Ինչո՞ւ Ծննդոց գրքում մարդիկ շատ երկար էին ապրում:



Հարց. Ինչո՞ւ Ծննդոց գրքում մարդիկ շատ երկար էին ապրում:

Պատասխան.
Գրեթէ առեղծուած է, թէ Ծննդոց առաջին գլուխներում մարդիկ ինչու էին այդքան երկար ապրում: Բազմաթիւ վարկածներ են առաջ քաշուել աստուածաշնչեան գիտնականների կողմից: Ծննդոց 5 գլխի ազգաբանութիւնը ներկայացնում է Ադամի բարեպաշտ սերունդներին, այն տոհմը, որից ի վերջոյ պիտի սերուէր Մեսիան: Աստուած հաւանաբար օրհնել էր այս տոհմը յատկապէս կեանքի երկար տեւողութեամբ՝ որպէս արդիւնք նրանց բարեպաշտութեան եւ հնազանդութեան: Հնարաւոր է, բայց Աստուածաշունչը որեւէ տեղ կեանքի երկար տեւողութիւնը յատուկ չի սահմանափակում միայն Ծննդոց 5 գլխում նշուած անհատներով: Աւելին, ի բացառեալ Ենովքի, Ծննդոց 5 գլխում յատկապէս բարեպաշտ որեւիցէ այլ անհատ չի նշւում: Հաւանական է, որ բոլորն էին այդ ժամանակ մի քանի հարիւր տարի ապրում: Ի՞նչ գործօններ էին նպաստում կեանքի այդպիսի տեւողութեանը:

Ծննդոց 1.6-7 հատուածում նշւում է երկնային հաստատութիւնից վեր ջրերի մասին. իւրատեսակ մի ծածկ, որ շրջապատում էր երկիրը: Այդպիսի ջրային ծածկը պիտի որ ջերմոցային էֆեկտ ստեղծէր եւ արգելէր շողարձակ ճառագայթումը, որ ներկայումս ներգործում է երկրագնդին: Արդիւնքում երկրի վրայ առկայ էին կեանքի իդէալական պայմաններ: Ծննդոց 7.11-ում կարդում ենք, որ ջրհեղեղի ժամանակ ջրային ծածկը թափուեց երկրի վրայ՝ վերջ տալով կեանքի բարենպաստ պայմաններին: Համեմատենք մարդկանց կեանքի տեւողութիւնը նախքան ջրհեղեղը (Ծննդոց 5.1-32) եւ ջրհեղեղից յետոյ (Ծննդոց 11.10-32): Ջրհեղեղից անմիջապէս յետոյ մարդկանց տարիքը կտրուկ նուազեց:

Մէկ այլ բացատրութիւն. արարչութիւնից յետոյ մի քանի սերնդի մէջ մարդկային գենետիկ կոդը քիչ փոփոխութիւններ էր կրել: Ադամն ու Եւան կատարեալ էին ստեղծուել, նրանք վստահաբար շատ առողջ էին եւ ի վիճակի էին դիմադրել որեւէ ցաւի կամ հիւանդութեան: Նրանց յետնորդները պիտի որ ժառանգած լինէին այս յատկանիշները, թէեւ աւելի նուազ չափով: Ժամանակի ընթացքում մեղքի հետեւանքով մարդկութեան գենետիկ կոդը յարաճունօրէն տկարանում էր, եւ մարդիկ աւելի ու աւելի ենթակայ էին դառնում հիւանդութեան եւ մահուան: Սա նոյնպէս կարող էր կտրուկ նուազեցնել կեանքի տեւողութիւնը:



Վերադառնալ հայերէն սկզբնաէջ


Ինչո՞ւ Ծննդոց գրքում մարդիկ շատ երկար էին ապրում: