan duh a si ahcun hi thlacamnak te hi cam ve aw. Asinan, hi thlacamnak asilole thlacamnak dang sal men ruangah rundam co a si lo ti theihhnglih hlah. Sual ihsin a lo rundam theitu umsun cu Khrih zumh le cohlan hi a si sawn. Hi thlacamnak cu ziangdang pi so loin Pathian na zumhnak le na rundamnak hrangih a thil pek mi parih lungawinak na neihmi a lang tirtu men sawn a si. “ Pathian, na hmaiah ka sual zo ruangah sualman cu tuar ding tlak hrimhrim ka si. Asinan, Khrih in kan sualnak man cu a kuan zo ruangah le Amah zumhnak thawngin ka sual ngaidam a si ti ka zum. Ka sual tlansan tahratin rundam ka si theinak dingah ka zumnak cu nangmah hnenah ka `hum awtir zo. Mangbangza na zangfahnak le sual ngaihdamnak --- kumkhua nunnak in pek ruangah ka lungawi! Amen!”

Hi ca pawl na siar ruangah Khrih hrangah thutitluk nak na tuah a si le a hnuai teih “Tuini ah Khrih ka cohlang zo a si” timi hi hmet aw.


Chin `ongah kirsal aw

Kumkhua nunnak ngah?