Ի՞նչ են Նոր երկինքը եւ Նոր երկիրը:



Հարց. Ի՞նչ են Նոր երկինքը եւ Նոր երկիրը:

Պատասխան.
Շատերը թիւր գաղափար ունեն, թէ իրականում ինչպիսին է երկնքի արքայութիւնը: Յայտնութիւն 21-22 գլուխները մանրամասնօրէն պատկերում են նոր երկինքը եւ նոր երկիրը: Վերջին օրերի իրադարձութիւններից յետոյ ներկայիս երկինքն ու երկիրը պիտի վերանան եւ փոխարինուեն նոր երկնքով ու նոր երկրով: Հաւատցեալների յաւիտենական բնակութեան վայրը լինելու է նոր երկիրը: Նոր երկիրը «երկինքն» է, որի վրայ ապրելու ենք յաւիտեան: Նոր երկրում է լինելու երկնային քաղաքը՝ Նոր Երուսաղէմը, մարգարտէ դարպասներով ու ոսկէ փողոցներով:

Երկինքը՝ նոր երկիրը, նիւթեղէն վայր է, որտեղ ապրելու ենք փառաւորեալ, նիւթեղէն մարմնով (Ա Կորնթացիս 15.35-58): Պատկերացումը, թէ երկինքը «ամպերում» է, սուրբգրային չէ: Նոյնպէս սուրբգրային չէ նաեւ այն, թէ մենք «երկնքում ճախրող հոգիներ» ենք լինելու: Երկինքը, որ հաւատացեալները բնակեցնելու են, մի նոր ու կատարեալ մոլորակ է լինելու: Այդ նոր երկիրը զերծ է լինելու մեղքից, չարից, հիւանդութիւնից, տառապանքից ու մահից: Հաւանաբար նման է լինելու մեր այս երկիր մոլորակին, բայց առանց մեղքի նզովքի:

Իսկ նոր երկի՞նքը: Հարկ է յիշել, որ հնագոյն մարդկանց մտքում «երկինքը» վերաբերում էր վերերկրային ոլորտին, տիեզերքին, ինչպէս նաեւ այն տիրոյթին, ուր բնակւում է Աստուած: Ուստի Յայտնութիւն 21.1-ի «նոր երկինքը» հաւանաբար նկատի ունի վերստեղծուող ողջ տիեզերքը՝ նոր երկիրը եւ նոր երկնոլորտը: Ենթադրաբար՝ Աստուած վերստեղծելու է նաեւ երկինքը, որպէս տեզերքում ամէն բանի «նոր մեկնարկ»՝ ֆիզիկական, թէ հոգեւոր: Արդեօ՞ք մենք յաւիտենութեան մէջ ազատ մուտք ենք ունենալու նոր երկինք: Հաւանաբար, բայց դա ապագայում կիմանանք: Թող որ Աստուծոյ Խօսքը լուսաբանի երկնքի ճշմարիտ գաղափարը մեզ համար:



Վերադառնալ հայերէն սկզբնաէջ


Ի՞նչ են Նոր երկինքը եւ Նոր երկիրը: