Mi piangthar Khris`ian ti cu ziang tinak a si?




Thusuhnak: "Mi piangthar Khris`ian ti cu ziang tinak a si?"

Sannak:
A si. Hrin salmi Kris`ian kan ti hi ziang tinak a si? Ziang sullam si a nei? Bibal ihsi ih hi thusuhnak sannak a petu cu Johan 3:1-21 a si. Hi sungah Jesuh in Nikodemas hnenih a `ong mi a si. Nikodemas hi farasi mi a si lawng si loin Sanhedrin khal a si thotho (Jewsmi lakih hruaitu pakhat tinak a si). Nikodemas cu zaanah Jesuh hnenah ra tahratin thusuhnak a nei.

Jesuh cun Nikodemas hnenah “ thungaite in ka lo sim: zokhal hrinsal a si lo ahcun Pathian Uknak a hmuh thei lo ding.” Cu hnuah Nikodemas khal cun, “Ziangtin so patling cia cu hrinsal a si thei ding? A nuih pum sungah lut tahratin voihnih hrin sal cu a si thei hrimhrim lo ding,” tiah a sawn. Jesuh in, “Thungaite in ka lo sim: zokhal tidai le Thlarau in hrin sal a si lo ahcun Pathian Uknak sungah a lut thei lo ding…Hrinsal mi na si a `ul ka ti tikah na mangbang hlah” (Johan 3:3-7)

“Hrin sal” ti mi cu Vanlam ihsi hrin salnak a rel duh.Nikodemas hin `ul mi taktak a nei. A thinlung asilole thlarau lam ih thlakthleng awknak a `ul.Hrin salnak, piangthar, ti cu Pathian ih hna`uan a si ih mi pakhat a piangthar kan ti tikah kumkhua nunnak cu a zum veten a hnenah pek a si (2 Korin 5:17; Titas 3:5; 1 Piter 1:3; 1 Johan 2:29; 3:9; 5:1-4,18). Johan 1:12,13 kan zoh tikah hrin salnak ti mi `ong hin Jesuh Khrih zumnak thawngin Pathian fa sinak asilole cannak khal a hmuhkhih thotho.

“Ziangah maw mi pakhat cu a hrin sal `ul nak?” tiah thusuhnak hi a um leuhleuh mi a si. Tirhkoh Paul cun Efisa 2:1 sungah hitin a ti: “Hlan ahcun nan `hatlonak le nan sualnak ruangah thlarau lamin mithi nan si.” Rom 3:23 khalah Paul in “Kan zatein misual kan si thluhih Pathian sunloihnak kan co baan lo.” Curuagah milai cun Pathian thawn pawlkomnak thar a neih theinak dingah le a sual ngaihdam a si theinak dingah a hrin sal asilole a piangthar hrimhrim a `ul.

Cucu ziangtin a cang thei ding? Efisa 2:8,9 cun “ Pathian zaangfahnak zaarah zumnak in rundam nan si. Hi rundamnak cu nan `uannak ruangih nan ngahmi a si lo. Curuangah zo hman porh awk ding a si lo.” Mi pakhat a pianthar tikah, thlarau danin hrin salnak a ngah ti nak a si.Curuangah Kross parih kan sualman kuanin thihnak a tuartu Jesuh Khrih zum hi thlarau dan zawngih hrin salnak kan timi cu a si. “Zozo khal Khrih thawn an pehzom awk tikah cun mithar a si…” (1Korin 5:17).

Rundamtu tiah Jesuh Khrih na co hlang dah hrih lo a si ahcun atu ih Thlarau Thianghlim hna`uan le turnak hi ngai tarhratin na ruat ve lo ding maw? Na pianthar, na hrin sal cu a `ul. Sualsirnak thla cam tahratin Khrihah mithar na si mei lo ding maw? “Mi `henkhat cun an saang ih an zum; curuangah Pathian ih fate cantheinak thu a pek. Pathian ih fate an cannak cu leilung daan, minung ih thi le sa in hrinmi a si lo; Pathian amah rori kha an Pa a si” (Johan 1:12-13).

Jesuh Khrih cu Rundamtu a si tih na pom ve duh le na pian thar duh ve a si ahcun hi thlacamnak te hi na cam ve mei lo ding maw? Asinan. Hi thlacamnak le thlacamnak dang sal ve menmei nak cun a lo rundam lo ding. Jesuh Khrih na rinsan lawngah si rundamnak ti mi cu na co ding. Hi thlacamnak cu Pathian ih pek zo mi rundamnak hrangih lungawi thu sim le na zumnak ti lang tertu men a si. “Pathian, kei cu na hmaiah mi sual ka si ti ka thei. Sualman tuar tlak khal ka si. Asinan, ka sualman tuar ding hmuahhmuah cu Jesuh Khrih in a tuar zo ruangah amah zumnak thawngin ka sual ngaihdam a si thei ka zum. Ka sual tlansan tahratin rundamnak hrangah nangmahah ka zumnak cu ka `hum a si. Mangbangza na zaangfahnak, ngaihdamnak le kumkhua nunnak laksawng in pek ruangah ka lungawi! Amen!”

Hi ca pawl na siar ruangah Khrih hrangah thutitluk nak na tuah a si le a hnuai teih “Tuini ah Khrih ka cohlang zo a si” timi hi hmet aw.


Chin `ongah kirsal aw

Mi piangthar Khris`ian ti cu ziang tinak a si?