Ո՞վ է եղել Կայէնի կինը: Կայէնի կինը իր քո՞յրն էր:



Հարց. Ո՞վ է եղել Կայէնի կինը: Կայէնի կինը իր քո՞յրն էր:

Պատասխան.
Աստուածաշնչում չի ասւում, թէ ով է եղել Կայէնի կինը: Միակ հնարաւոր պատասխանն այն է, որ Կայէնի կինը եղել է իր քոյրը կամ զարմուհին կամ երրորդ պորտի թոռնուհին եւ այլն: Աստուածաշունչը չի ասում նաեւ, թէ քանի տարեկան էր Կայէնը, երբ սպանեց Աբէլին (Ծննդ. 4.8): Քանի որ երկուսն էլ երկրագործ էին, հաւանաբար երկուսն էլ հասուն եւ չափահաս մարդիկ էին, հաւանաբար իրենց ընտանիքներն ունէին: Ադամը եւ Եւան անշուշտ ուրիշ երեխաներ էլ են ունեցել մինչեւ Աբէլի մահը, քան միայն Կայէնն ու Աբէլը: Անշուշտ դրանից յետոյ էլ շատ երեխաներ են ունեցել (Ծննդ. 5.4): Փաստը, որ Աբէլին սպանելուց յետոյ Կայէնը վախենում էր իր կեանքի համար (Ծննդ. 4.14), ցոյց է տալիս, որ այդ ժամանակ Ադամն ու Եւան ուրիշ երեխաներ, նոյնիսկ թոռներ էլ ունէին: Կայէնի կինը (Ծննդ. 4.17) եղել է Ադամի ու Եւայի դուստրը կամ թոռնուհին:

Քանի որ Ադամը եւ Եւան առաջին եւ միակ մարդ արարածներն էին, ապա նրանց զաւակները իրար հետ ամուսնանալուց բացի ուրիշ ընտրութիւն չունէին: Աստուած չէր արգելել ազգականների ամուսնութիւնը միմեանց հետ մինչեւ որ երկրի վրայ բաւականաչափ մարդ լինէր եւ արիւնակցական ամուսնութիւնն անհրաժեշտութիւն չլինէր այլես (Ղեւտ. 18.16-18): Երբ արիւնախառն ամուսնութիւնից ծնուած երեխաները յաճախ գենային խանգարումներ են ունենում, պատճառն այն է, որ միեւնոյն գեներով մարդիկ (օրինակ՝ քոյր եւ եղբայր) երեխայ են ունենում, եւ խիստ hաւանական է, որ ռեցեսիւ գենային բնորոշիչները դառնան դոմինանտ: Իսկ երբ տարբեր ընտանիքների մարդիկ են երեխայ ունենում, խիստ անհաւանական է, որ զույգ ծնողներն էլ միեւնոյն ռեցեսիւ յատկանիշները կրող լինեն: Մարդու գենետիկ կոդը դարերի ընթացքում շատ է «աղտոտուել», քանի որ գենային արատները բազմապատկուել, շատացել եւ փոխանցուել են սերնդէսերունդ: Ադամը եւ Եւան գենետիկ որեւէ արատ չեն ունեցել, ինչը եւ թոյլ է տուել նրանց եւ իրենց յետնորդների առաջին մի քանի սերունդներին անհամեմատ աւելի առողջ լինել, քան մենք այժմ: Ադամի ու Եւայի զաւակները գենետիկ չնչին արատներ են ունեցել կամ առհասարակ չեն ունեցել: Հետեւաբար, արիւնախառն ամուսնութիւնը նրանց համար շատ աւելի անվնաս էր:



Վերադառնալ հայերէն սկզբնաէջ


Ո՞վ է եղել Կայէնի կինը: Կայէնի կինը իր քո՞յրն էր: