Ինչպէ՞ս ներեմ նրանց, ովքեր մեղանչել են իմ դէմ:



Հարց. Ինչպէ՞ս ներեմ նրանց, ովքեր մեղանչել են իմ դէմ:

Պատասխան.
Իւրաքանչիւրիս հանդէպ երբեւէ վատ բան են արել, վիրաւորել կամ մեղանչել են: Ինչպէ՞ս պիտի արձագանքեն քրիստոնեաները նման դէպքերում: Ըստ Աստուածաշնչի՝ պէտք է ներենք: Եփեսացիս 4.32-ում ասում է. «Իրար հետ քա՛ղցր եղէք, գթած՝ իրար ներելով, ինչպէս որ Աստուած էլ Քրիստոսով ձեզ ներեց»: Նմանապէս, Կողոսացիս 3.13-ում կարդում ենք. «Իրար համբերելով ու իրար ներելով, եթէ մէկը միւսի դէմ տրտունջ ունենայ. ինչպէս որ Քրիստոս ներեց ձեզ, այնպէս էլ դուք»: Ինչո՞ւ ենք ներում: Որովհետեւ մենք ինքներս ներում ենք ստացել: Բայց ով որ քրիստոնեայ չէ, նա ներում չի ստացել Աստծուց եւ ոչ էլ ուժ եւ ցանկութիւն ունի իր մէջ ուրիշներին ներելու:

Ներելը դիւրին բան կլինէր, եթէ միայն ներէինք նրանց, ովքեր վշտահար զղջումով գալիս եւ ներում են հայցում: Սուրբ Գիրքն ասում է՝ պարտաւոր ենք ներել մեր դէմ մեղանչողներին առանց պայմանի: Անկեղծ ներելու մերժումը զայրոյթ, դառնութիւն եւ դժգոհութիւն է ցոյց տալիս, որոնք ճշմարիտ քրիստոնեայի յատկանիշ չեն: Տէրունական աղօթքում Աստծուն խնդրում ենք ներել մեր մեղքերը, ինչպէս որ մենք ենք ներել մեր դէմ մեղանչողներին (Մատթէոս 6.12): Մատթէոս 6.14-15-ում Յիսուս ասում է. «Եթէ դուք մարդկանց իրենց յանցանքները ներէք, ձեզ երկնաւոր Հայրն էլ ձեզ կների: Իսկ եթէ դու մարդկանց իրենց յանցանքները չներէք, ձեր Հայրն էլ ձե՛ր յանցանքները չի ների»: Աստուծոյ ներման վերաբերեալ սուրբգրային այլ հատուածների լոյսով Մատթէոս 6.14-15-ի իմաստն այն է, որ նրանք, ովքեր չեն ներում ուրիշներին, իրենք իրապէս չեն զգացել Աստուծոյ ներումը:

Ամէն անգամ Աստուծոյ որեւէ պատուիրանին չհնազանդելիս մեղք ենք գործում Նրա դէմ: Երբ վատ ենք վարւում մէկ ուրիշի հանդէպ, մեղք ենք գործում ոչ միայն այդ անձի, այլեւ Աստուծոյ դէմ: Եթէ գիտակցենք, թէ Աստուած որչափ է ներում մեր բոլոր յանցանքները, կհասկանանք, որ իրաւունք չունենք ներելու շնորհը մերժելու ուրիշներին: Մենք Աստուծոյ դէմ մեղանչել ենք անսահմանօրէն աւելի, քան որեւէ ոք կարող է մեղանչել մեր դէմ: Եթէ Աստուած ներում է մեզ այդքան շատ, ինչպէ՞ս կարող ենք մենք չներել մարդկանց շատ աւելի քչում: Մատթէոս 18.23-35-ում Յիսուսի պատմած առակը զորեղ օրինակ է այս պարզ ճշմարտութեան: Աստուած խոստանում է, որ երբ մենք ներում խնդրելով գալիս ենք իր առջեւ, Նա ձրիաբար շնորհում է իր ներումը (Ա Յովհաննէս 1.9): Մեր ներումը սահման չպիտի ունենայ, ճիշտ ինչպէս Աստուծոյ ներումն է անսահման (Ղուկաս 17.3-4):



Վերադառնալ հայերէն սկզբնաէջ


Ինչպէ՞ս ներեմ նրանց, ովքեր մեղանչել են իմ դէմ: